El Díi d´Asturies nun tien de ser só folckloricu

PCPE-Asturies · Invitado

Esti ye´l testu qu´el PCPE-Asturies y les os mocedaes CJC/CMC van distribuir en Mieres el 8 de setiembre.
----------------------------------------------------------------------------------

Güei, 8 de Setiembre 2004, Asturies torna a nun tener na cai la espresión xunitaria de les lluches que díi a díi trescorren pela so xeografía. Atrás queden los díes en que n'Asturies se construyía un proyeutu ilusionante, nomáu BIA, que pretendía, dende la soberanía de ca ún de los sos miembros, facer rialidá la pernecesaria espresión política de llucha col enfotu irrenunciable de facer camudar les coses. ¿Ónde tan nes "cellebraciones oficiales" del gobiernín de la supuesta isquierda plural un espaciu pala crisis del naval, la siderurxia, el campu y la ganadería, la minería, la cultura popular?. Nun tan per nengún llau por que nun tienen voluntá d'enfrentase a un sistema del que viven perbien.

Nós, los comunistes del PCPE-Asturies y de los CJC/CMC, sabemos que la realidá nun ye inmutable ya que los pueblos tienen el puxu suficiente pa tornala si se organicen revolucionariamente. Exemplos d´ello hai abondo na hestoria d´Asturies, ye por ello que nós camentamos qu´Asturies tien de participar n'un proyeutu que dende´l nivel estatal, comu marcu xeneral de la llucha escontra´l Estáu capitalista, faiga causa en comuña con tolos pueblos y naciones que conformen esi Estáu, pa secudinos ente toos, cola fuercia que da la xunidá popular esta dictadura del capital que mantien nel paru, la precariedá, y l´escurantismu cultural a la clas obrera.

Pa ello ye imprescindible que les organizaciones de la isquierda (seyamos d´ámbetu estatal o asturianu) nos xuntemos en tornu a un proyeutu de puntos mínimos pa dar un xiru radical a la política asturiana basándonos siempres na movilización y la criación de poder popular.

Ye tiempu pues, de amosanos que la isquierda n´Asturies podemos dexar atrás el seutarismu y el maximalismu nos plantegamientos políticos y de damos cuenta que les organizaciones y otres estayes de llucha nun son un fin en si mesmes si non un medíu de llucha pa algamar la emancipación de la clas y la defensa de los intereses d´Asturies como pueblu.

Por to ello ye absolutamente necesario construyir un Frente Políticu y Social de la Isquierda d´Asturies, y el PCPE-Asturies y los CJC/CMC facemos nesti sen un llamáu a toles organizaciones que vraeramente apuesten per una tresformación radical del marcu xurídicu politicu d´anguañu, a trabayar xuntos pa facer realidá esi frenti que la clas trabayaor asturiano necesita.