ESTUDIU DE LOS XENES

Hyperboreo · Nuevo Usuario Registrado: Jun 28, 2006 Mensajes: 2

Un estudiu de la Universidá d'Oxford asitia l'aniciu de los celtes na costa del Cantábricu

Redacción

21/09/2006 Una investigación sobre'l mapa xenéticu de les islles britániques ellaborada pola prestixosa Universidá d'Oxford afirma que los celtes británicos, la cultura prerromana más importante de les islles, proveníen de la costa del cantábricu.

La investigación, dirixida pol profesor Brian Sykes (na semeya), basóse nel analís del ADN de más de 10.000 persones nel Reinu Uníu y Irlanda, y demostró que'l códigu xenéticu de tolos habitantes de les islles aseméyase enforma del de los habitantes de la costa cantábrica peninsular. Anque ye n'Irlanda, Escocia y Gales onde se conseña una mayor semeyanza, l'estudiu descubre que tamién n'Inglaterra hai una presencia de la güelga xenética celta más marcada de lo que se contaba, franciendo cola idea tradicional de que la resquiebra política ente Inglaterra y los demás países del so ámbitu taba venceyada a la cuestión racial. La teoría de Sykes ruempe amás cola teoría afitada de va tiempu que defendía que los celtes proveníen de centrueuropa, alcontrándo-yos aniciu nuna faza xeográfica qu'incluye a Asturies y dende la que los celtes de la tribu "oisin" migrarien hacia l'añu 5.000 enantes de Cristo.

La teoría del profesor Sykes concueya en cierta midida col relatu que fai'l Padre Carballo na so obra "Antiguedades y cosas Memorables del Principáu d'Asturies" llibru del sieglu XVII nel que l'eruditu xesuita defende'l poblamientu de les islles britániques por asturianos emigraos a aquelles tierres en dómina anterior a la de los astures. Más cerca nel tiempu, nel añu 2001, un estudiu xenéticu de la población asturiana ellaboráu pol inmunólogu Carlos López Larrea alcontró tamién mayores semeyances xenétiques ente los asturianos y pueblos del norte d'europa que colos del restu de la península.

http://www.asturies.com/noticia.php?cod=26465

Más información en The Independent y en Oxford Ancestors