Al Mar.

orbayu · Invitado

SALUDOS FAMILA A.N.

AL MAR.

Pasar el muru baxu dixebra
la cai del paséu de cementu perriba de l'arena
trai de súpetu dalgo hai tiempu conoció :
l' alborotu pequeñu de les playes.
Ta too apetiguñao baxo'l curtiu horizonte:
plata brusca , agua azul , toballes ,gorros de bañu coloraos ,
les pequeñes y fresques folines insistentes
contra l'arena caldia y marialla y , más allá
un barquín blancu apegáu a la tarde.

¡Bastante vistu too, bastante vistu!
Estirase , comer dormir sintiendo l'agua
( les oreyes nes radíos , esi ruiu apagáu baxu 'lcielo , )
o dir p'acá y p'allá
entre neños inciertos ,recebaos de blanco
y embobaos d'aire enorme , o tirar poles sielles
de vieyos tiesos pa qu'esfruten tovía
un últimu branu, too esto ta mui vistu ;
mitá placer anal y mitá ritu .

Ygual que cuando yo, feliz de dir yo solu,
buscaba entre l'arena fomosos futbolistes,
o como , mucho enantes , escuchando míos pas
el mesmu cacaréu playeru , conociéndome.

(D. Cincuenta Poemes ingleses ,del sieglu xx)

(PHILID LARKIN)
(1922-1985)
selección y traducción de JOSÉ LUIS PIQUERO.
(Mieres 1967)

UNA ASTURIANA.