DICIONARIU BASICU DE LA LLINGUA ASTURIANA.

quira · Publicado: Mie Sep 14, 2005 3:49 pm **Asunto**:

pizarra. 1. n.Piedra de color prieto que se pue dixebrar en fueyes planes y delgaes. Emplégase muncho pa cubrir los teyaos. ||Per Lluarca les cases tienen el teyáu de pizarra. 2. n. Cachu d'esta roca enmarcáu de plásticu, madera o metal y onde s'encribe con un pizarrín. ||Les neñes punxeron les cuentes na so pizarra. 3. n. Tableru asistiáu normalmente na paré y que pintáu d'escuro val pa escribir nél. SIN. enceráu. ||El maestru esplicó'l problema na pizarra. FAM. pizarral, pizarrería, pizarreru-a-o, pizarrín, pizarrosu-a-o.

pláganu. n.Árbol altu de fueyes grandes y tueru reutu. Plántenlu muncho nes places y nos xardinos pa que dea solombra. VAR. pládanu, planu. ||Nel colexu de Cabueñes tienen pláganos nel patiu.

plana. n.Caúna de les cares d'una fueya. SIN. páxina. ||Tengo que facer un dibuxu nesta plana.

plancha. 1. n.Lámina de metal, madera o plásticu delgada y llisa. ||El trabayu hai que lu faer nuna plancha madera. 2. n.Instrumentu de fierro que pola aición del so pesu y del calor quita les engurries de la ropa. ||Xamuscóme'l vistíu cola plancha vapor. FAM. planchador-ora, planchadura, planchamientu, planchar, plancháu-ada-ao, planchazu.

planiar. 1. v.Estudiar y facer el plan d'una obra o d'un asuntu. SIN. entamar, proyeutar. ||Planiamos tolos detalles del viaxe. 2. v.Baxar o caltener un avión en planéu ensin l'efeutu del motor. ||Al avión falláron-y los motores y llegaron al aeropuertu planiando. FAM. planéu, planiador, planiamientu.

planta. 1. n.Vexetal. ||jjBerto punxo plantes pa un requexu-l prau. 2. n.Parte d'abaxo de los pies, cola que se pisa. ||Espetó un escayu na planta'l pie. 3. n.Pisu d'una casa. ||Na planta baxa de mío casa punxeron un chigre.

plantar.1. v. Meter na tierra una semienta, una caña, una planta, etc., pa que prienda y miedre. VAR. llantar. ||Pa plantar hai que moyar la raíz. 2. v.Espetar daqué en suelu, en dalguna parte. SIN. fincar, llancar, llantar. ||Plantó una estaca pa zarrar la sebe. 3. Nun dir a una cita que se tien con daquién. ||Plantóme dos domingos siguíos, nun hai enfotu nél. []FAM. planta, plantación, plantador-ora, plantel, plantón, tresplantar.

plantegar. v.Esponer un trabayo o'l proyeutu d'un asuntu. SIN. presentar, suxerir. ||Plantegamos la escursión a los socios. ||Voi plantegate un problema de matemátiques.

plantía 1.. n.Pieza que cubre per dientro la planta los zapatos. VAR. plantiya. ||Los mios zapatos tienen les plantíes gastaes. 2. n. Númberu d'emplegaos qu'hai nuna empresa. ||Conozo una empresa que tien una plantía de ventidós trabayadores.

planu-a-o. 1. n.Que nun tien engurries. SIN. igualáu-ada-ao, llanu-a-o, llisu-a-o, niveláu-ada-ao. ANT. desigualáu-ada-ao, desniveláu-ada-ao, engurriáu-ada-ao. ||Fuimos per un camín planu del too. 2. n.Representación gráfica d'un terrenu, d'un edificiu, etc. SIN. carta, mapa. ||Nesti planu nun ta puestu'l cuartu bañu. []FAM. aplanar, esplanar.

plasmáu-ada-ao. ax. Que ta atontáu y nun arrepara nes coses. SIN. ablucáu-ada-ao, abobáu-ada-ao, apocáu-ada-ao, xiromenu-a-o. ANT. espabiláu-ada-ao, viviegu-a-o. FAM. plasmadura, plasmar, plasmu. ||Andaba plasmáu y nun s'enteraba de nada de lo que-y dicíen.

plásticu. n.Material que se llogra pente medies de procedimientos químicos y colo que se fabriquen oxetos d'usu industrial y domésticu. FAM. plasticidá, plásticu-a-o, plastificación, plastificar. ||Traxéronme un coche de plásticu qu'anda con piles.

plata. n.Metal precioso, blanco y relluciente. FAM. platería, plateru-a, platiar, platiáu-ada-ao. ||Tengo una cadena de plata.

plataneru. n.Planta tropical de tueru mui altu, corteya llisa y fueyes cayongues, que da un frutu allargáu, blandu y persabrosu. SIN. bananeru, platanera. VAR. plátanu. FAM. aplatanar, platanal, plátanu. ||En Canaries hai munchos plataneros.

plátanu. n.Frutu del plataneru, allargáu y con un pulgu de color mariello. ||A Xuaquina préste-y munchos los plátanos madurecíos. SIN. banana.

plateru. 1. n.Mueble onde se ponen los platos. ||Comieron tantos en casa que nun cabíen los platos en plateru. 2. n.Persona que trabaya la plata y otros metales y piedres precioses. SIN. xoyeru-a. ||Encargué-y al plateru un aniellu d'oru.

platicar. v.Falar d'un asuntu dos o más persones. SIN. dar parola, parllar. VAR. platigar. FAM. plátiga, platigador-ora-oro, platigamientu, platigáu-ada-ao. ||Nel nun fai más que platicar tol día col primeru qu'alcuentra a mano.

platiqueru-a-o. ax. Que fala muncho y ye mui comunicativu. SIN. charrán-ana-ano, parlloteru-a-o, paroleru-a-o. ANT. calláu-ada-ao. VAR. platigueru-a-o, platiqueiru-era. ||Tu, colo platiqueru que yes, conozte tol mundu.

platu. n.Pieza de lloza o d'otro material, redonda que s'emplega pa comer. FAM. platáu, plateru. ||Pon los platos na mesa pa comer.

playa. n.Oriella arenosa de la mar o d'un ríu. SIN. sableru, sablón. FAM. playada, playeru-a-o, playu. ||Na playa siempre hai xente asgaya.

plaza. 1. n.Llugar abiertu y espaciosu dientro d'una población. ||Na plaza'l Conceyu hai fiesta los domingos. 2. n.Mercáu. ||A los llunes ye difícil atopar pescáu na plaza.

plegar. v.Facer pliegues. FAM. plegable, plegamientu, plegáu-ada-ao. ||Mio ma ta plegando una falda cola plancha.

plizcar. 1. v.Apertar ente los deos un cachu de piel, de carne o de cualquier otra cosa. SIN. peñizcar, pizcañar. ||Plizcóme nes ñarices y dexómeles moraes. 2. v.Arrincar un cachín de daqué. ||plizqué una sardina pa ver si taben bien tostaes. FAM. plizcadura, plizcamientu, plizcáu-ada-ao, plizcón-ona-ono, plizcu.

plizcu. 1. n.Aición y efeutu de plizcar. SIN. peñizcu, pizcañu. ||Dio-y un plizcu y mancólu. 2. n.Poca cosa. SIN. chisca, garrapu, gotu, misquitín. ||Dame un plizcupan.

plomada. n.Pesa de metal colingada d'una cuerda que val pa señalar la vertical. ||Echa la plomada pa facer la muria.

quira · Publicado: Mie Sep 14, 2005 4:32 pm **Asunto**:

plomu. n.Metal mui pesao de color buxo azulao. Ye maleable y al contautu col aire aferrúñase con facilidá. FAM. plomada, plomar, plomáu-ada-ao. ||La tubería l'agua ye de plomu.

pluma. 1. n.Caúna de les pieces que cubren el cuerpu de les aves. ||Enantes, les plumes de gansu valíen pa escribir. 2. n.Instrumento emplegáu pa escribir. ||Güei escribí una carta cola pluma'l maestru. FAM. desplumar, plumiar, plumaxe, plumazu, plumeru, plumín.

pobláu-ada-ao. ax. Que vive xente nél. FAM. población, poblador-ora, poblamientu, poblar, pueblu. ||Hai llugares muy poco poblaos

pocillu. n.Taza pequeña. ||El café tómase en pocillos.

pocu-a-o. ax. Escasu. VAR. poucu-a. ||Dame poca comida que toi a réximen.

podar. v.Cartar les cañes que-yos sobres a los árboles pa que se faigan más fuertes. FAM. poda, podador-ora-oro, podadera, podadura, podamientu, podáu-ada-ao. ||Munches plantes pódense nel iviernu.

poder. n.Facultá pa facer daqué. ANT. impotencia. ||Tenía poder pa facer d'aquello lo que-y petare.

poder. v.Ser quien a facer una cosa. ||Dicen que poder ye querer. FAM. apoderar, poderíu, poderosamente, poderosu-a-o.

podre. ax. Descompuestu. VAR. podrecíu-ida-ío. ||Taben toles mazanes podres de nun les coyer a tiempu.

podrecer. v.Descomponer cualquier materia orgánica. SIN. perdese, podrigañar. FAM. podre, podrén, podrigañu, podrizu, podríu-ida-ío. ||Esti tieru ta empecipiando a podrecer.

podrigañar. v.Podrecer. ||Va podriñate too si nun lo metes na nevera.

podrizu-a-o. ax. Que ta podre y fiede. ||Golía a podrizu que tiraba p'atrás.

poesía. 1. n. Xéneru lliterariu escritu en versu. ||A mi gústame muncho la poesía de Pepín de Pria. 2. n.Composición escrita en versu. ||Fixi una poesía so la ñatura. []FAM. poema, poeta, poéticu-a-o, poetizar.

pol-pola-polo. Contraición de la preposición per y les formes del artículu. ||Dio-y esti cromu pol otru. ||Pola mesma película paqué yo munches menos perres que tu. ||Púnxose percontentu poles coses que-y dixi.

policía. n.Persona que curia pol orden públicu y la seguridá de la xente. FAM. policiacu-a-o, policial, polizón-a. ||La policía, a vegaes, anda d'a caballu.

políticu-a-o. ax. Que ye hábil pa facese con dalguna cosa. SIN. cuciu-a-o, diplomáticu-a-o. ||Ye mui políticu pal tratu con tol mundu.

políticu-a-o n.Persona que se dedica a la política. FAM. políticamente, politiqueru-a-o, politiquiar. ||Los políticos facíen propaganda eleutoral.

políticu_andar o tal políticu. espresión. Tar enfadáu. ||Xuacu y el so hermanu anden un poco políticos.

polleru. n.Palu del gallineru onde se ponen les pites a dormir. FAM. empollerar. ||A les ocho yá tán les pites nel polleru.

quira · Publicado: Mie Sep 14, 2005 4:57 pm **Asunto**:

polleru-a. n. Persona que cría o viende pollos. FAM. pollería. ||El tíu de Xuan ye polleru.

pollín-ina. n.Burru xoven. SIN. burru. ||El pollín de casa tien el pelo prieto.

pollín-a-o. ax. Inorante, de poca espabilación. SIN. burru-a-o. ANT. espabiláu-ada-ao, llitu-a-o. ||¿Nun seyas pollíin, ho!

pollinada. n.Dichu o fechu propiu d'un pollín. SIN. borricada, burrada, necedá. ||La pollinada que fizo nun tien nome.

polu .1. n.Caún de los dos estremos de la exa imaxinaria al rodiu de la que xira la Tierra, ||Nel Polu Norte nun hai pingüinos. 2. n.Camiseta con cuellu. ||Esti polu mercómelu la mio hermana. 3. n. Xeláu xuniu a un palín. ||Mércame un polu d'ablana.

pólvora. n.Amestadura d'azufre y carbón que tin propiedaes esplosives. ||La pólvora inventáronlo los chinos.

polvoreda. n.Cantidá grande de polvu. SIN. polvoríu VAR. polvorera. ||¡Vaya polvoreda que llevantaron!

polvorientu-a-o. ax. Que ta enlleno polvu. ||jTaba tan polvoriento que namás entrar ellé poníeste perdíu.

polvu. n.Partícules sólides y perpequeñes de materia. SIN. povisa. FAM. espolvoriar, polvera, pólvora, polvorín, polvorón, polvoreda, polvorientu-a-o, polvoríu. ||Tien polvo nos zapatos y púnxose a llimpialos.

pomada. n. Sustancia melecinable que s'esparde pela piel pa curar les infeiciones. ||Voi echate pomada nesi resguñu.

pómpara. n.Globu d'aire que se fai con agua y xabón soplando per un tubu. SIN. burbuya, gorgolitu. ||Con esti deterxente les pómpares salen más grandes.

ponderatible. 1. ax. Que tien cualidaes que son d'emponderar. ||jEsti trabayu ye ponderatible. 2. ax. Que tien por costume allabar a los demás. ||Xuan ye mui ponderatible y nun se pue facer munchu casu de lo que diga. []SIN. allabanciegu-a-o. FAM. empoderador-a, emponderamientu, emponderar, emponderáu-ada-ao.

ponederu. n.Sitiu onde les aves ponen los sos güevos. SIN. nial, níu, ñeru. ||Vi un güevu que nun taba nel ponederu.

poner. v.Colocar nun llugar a daqué o a daquién. SIN. asitiar. ANT. quitar, sacar. FAM. anteponer, ponente, poniente, posponer, ponederu, ponedor-ora-oro, proponer. ||Hai que poner les coses nel so sitiu pa que llueu nun haya problemes.

ponte. n.Construcción fecha enriba un pozu, ríu, etc., pa poder pasalos. VAR. puente. FAM. pontáu, ponticu, pontigu. ||La ponte La Escura ta argayando.

pontigu-a. n.Ponte pequeñu de maderos. ||El pontigu llevólu la enllena.

pontón. n. Viga pequeña que sostién les armadíes que sofiten el teyáu o'l pisu de les construcciones. ||Pa iguar la casa tuviemos que poner dellos pontones.

quira · Publicado: Mie Sep 14, 2005 9:21 pm **Asunto**:

por1. prep. Indica causa de, precio, finalidá, etc. ||Fáigolo por ti.|| Fáigolo por nun t'aguantar. ||Fáigotelo por venti duros. ||Callái y dir por él. 2. n. Palabra que s'emplega pa significar el signu de multiplicar. ||Dos por diez son venti.

porcayada. n.Dichu o fechu de mal gustu. SIN. gochada, gochería. FAM. porcayu, porcaz, porcón-ona-ono. ||Dexa de facer porcayaes y llava les manes.

poro. alv. Por eso, por esi motivu. ||Toi mui cansáu, poro, nun voi dir.

porru. n.Recipiente de vidru o de barru que tien un pitorru llargu pa beber a chorru. SIN. porrón. ||Préstame beber cerveza con gaseosa pel porru.

portalín. n.Entrada d'una casa. SIN. antepar, portalada. FAM. portal. ||En delles casones asturianes hai un portalín.

porteru-a. 1. n.Persona que curia la entrada d'un edificiu o d'un establecimientu públicu. ||Llegué tarde y abrióme la puerta del colexu'l porteru. 2. n.En dellos deportes, el xugador que guarda la portería. ||Castro foi un gran porteru. FAM. portería, puerta.

portiella. n.Puerta que se fai pa zarrar finques y torgar el pasu al ganáu y a les persones. SIN. canciella. FAM. portellazu, portelleru-a, portiellu, puerta. ||La portiella'l güertu ye de castañal.

posada. n.Llugar onde s'alquilen cuartos pa dormir. VAR. pousada. ||Los pelegrinos descansaron na posada.

posar. 1. v.Asitiar daqué en dalgún sitiu. ||Tienes que posalu enantes d'abrilu. 2. v.Baxar de dalgún llugar. ||Cuando llegues a La Felguera tienes que posate del autobús. 3. Descansar, parar de movese. ||Nel camín de Siana hai una enllanada pa posar un poco. []VAR. pousar. FAM. aposentar, posada, posaderu-a-o, posáu-ada-ao, reposar.

postal. n.Tarxeta que s'unvía per corréu xeneralmente con un dibuxu o una semeya per una cara y un espaciu pa escribir pela otra. ||Cuando teas en Roma mándame una postal.

postiella. n.Corteya que se forma al repulgar les mancadures o los granos. VAR. postía. ||Manquéme na rodiya y tengo una postiella pergrande.

postigu. n.Contraventana que se coloca na puerta o nes ventanes de la casa o del payar. SIN. bocarón, trapa. ||Abre'l postigu y agarra esta carta.

postizu-a-o. ax. Que nun ye natural nin propio sinón añadío. SIN. artificial, falsu-a-o. ANT. llexítimu-a-o. ||Na fiesta punxo unes narices postices y taba persimpática.

postizu. n.Peluca. ||Trayía un postizu y paecía una mazcarita.

postre. n.Fruta, dulce o otru alimentu que se come p'acabar les comíes. ||jEl meyor postre ye la fruta fresco.

postreru-a-o. ax. Que ta nel últimu llugar. SIN. caberu-a-o. ANT. primeru-a-o. ||Ésta ye la neña postrera de la mio vecina.

pota. n.Cacíu redondu con una o dos ases que val pa cocinar. SIN. pote, pucheru. FAM. potada, potaxe, potáu. ||Mete les fabes con agua na pota y ponles a cocer suavino.

potarru. n.Moluscu marín comestible asemeyáu al calamar. ||Diéronme potarros pa comer.

potaxe. n.Comida que se fai con pataques, berces y compangu. SIN. pote. VAR. potax. ||Comen potaxe tolos díes y nun cansen.

pote. 1. n.Comida que se fai con pataques, berces y compangu. SIN. fabes, patates y berces. ||El pote asturianu faise con pataques, berces y compangu. 2. n.Utensiliu redondu de fierro sofitáu en tres pates. ||La comida fecho nel pote paez que tien otru sabor.

potril. n.Espaciu de terrenu qu'hai delantre les cases. SIN. antoxana, corralada. ||Nel potril de la mio casa ye onde fendemos la lleña.

quira · Publicado: Jue Sep 15, 2005 3:47 pm **Asunto**:

potru-a. n.Cría de la yegua. FAM. apotrilar, empotrar, potrada, potreru. ||La yegua parió un potru pintu.

povisa. n.Polvu. ||Fumaba muncho y tenía la mesa enllena povisa.

pradera. n.Instrumentu con mangu y dientes que val p'atropar yerba, fueyes, etc. SIN. angazu, garabatu. ||Pa dir a la yerba hai que llevar pradera, pala dientes y forquetu.

prau. n.Terrenu onde se dexa crecer la yerba. FAM. apradiar, pradeera, pradería, apradiáu-ada-ao. ||A esti prau hai que corta-y la otoñada.

prauticar. v. Facer una cosa munches vegaes. SIN. entrenar, exercitar. FAM. prauticante-a, práuticu-a-o. ||Pa xugar bien hai que prauticar muncho.

pre: a pre. espresión. Empataos, n'igualdá de condiciones. ||Dempués de tar xugando tola tarde, quedamos a pre.

precavíu-ida-ío. ax. Prudente pa facer o dicir coses. FAM. precaución. ||Ye mui precavida, siempre sal con paragües por si llueve.

preciáu-ada-ao. 1. ax. Que tien muncha estima y valor. SIN. estimáu-ada-ao, consideráu-ada-ao, queríu-ida-ío. ANT. despreciáu-ada-ao, refugáu-ada-ao. ||Esti llibru ye mui preciáu por mi. 2. ax. Que presume muncho. SIN. allabanciosu-a-o, presumíu-ida-ío. ||Ye una neña mui preciada de sí mesma.

preciu. n.Valor que tien daqué. FAM. apreciamientu, apreciar, apreciatible, despreciar, despreciatible. ||Col preciu que tien la fruta nun se pue mercar.

pregancies. n.Cadenes onde se cuelguen les potes nel fueu del llar. SIN. calamiyeres. ||Nun toques les pregancies, qu'amburen.

pregunta. n.Información que se pide a daquién. SIN. entruga. ANT. contestación, rempuesta, retruque. ||Yo nun sé contestate la pregunta que me ficisti.

preguntar. v. Facer una pregunta. SIN. entrugar. ANT. contestar, responder, retrucar. FAM. preguntador-ora-oro, preguntáu-ada-ao, perguntón-ona-ono. ||preguntó-y al maestru lo que nun entendía.

premiar. v.Dar un premiu a daquién. ANT. castigar. FAM. premiáu-ada-ao, premiu. ||Premiaron al que llegó'l primeru.

premiu. n.Regalu que s'ufierta a daquién por un trabayu bien fechu. ||El meyor premiu que ganó foi un paquetáu de llibros.

prender. 1. v.Facer qu'una cosa arda metiéndo-y fueu. SIN. xamuscar, encender, quemar. ANT. apagar. ||Entamó a prender el monte ensin damos cuenta.

2. v.Coyer daqué. Atar. SIN. coyer, agarrar, prindar. ANT. lliberar, soltar. ||Prendió'l caballu a la estaquera. 3. v.Quedar engancháu. ||Al saltar el matu quedó ellí prendíu. 4. v. Coser de mou provisional. ||jDempués cuásotelu, agora nun faigo más que prendételu un poco. 5. v. Revivir un vexetal dempués de tresplantalu. ||El xeranio púnxilu n'otru tiestu y prendió. []FAM. deprender, desprender, prendíu-ida-ío, presu-a-o, sorprender.

prensa. n.Conxuntu de publicaciones peródiques que nos informen. ||Gúei entovía nun lleí la prensa d'Avilés.

presentar. 1. v.Enseñar a daquién les carauterístiques d'una persona o cosa. ||Voi presentate esti proyeutu de mio pá. 2. v.Dar a conocer a daquién. ||¿Por qué nun me presentes a esa collacia?. []FAM. presencia, presentable, presentador-ora, presentación, presentáu-ada-ao, presente, representar.

preseos. n.Conxuntu de ferramientes que s'empleguen na llabranza o en cualquier otru oficiu. SIN. apareyos, aperios, avíos, arabíes, presees. ||Colos preseos que tengo nun pueo facer munches coses.

prestar. v.Sentir munchu disfrute con dalguna cosa. SIN. gustar. FAM. prestosidá, prestosu-a-o, prestura. ||Préstame munchu vete.

prestosu-a-o. ax. Que presta. ||¡Qué prestosu ye esti rinconin!

presu-a. n.Persona que cumple condena xudicial nuna cárcel. SIN. presidiariu-a. ANT. llibre. FAM. apresar, presidiu. ||Los presos quixeron fugase de la cárcel.

prexuiciu. n.Opinión que se tien sobre daqué o daquién y que nun s'axusta a lo que ye verdá o realidá. ||jEn tolos países hai prexuicios contra los emigrantes.

prexulgar. v. Xulgar a daquién ensin tener una conocencia esauta de la causa. SIN. prexuiciar. FAM. prexuiciu, xulgar. ||Nun se pue prexulgar ensin saber bien les coses.

priesa. n.Gana o necesidá de facer daqué rápidamente. ANT. aposientu, calma, tranquilidá. ||Mio pá tien siempre muncha priesa cuando hai partíu de fútbol pela televisión.

prietu-a-o. ax. De color mui escuro o negro. SIN. negru-a-o. ANT. claru-a-o. ||Los pas yeren roxos y salió-yos un fíu prietu como'l güelu.

primavera. n.Estación del añu ente l'iviernu y el branu. FAm. primaveral. ||Na primavera cabera llovió abondes vegaes.

primeru-a-o. ax. Numberal ordinal. Que ta nel puestu un. ANT. caberu-a-o, postreru-a-o, últimu-a-o. ||Mesalina ye la primera de la clas en too.

primu-a. 1. n.Respeuto d'una persona, fíu o fía del so tíu o tía. ||El mío primu Nolo, nun quier dir a la escuela. 2. n. El númberu que namás ye divisible por él mesmu y pola unidá. ||El tres ye un númberu primu.

quira · Publicado: Sab Sep 17, 2005 5:47 pm **Asunto**:

princesa.1. n.Títulu que se-y da a la fía del rei. ||La princesa Lena monta en caballu. 2. n.Muyer del príncipe. ||La princesa diba al llau del so home, el príncipe.

principáu. n.Terrenu gobernáu por un príncipe o que foi dominiu d'un príncipe n'otra dómina. ||El Principáu d'Asturies ta bañáu pol Mar Cantábricu.

príncipe. n.Fíu del rei. VAM. princesa, principáu, principescu-a-o, principín, principal. ||El Príncipe d'Asturies ye'l fiu los reis.

principiar. v.Dar entamu a una cosa. SIN. aniciar, apenzar, emprimar, entamar, escomenzar. ANT. acabar, finar, rematar. VAR. comencipiar, empricipiar, escomencipiar, escomenzar. FAM. principiante-a, principiu. ||Pa principiar el llabor, quita'l sombreru.

principiu. n.Momentu o llugar consideráu como comienzu de dalguna cosa. SIN. aniciu, comienzu, entamu ANT. fin, final, remate. ||Prestóme tol llibru menos el principiu.

prindar. 1. v.Agarrar los reses que se meten en terrenu ayeno y echar una multa al so propietariu. ||Prindáron-y la vaca por saltar la sebe. 2. v.Agarrar daqué o a daquién. ||Prindáron al lladrón cuando taba robando un reló. []FAM. prinda, prindador-ora-oro, prindadura, prindamientu, prindáu-ada-ao, prinde.

probar. 1. v.Comer o beber daqué pa ver cómo sabe. ||Presta muncho con Miguel, gústa-y probar de tpp- 2. v.Facer un esperimentu. ||Tuvieron probando'l camión nuevu a ver si andaba bien. []FAM. probáu-ada-ao, prueba.

probe-a. 1. ax. Que nun tien lo necesario pa vivir. SIN. mísere, míseru-a-o. ANT. ricu-a-o. ||Hai un home nel camín que, pela traza que trai, debe ser un probe. 2. ax. Que tien pocu valor. ||La chaqueta que trai debe ser d'un xéneru probe. []FAM. aprobetayar, emprobecer, probetayu-a-o, probitú.

problema. n.Cuestión que presenta dificultá. SIN. enzancu, pilancu, torga. FAM. problemáticamente, problemáticu-a-o. ||Esti problema paezme que nun soi a sacalu.

procurar. v.Poner los medios amañosos pa consiguir daqué. SIN. enfotar, facer por, intentar, pretender. FAM. procuración, procurador-a, procuru. ||Hai que procurar facer bien toles coses que mos mandaron.

producir. v.Dar frutos; ellaborar productos. FAM. contraproducente, improductivu, producción, productivu-a-o, productividá, productu, reproducir. ||Hai que producir más si queremos mantener el negociu.

prohibir. v.Nun permitir l'usu o la fechura d'una cosa. SIN. torgar. ANT. permitir. FAM. prohibición, prohibíu-ida-ío. ||Estropióse tol xardín por nun prohibir a tiempu l'usalu.

pronunciar. v.Articular soníos pa falar. SIN. dicir. ANT. callar. FAM. impronunciable, pronunciable, pronunciación, pronunciamientu, pronunciáu-ada-ao. ||Xuacu va pronunciar un discursu na plaza la ilesia.

prospeutu. n.Fueya escrita con poca estensión onde s'espliquen les carauterístiques d'un productu, el mou d'emplegu, etc. FAM. prospeición, prospeutivu-a-o. ||Hai que ller bien el prospeutu pa poder manexar l'aparatu.

provecer. v.Facese llarga la espera. VAR. aprovecer. FAM. provecíu-ida-ío. ||Tuvi esperándote y provecióme muncho.

provechu. n.Beneficiu o utilidá que se saca de daqué. VAr. proveichu, proveitu. FAM. aprovechamientu, aprovechar, aprovecháu-ada-ao, provechosu-a-o. ||VAN sacar munchu provechu con esi negociu.

provincia. n.División territorial alministrativa d'un estáu, d'una comunidá. FAM. provincianismu, provincial, provincianu-a-o. ||Galicia tien cuatro provincies.

provocar. 1. Facer que s'enfade una persona, un animal. ||Anda tol día provocando al perru y acabará mordiéndolu. 2. Ser causa de daqué. ||L'airón d'estos díes provocó munchos accidentes. FAM. provocación, provocador-ora-oro, provocatible, provocáu-ada-ao.

provocatible. ax. Que provoca. FAM. provocación, provocador-ora-oro, provocar, provocáu-ada-ao. ||Nun facía más qu'enfadase colos otros polo provocatible que yera.

proyeutar. 1. v.Facer un plan. SIN. entamar, planiar. ||Tamos proyeutando un barcu pal descensu folclóricu del Nalón. 2. Reflexar nuna pantalla una película, un diapositiva. ||Esta selmana proyeuten nel Capitol una película de vaqueros. []VAR. proyectar FAM. anteproyeutu, proyeición, proyeutable, proyeutáu-ada-ao, proyeutil, proyeutivu-a-o, proyeutor, proyeutu.

prunal. n.Árbol que da prunos. SIN. andrín. VAR. brunal. FAM. prunada, prunera, pruneral, prunu. ||Nel camín de La Llosona ta naciendo una prunal.

prunu. n.Frutu de la prunal, de color prieto y asemeyáu a les cirueles. VAR. brunu. ||Los prunos dan un tastu acidoso.

pruyir. v.Sentir esmolición pola mor d'inquietúes morales o molesties físiques. VAR. pruir. FAM. pruyidera, pruyimientu. ||Dende que falé contigo traigo un prutimientu grande.

públicu-a-o. 1. ax. Que pertenez al pueblu. ||Esti parque ye públicu. 2.n.Xente, conxuntu de persones qu'asisten a un actu. ||El públicu xibló al árbitru.

pucheru. 1. n.Pote pequeñu pa guisar que tien un asa. ||Suma yá punxo'l pucheru pa les doce. 2. n.La comida de tolos díes. ||Échame un poco del pucheru que tengo muncha fame.

pueblu. 1. n.Conxuntu de persones xuníes por una tradición, una cultura, una historia y una lligua. ||Yo pertenezo al pueblu asturianu. 2. n.Llugar pobláu pequeñu. VAR. puelu. ||Nel pueblu de La Zrezal vivía la tía Nemesia. FAM. despoblar, poblar, pueblerín-ina-ino, repoblar.

puercu-a-o. ax. Que tien suciedá. SIN. gochu-a-o. ANT. frescu-a-o, llimpiu-a-o. FAM. emporcar, porquería. ||¡Mira qué puercu te punxisti nel champán|

quira · Publicado: Sab Sep 17, 2005 6:54 pm **Asunto**:

puerru. n.Planta comestible asemeyada a la cebolla. El so bulbu ye perapreciáu na cocina. ||Hai xente que come los puerros crudos.

puerta. 1. n.Güecu preparáu nuna paré pa entrar y salir. ||Na paré d'enfrente hai que facer una puerta. 2. n.Pieza de madera, de fierro o d'otru material que zarra esi güecu. ||Encargaron una puerta nueva de fierro. []FAM. compuerta, portada, portal, portería, portiella, puertu.

puertu. 1. n.Llugar na costa pa guardase los barcos, embarcar y desembarcar. ||jEl puertu de Xixón llámase El Musel. 2. n.Pasu ente dos mantañes. ||Nel puertu de Payares hai una estación d'esquí.

pues. conx. Espresa causa o consecuencia. ||Pues como nun lo fagas va pesate.

pulga. n.Inseutu saltador y parásitu que s'alimenta col sangre de los mamíferos. FAM. pulgosu-a-o, pulgueru. ||Tas arrascándote como si tuvieres pulgues.

pulgar. v.Quitar el pelleyu o la cáscara a la fruta, a les pataques, etc. SIN. espelleyar, pelar. FAM. pulgamientu, pulgáu-ada-ao, pulgu, pulguina. ||Pa cocer les castañes, val más pulgales

pulgu. n.Cubierta de la fruta, de les pataques. ||Xuan echa los pulgos de les pataques na esllava.

pulguina. n.Castaña pelada y cocida. ||Les pulguines son mui riques con lleche.

pulmón. n.Muérganu de la respiración de los seres que viven fuera l'agua. FAM. apolmonar, apolmonáu-ada-ao, polmonera, pulmonar, pulmonía. ||Taba malu del pulmón y nun alendaba bien.

pulpu. n.Moluscu cefalópodu comestible. Vive no fondero la mar y tien ocho raxos o tentáculos con ventoses. FAM. pulpada, pulpería, pulperu. ||El pulpu tarda muncho en cocer.

pulsiar. 1. v.Echar un pulsu ente dos persones pa ver cuála délles tien más fuerza. ||Vamos pulsiar a ver quién pu más. 2. v. Tartiar un asuntu. ||Les encuentes d'opinión fainse pulsiando lo que la xente camienta so un tema. FAM. pulsiador-ora-oro, pulsiadura, pulsiu, pulsu.

pumar. n.Árbol que da mazanes. SIN. carruezu, mazanal. FAM. pumarada, pumariegu-a-o, pumarón-ona-ono. ||Xubióse nun pumar y agarró dos mazanes.

pumarada. n.Plantación de pumares. ||La pumarada, esti añu, dio poques mazanes.

pumarina. n.Inseutu esnalador coles esnales de colores vistosos. SIN. camparina, caparina, escapitina. ||Les pumarines de la que nacen son gates.

punta. 1. n.Clavu mui delgáu de fierro con cabeza y termináu en picu. ||Les gomes de les madreñes clávense con puntes pequeñines. 2. n.Miembru del aparatu reproductor y urinariu de los machos. SIN. minga, pirula, pixa, xorra. ||Xicu sacó la punta y mexó los playeros. FAM. apuntar, desapuntar, puntada, puntal, punteru, puntu, puntual.

puntada. 1. n.Dolor agudu. SIN. flatu, glaída, pinchazu. ||Coyí fríu y diome una puntada nel llombu. 2. n.Filu qu'ocupa l'espaciu ente dos furacos fechos cola aguya al coser. ||Nótense-y les puntaes nel vistíu.

punteru. n.Caña o tubu de madera con furacos nos que se llogren los soníos musicales al salir l'aire qu'hai nel fuelle la gaita. VAR. punteiru. FAM. puntiador-ora-oro, puntiar, puntiáu-ada-ao. ||El punteru la mio gaita ta fechu con madera de boxe.

puntu. 1. n.Límite mínimu de la estensión. ||La llinia ye una sucesión de puntos. 2. n.Marca na escritura. ||Enriba la i ponse un puntu

punxón. n.Ferramienta con punta. ||Apúrrime'l punzón p'afroracar esta chapa.

puñar. v.Dar cornaes un animal. SIN. cornexar, churnar, truñar, turriar. FAM. puñador-ora-oro, puñadura, puñamientu, puñáu-ada-ao. ||Esti güe puña en cuantes que pue.

puñáu. n.Cantidá de dalguna cosa que cueye nun puñu. ||Diéronme un puñáu carambelos en casa mio güela.

puñu. 1. n.Mano zarrada. ||El puñu de Fonsu ye más grande que'l de Lin. 2. n.Parte d'un vistíu qu'arrodia les miñeques. ||Traximos les camises manchaes pelos puños. []FAM. empuñar, puñada, puñal, puñáu-ada-ao, puñetazu.

puru. n.Cigarru grande. ||Nel autobús diba un home aborronando con un puru ensin parar.

puru-a-o. ax. Que nun tien nenguna amestadura. SIN. llimpiu-a-o, purificáu-ada-ao. ANT. amestáu-ada-ao, mecíu-ida-ío. FAM. impuru-ao, pureza, purificar, puritanu-a-o. ||Traime'l café puro.

puxar v.Facer fuerza. SIN. emburriar, trampuxar. VAR. apuxar, empuxar. FAM. puxador-ora-oro, puxáu-ada-ao, puxu. ||Güei yá hai muncha xente puxando pola llingua.

puxarra. n.Cosa o xente que nun tien nengún valor. SIN. despoxu, esperdiciu, magaya. ||Coyeron lo bono y dexaron la puxarra.

puya. 1. n.Aición y efeutu de puyar. ||Na puya que se fizo colos cuadros d'Evaristo Valle, ún xubió a tres millones. 2. n. Pallabra o fechu que se diz o se fai pa solliviar o facer dañu a una persona. ||Lin suélta-yos munches puyes a los demás. []FAM. puyador-ora.

puyar. v.Vender públicamente una cosa a la persona que paga más por ella. ||Mío pá puyó l'añu pasáu na fiesta de San Xuan.

quira · Publicado: Dom Sep 18, 2005 8:13 pm **Asunto**:

Q

q. Lletra decimoséptima del abecedariu asturianu.

que. 1. conx. Que xune una oración con otra o partes d'elles. ||Dixo-y que viniere rápido. 2. pron. Que va nel llugar d'un antecedente o val pa entrugar. ||El pelo que tien Llarina ye prieto. ||¿Qué me traxisti ayeri?

quedar. 1. v. Tar ciertu tiempu nun llugar determináu. SIN. parar. ANT. colar, fuxir. ||Foi pa tar ellí les vacaciones y quedóse a vivir. 2. v. Morrer. ||Quedóse como un paxarín, ensin que mos enteráramos. []FAM. queda, quedáu-ada-ao.

quedáu. n.Bolu que se pon más cerca'l biche nel xuegu los bolos. ||Pa matar esti xuegu tienes que tirar el quedáu.

quemar. v.Consumir con fueu o con calor. SIN. aburiar, amburar, arder. VAR. queimar. FAM. quema, quemaderu, quemador-ora-oro, quemadura, quemáu-ada-ao, quemona, resquemadura, resquemor. ||Prendiólo con un mistu y quemó too.

quemona. n.Ardor d'estómagu. SIN. ardor, ardura, queimón, queimor, queimura. ||A min delles comíes fanme mal; danme quemona.

querencia. n.Afeutu que se tien a persones o a llugares. SIN. cariñu, estimanza. ||Tengo-y muncha querencia a esta casa.

querer. 1. v.Tener voluntá de facer dalguna cosa. ||Quería acabalo too nun día pero yera imposible. 2. v. Tener cariñu, amor a daquién o daqué. SIN. apreciar, estimar. ANT. despreciar, refugar. ||Quiérote muncho pero tengo que dexate. []FAM. querencia, queríu-ida-ío.

quesu. n.Masa de lleche cuayao y salao. VAR. queisu. FAM. quesera, quesería, queseru-a-o. ||El quesu Cabrales tien reconocencia mundial.

quexada. n.Caxada. VAR. queixada, quexal. ||La quexada d'abaxo ye la que se mueve.

quexar. v.Espresar la pena y el dolor que se tien. SIN. llamentar, llancir. VAR. queixar. FAM. quexáu-ada-ao, quexica, quexicar, quexíu, quexón-ona-ono, quexosu-a-o. ||Nun tenía nada y quexábase muncho.

quexica. ax. Que se quexa muncho ensin nengún motivu. SIN. carpión-ona-ono. VAR. quexicón-ona-ono, quexicosu-a-o, quexón-ona-ono, quexosu-a-o. ||Aguanta un poco y nun seyas quexica.

quexíu. n.Voz llastimera qu'espresa dolor o pena. SIN. llamentu, llancíu, quexa. VAR. queixíu. ||Daba unos quexíos
que lu sentíen de lloñe.

quiciás. alv. Señala la posibilidá de daqué. SIN. acasu, a lo meyor, seique. VAR. quiciabes. ||Quiciás venga Xosé güei pela tarde.

quiciu. n.Parte les puertes y ventanes onde s'afita la pieza que zarra éstes. VAR. quizu. FAM. desquiciar, quiceiru, quicial. ||Hai qu-echa-y aceite al quuiciu porque rincha.

quicu-a. n.Ave de la familia de les gallines mui pequeña de tamañu. ||El quicu que merqué en Grau ye l'amu'l gallineru.

quien. 1. pron. indefiníu. ||Que te lo arregle quien te lo estrozó. 2. Interrogativu. Obs. Nesti casu lleva tilde. ||¿Quién fo'l que te lo dixo?

quietu-a-o. 1.ax. Que nun se mueve. SIN. paráu-ada-ao. ANT. dinámicu-a-o. ||Tate quietu y nun te llevantes de la siella. 2. ax. Que ye tranquilu, poco activu. SIN. aposentáu-ada-ao, reposáu-ada-ao, sosegáu-ada-ao. ANT. inquietu-a-o.||Lluis ye un rapacín mui quietu, pásase'l día brazu sobre brazu.

química. n.Ciencia qu'estudia la composición de les sustancies y les tresformaciones que sufren éstes. ||La química orgánica estudia los compuestos del carbonu.

químicu-a. n.Persona que se dedica profesionalmente a la química. ||Sinda ye química y pásase'l día nel llaboratoriu.

quince. ax. numberal. Equival a tres vegaes cinco. FAM. quincena, quincenal. ||Lurdes fizo quince años antayeri.

quinientos. ax. numberal. Equival a cinco vegaes cien. ||Esti llibru costóme quinientes pesetes.

quintal. n.Midida de pesu que tien 46 kilos. ||Caún d'estos sacos de cementu pesa mediu quintal.

quintana. n.Parte de la casería formada pola casa, la corte y dellos otros elementos. ||La quintana ye la casa propia d'Asturies.

quintu. 1. ax. numberal ordinal. Que ta nel llugar cinco. ||El deu muñín ye'l quintu entamando pel gordu. 2. n.Mozu que va pa la mili. ||Los quintos tán tallándose na Casa Conceyu.

quioscu. 1. n.Caseta onde se vienden periódicos, flores, tabacu, llambiotaes, etc. SIN. carrín. ||Merqué cinco tebeos nel quioscu. 2. n.Plataforma techa y abierta pelos llaos onde toque les bandes, orquestes, etc. ||Xaréu Folk tocó nel quioscu del parque peles fiestes.

quirúrxicu-a-o. ax. Que ta rellacionáu cola ciruxía. ||Yo vi nuna película una operación quirúrxica del corazón.

quitar. 1. v.Agarrar una cosa d'otra persona contra la so voluntá. SIN. robar, roubar. ANT. devolver, volver. ||Llarina quitó-y el llibru a Lisina. 2. v. Coyer una cosa d'un sitiu onde hai delles. SIN. entesacar, sacar, separtar. ANT. meter, poner. ||¡Quita esa piedra d'ellí! FAM. quitáu-ada-ao, quitón-ona-ono.

quira · Publicado: Mie Sep 21, 2005 9:43 pm **Asunto**:

R

r. Lletra decimoctava del abecedariu asturianu.

raba. 1. n.Parte d'atrás. SIN. rabera, trasera. ||El carru diba cargáu fasta la raba. 2. n.Cebu de pesca. ||¡A quién se-y ocurre dir a pescar ensin raba!

rabadiella. n.Parte d'abaxo del espinazu. SIN. rabadal, rabadiellu, rabal. . ||Los golpes na rabadiella son mui malos de curar.

rabanada. n.Pedazu de pan, de xamón, etc. que se corta en forma de lámina. VAR. rabañada. ||P'almorzar dame una rabanada de pan con mantega.

rabasera. n.Movimientu violentu del aire que suel durar poco. SIN. airada, surrutu, torbolín. ||Vieno una rabasera y llevóme la ropa del tendal.

rabel. n.Instrumentu musical de cuerda. ||Hai munchos años los ciegos ganaben la vida tocando'l rabel peles fiestes.

rabexar. v.Ximelgar el rabu cualquier animal. FAM. derrabadillase, raba, rabadal, rabexar, rabu, rabucar, rabucu. ||El caballu tien que rabexar pa espantar les mosques.

rabia. 1. n.Enfermedá que puen agarrar dellos animales, n'especial los perros, y que se tresmite por mordedura. ||El mío perru vacunélu escontra la rabia. 2. n.Enfadu. ||Nun yera quien a razonar pola rabia que tenía. []FAM. rabesina, rabiar, rabiáu-ada-ao, rabiosu-a-o, rabiura.

rabil. n.Empuñadura de dellos mecanismos que val pa facelos dar vueltes. SIN. manivela. FAM. rabilar, rabiláu-ada-ao, rabileru-a, rabilón-ona-ono. ||Duelme'l brazu de tanto da-y al rabil.

rabión. n.Llugar onde hai un movimientu rápidu del agua los ríos. SIN. torbolín. ||Cayóme'l balón al ríu y nun lu fui a coyer porque metióseme nun rabión.

rabiura. n.Enfadu violentu ensin munchu motivu. SIN. perreta, rabesín, rabexina. FAM. rabia, rabiar, rabión-ona-ono, rabiosu-a-o, rabiures. ||Los neños pequeños, delles vegaes tienen rabiures.

rabu. n.Cola de los animales. VAR. rau. ||Los caballos tienen el rabu llargu y peludu.

rabucu-a-o. ax. Que nun tien rabu o lu tien más pequeñu de lo normal. SIN. rabicu-a-o, rabón-ona-ono. ||El perru rabucu de Xuan caza ratos enforma.

rabullargu. n.Páxaru que vive nes orielles de los ríos y que tien el rau mui llargu. ||El rabullargu ye un páxaru mui vivu y perdifícil de cazar.

radio. n.Aparatu que permite sentir mensaxes que s'unvíen dende una emisora. ||Na vío radio portátil siéntense perbién los cuarenta.

radiu. 1. n.Midida qu'hai dende'l centru a un puntu de la circunferencia. ||La circunferencia tien un radiu de seis centímetros. 2. n.Güesu del antebrazu. ||Nela cayó de la bici y frañó'l brazu pel radiu.

raigañu. 1. n.Raíz grande d'un árbol. ||Dexó enxugar el raigañu y valía-y pa tizar. 2. n.Orixe o aniciu de daqué. ||Manolo nun tien raigañu asturianu. []SIN. raigame. FAM. enraigonar, raigón, raíz.

raigón. n.Raigañu. ||Les fayes son plantes con munchu raigón.

raitán-ana. n.Páxaru pequeñín de pechuga colorada. SIN. papíin, papu coloráu, papu roxu. ||Nun matu'l camín hai un ñeru raitán.

ralo: de ralo en ralo. espresión. De tarde en tarde. SIN. dacuando, de xemes en cuando. ||El to sobrín vien per equí de ralo en ralo y cada vez medra más.

ralura. n.Separtamientu qu'hai ente les partes d'una cosa. SIN. ralada, ralera, raluza. FAM. arralar, arralecer, raliar, ralu-a-o. ||Al semar les pataques hai que dexar una bona ralura ente elles pa que medren.

rama. 1. n.Conxuntu de les cañes de los árboles. ||Na seronda cai la rama. 2. n.Caña d'una planta. SIN. cana, xamasca. ||L'airón arricó una rama al peral. [] FAM. arramascar, enramar, ramada, ramal, ramalada, ramalazu, ramaliar, ramalín, ramasca, ramascada, ramascaya, ramascu, ramoniar.

ramal. 1. n.Desviación d'un camín. ||Pa llegar a mio casa tienes que tirar per un ramal qu'hai a la drecha. 2. n.Atadura que se pon a un animal pa guialu. ||Pón-y el ramal al burru que si non nun vas poder con elli.

ramaladan. Ataque de llocura o esvaríu qu'apaez y desapaez ensin permanecer de forma constante. SIN. aventonazu, llocada, lloria, lloriada, llunada, pronte, venatada. FAM. ramalazu, ramascada. ||jA Xuacu dáben-y ramalaes y nun quería que-y lo tratara'l médicu.

ramascaya. n.Caña del árbol con fueyes. SIN. cana, rama, ramu, xamasca, xamascu. ||Per Pascua llévense a bendicir ramascos de lloréu.

rampla. n.Superficie empruna pa xubir, baxar o llanzar daqué. FAM. rampleru-a. ||Enantes, el tren de Llangréu tenía que xubir y baxar pela rampla de San Pedro en La Floría.

ramu. n.Manoxu de flores o de daqué. ||El ramu flores que traxo Xuliu ensugó desiguida por nun lu meter n'agua.

ranciar. v.Molestar de siguío. SIN. runfar. VAR. rancer, rancir. ||Ta ranciándome la muela.

raneta. n.Variedá de mazana. ||Na güerta Rufu hai pumares que dan ranetes.

rañar. 1. v.Raspar la superficie d'una cosa con una espátula, coles uñes, con un cuchiellu. ||Pa pintar la puerta la cocina lo primero qu'hai que facer ye rañala bien. 2. v. Pacer muncho un prau. ||Les vaques rañaron tanto'l prau que quedó enllenu raleres. VAR. arrañar. FAM. rañador-ora-oro, rañadura, rañamientu, rañáu-ada-ao.

rapaz-a. n. Persona xoven. SIN. chaval-a, mozu-a, xoven. ANT. adultu-a. FAM. arrapazar, arrapazáu-ada-ao, rapazón-ona, rapaciegu-a-o. ||Prometí-y al rapaz que lu llevaba al cine si se portaba bien.

rápidu-a-o. 1. ax. Que fai les coses en ocu tiempu. ||Nunca vi naide más rápida que tu faciendo los deberes. 2. Que se mueve a muncha velocidá. ||Como yera mui rápidu llegó'l primeru. []SIN. llixeru-a-o. ANT. calmosu-a-o, calquín-ina-ino, lentu-a-o. FAM. rápidamente, rapidez.

rapiegu-a. n.Animal montés, mamíferu carnniceru. Tien tiesta ancha, oreyes y focivu picudos, cuerpu cubiertu d'abondu pelo llargo y de color pardusco acolorazao o abuxaracao. El rabu ye llargu y mui peludu. SIN. raposu-a. La rapiega comió-y el quesu a la glaya.

raposina. n.Zreza pequeña y de mala calidá. ||La raposina ye más barata que la picona, pero nun val la pena mercala.

raposu-a. n.Animal montés, mamíferu carniceru. Tien tiesta ancha, oreyes y focicu picudos, cuerpu cubiertu d'abondu pelo llargo y de color pardusco acolorazao o abuxaracao. El rabu ye llargu y mui peludu. SIN. rapiegu-a. FAM. arraposáu-ada-ao, raposería, raposiegu-a-o. ||El raposu entra nel gallineru y roba les pites.

raru-a-o. ax. Que ye poco común o estrañu. SIN. especial, únicu-a-o. ANT. corriente. FAM. enrarecer, raramente, rareza. ||Ancontramos un bichu mui raru enl camín y traxímoslu pa que lu veáis.

raspiar. v.Pasar una cosa tocando llixeramente a otra. SIN. rozar. FAM. raspiadura, raspiamientu, raspiáu-ada-ao, raspiazu, raspión, raspionazu. ||Taben tirando piedres y pasóme una raspiando.

paspión.. n.Mancadura o esfoyamientu de la superficie d'un cuerpu que se fai al raspiar. SIN. raspiadura, raspionazu. ||Fixi un raspión al abrir la puerta.

rastrexar. v.Siguir a daqué o a daquién poles señales que va dexando. FAM. rastreru-a-o, rastrexador-ora-oro, rastrexu, rastriegu-a-o. ||La policía rastrexó la viesca pa buscar al neñu perdíu.

ratina. n.Vaca col pelo de color abuxaracao, asemeyao al de los ratos. Ye pequeña pero de bon rendimientu. ||Na corte había vaques ratines y frisones.

ratu. 1. n.Animal mamíferu royedor que vive nes cases y nel monte. SIN. mur, mure. ||Na cocina vieron un ratu y xubiéronse toos enriba la mesa. []FAM. arratonáu-ada-ao, rata, ratalliria, reteru-a-o, ratiar, ratina, ratizu, ratoneru-a-o, ratoniar, ratonizu-a-o. 2. n.Espaciu curtiu de tiempu. SIN. momentu. ||Aguarda un ratu a que venga.

rau. n.Rabu. ||El perru metió'l rau ente les pates.

raxón-ona-ono. ax. Con munches rayes. ||Ye un gatu raxón.

raxu. n.Muérganu de dellos moluscos llargu y con ventoses. ||Si t'agarra un pulpu colos raxos cuéstate abondo soltate.

quira · Publicado: Jue Sep 22, 2005 4:15 pm **Asunto**:

raya. 1. n.Sucesión de puntos nel espaciu. ||Enllenó la fueya de rayes. 2. n.Llinia de separtación ente dos territorios. SIN. llende. ||En Tarna ta la raya ente Asturies y Lleón. 3. n. Animal marín col cuerpu aplastáu, anchu y col rabu llargu. ||La raya ye un pexe perapreciáu polos marineros. 4. n.Llinia llarga. SIN. llinia, trazu. ||Pon una raya debaxo d'esa oración pa estremala bien de les otres.

rayar. 1. v.Facer rayes. ||Pa xugar al cascayu, rayaron nel suelu. 2. v.Llendar una cosa con otra. ||Asturies raya con Lleón, Cantabria y Lugo. []FAM. rayadura, rayamientu, rayar, rayáu-ada-ao, sorrayar.

rayu. 1. n.Llinia d'espardimientu de la lluz y el calor. ||Ya tán asomando los rayos del sol. 2. n.Chispa producida pola descarga llétrica ente dos nubes o una nube y la tierra. SIN. chispa, rellumu. ||Cayó un rayu y estrozó la chimenea. 3. n.Radiu d'una rueda. ||Les ruedes del carru tienen ocho rayos.

reactor. n.Avión con motor a reaición. ||El reactor nun aterrizó por culpa la borrina.

rebalgar. 1. v.Abrir muncho les piernes pasándoles penriba de daquién. VAR. reblagar. ||Pa montar un caballu hai que rebalgase bien. 2. v.Dar pasos llargos. SIN. galmiar. ||Tenía priesa y tuvo que dir rebalgando un tiempu. []FAM. rebalgadura, rebalgamientu, rebalgáu-ada-ao, rebalgu.

rebalgu. n.Pasu llargu. SIN. galmiada, galmiu VAR. reblagu. ||Xuanón de tres rebalgos pasó la carretera.

rebañu. n.Conxuntu d'animales de la mesma clas. ||El pastor metió'l rebañu nel corral.

rebaxar. 1. v. Quitar altura o anchura a una cosa. ||Nun rebaxes muncho les pates d'esta banqueta. 2. Restar o baxar de una cantidá, d'un preciu. ||Si nun lo rebaxes nun te lo merco.

rebelguinos. n.Sensación involuntaria que se produz cuando se toquen delles partes del cuerpu. SIN. coscoritos, cosques, rebusquinos, remelgos. VAR. rebolguinos. ||Nun me toque que tengo rebelguinos.

reblincar. Blincar de siguío. ||Reblicaben de contentos que taben por ver al hermanu.

rebollu. n.Carbayu, árbol de madera perduro, tueru gordu y fueyes con borde onduláu. Ye un árbol autóctonu astuarinu. SIN. carbayu. FAM. rebollada, rebollal, rebollera, rebollizal. ||Metanes del rebollal hai un rebollu peraltu.

rebotar. v. Cambiar daqué o daquién de direición al dar un bote. FAM. botar, bote, rebotador-a, rebotadura, rebotamientu, rebote.. ||El balón rebotó nel poste y entró na rede.

reburdiar. v.Protestar en voz baxa y enfadada. SIN. ranciar, referver, remormoñar, ricar, rungar. FAM. reburdiadura, reburdiamientu, reburdión-ona-ono. ||Fizo lo que-y mandó so pá, anque reburdiando.

recatiar. 1. v.Aldericar un vendedor y un comprador sol preciu d'una cosa que ta en venta. SIN. mercadiar. ||Nel rastru hai que recatiar, sinón engáñente. 2. v.Nel fútbol, tener habilidá col balón pa burllar al contrariu. ||El delanteru recatió mui bien y dexó a los defenses doblaos. FAM. recatiador-ora-oro, recatie, recatión-ona-ono.

recáu. n.Encargu. SIN. avisu, mandáu. FAM. recaderu-a. ||Tráigote un recáu de to tíu.

recibir. v.Tomar ún lo que-y dan o-y unvíen. SIN. almitir. FAM. recibidor-ora-oro, recibimientu, recibíu-ida-ío, recibu, recipiente. ||Recibimos una carta dende Australia.

recibu. n.Escritu que demuestra'l pagu de daqué. SIN. certificáu, xustificante. ||Nun-y paqué al cobrador porque se-y escaeció'l recibu.

reciella. 1. n.Conxuntu de neños. ||Tiadoru entrugába-y al andaluz cómo taben él y la reciella. 2. n.Rebañu de ganáu menor. ||La reciella ta paciendo na llosa. 3. n.Conxuntu de persones ruines. Enplégase con un xeitu despeutivu. SIN. cafarnaya, raxa, refugaya. ||Naquella discoteca nun había más que reciella.

recitar. v.Dicir en voz alta un testu. SIN. declamar. FAM. recitable, recitación, recitador-a, recitáu-ada-ao. ||La que meyor recitaba yera Toya.

recortar. v.Quitar lo que sobra de daqué. FAM. recortable, recortador-ora-oro, recortáu-ada-ao, recorte. ||Déxame les tisories pa recortar esti papel.

recostines: a recostines. espresión. Al llombu, a les espaldes. SIN. al carrapotu, al costín, al quincu, al recostín, a xocostrinas, al xacostín, a xilordoru. ||A los neños présta-yos que los lleven a recostines.

recoyer. 1. v.Volver a coyer una cosa. SIN. pañar. ||Hai que recoyer bien los xuguetes del suelu. 2. v.Almitir na casa o na compañia d'ún a daquién. SIN. abellugar, acoyer, protexer.||Recoyeron nel asilu al paisanín que quedó viudu l'otru día. VAR. recocher. FAM. recoyedor-ora-oro, recoyerdura, recoyimientu, recoyíu-ida-ío.

recréu. 1. n.Distraición, entretenimientu. SIN. folgueta. ANT. aburrimientu. ||Dempués de trabayar muncho ye bono un tiempu de recréu. 2. n.Momentu y llugar de descansu metanes el trabayu escolar. ||jDempués de la segunda clas tenemos un recréu de quince minutos. FAM. recreación, recreador-ora-oro, recreamientu, recrear, recreativu-a-o.

recudir. v. Vaciar o llibrar hasta lo último'l líquidu de daqué. FAM. recudidor-ora-oro, recudimientu, recudíu-ida-ío. ||Los platos tienen que recudir bien enantes de metelos nel armariu.

recular. v.Dar marcha atrás. SIN. ceder, celar, retirar. ANT. avanzar. FAM. reculador-ora-oro, reculamientu, reculáu-ada-ao. ||Xuaquín tenía medrana y reculó.

rede n.Texíu de malla de filos, cuerdes o alambre. FAM. enredemientu, enredar, enredáu-ada-ao. ||Tengo muncha sede de tanto baxar y xubir a la rede.

redondu-a-o. ax. Que tien forma de círculu o d'esfera. FAM. redondel, arredondiar, arredondiáu-ada-ao. ||La Tierra ye redonda

refacer. v. Volver a facer. VAR. refaer, refer, rehacer. FAM. facer, refaimientu, refechu-a-o. ||Hai que refacer tol trabayu porque ta mal.

quira · Publicado: Jue Sep 22, 2005 5:53 pm **Asunto**:

refaltiar. 1. v.Disfrutar a lo lloco, ensin xacíu. ||Lluis ta refalfiáu y nun hai quien lu controle. 2. v. Cansar de la comida, d'un xuegu, de daqué que se comió, que se fexo munches veces. ||Como refalfió yá nun sé la comida que-y vo dar. 3. v.Tener bayura de daqué y nun lo apreciar como merez. ||Faes eso porque tas refalfiáu. []SIN. aviciayar, reviciar. FAM. refalfiamientu, refalfiáu-ada-ao, refalfiu.

refaxu. 1. n. Falda curtia y con munchu vuelu que delles muyeres lleven debaxo les sayes. ||Una de les pieces del traxe asturianu ye'l refaxu. 2. n. Vistíu de puntu qu'asaben les muyeres debaxo les sayes. ||A María víase-y el refaxu al llevantase.

referver. 1. v.Ferver otra vegada. ||Hai que referver les berces porque tán dures. 2. v. Camentar muncho nuna cosa. ||Xuan ta referviendo so lo que-y dixi ayeri. 3. v. Reburdiar. ||Pasa'l día referviendo; nun hai manera d'aguantala. []SIN. ranciar, remormoñar, ricar, rundar FAM. ferver, refervimientu, refervíu-ida-ío.

refrescu. n.Bebida frío. FAM. refrescante, refrescar, refrescáu-ada-ao. ||¿Qué refrescu quies que te ponga?

refugaya. n.Que tien pocu valor, lo mesmo refiriéndose a persones qu'a coses. SINI. cacía, cafarnaya, raxa, reciella, xurcia. VAR. refugacha.||Ellos comieron les coses bones y a mi dexáronme la refugaya.

regadera. n.Recipiente con asa y un tubu que s'emplega pa regar. ||Cola regadera écho-yos agua a los tiestos de la terraza.

regalar. v.Dar dalguna cosa. FAM. regalador-ora-oro, regaláu-ada-ao, regalu. ||Pal día'l santu tengo de regalate un balón.

regalla. n.Fendedura llarga y estrecha. SIN. fisgonada, raxa. VAR. regaña. FAM. regalladura, arregallamientu, arregallar, arregalláu-ada-ao, regalle. ||Nel camín del puertu hai regalles que fixo la tormenta l'otru día.

regar. v.Echar agua a daqué. FAm. regadera, regadíu, regatu, regáu-ada-ao, regueru, riega. ||Les plantes nun se puen regar cuando fai sol.

regatu. n.Ríu pequeñu. SIN. regueru, riega. ||Ten curiáu, nun vaigas cayer nel regatu.

regla. n.Pieza llana, llarga y graduada que val pa midir y pa tirar llinies reutes. ||Agarra la regla qu'asina nun te sal el dibuxu.

regodón. n.Piedra redonda, dura y llisa. ||Pa bañase en ríu hai que dir calzáu porque pues mancate colos regodones.

regueru. n.Ríu pequeñu. SIN. regatu, riega. VAR. regueiru. ||Baxa un filu d'agua claro pel regueru.

rei. 1. n.Soberanu d'un reinu. ||El rei Xuan Carlos vieno a Uviéu col príncipe d'Asturies. 2. n.Pieza principal del xuegu l'axedrez. ||Taben xugando al axedrez y en tres xugaes comió-y el rei. 3. n. Carta de la baraxa. ||Nel tute, ensin el rei nun pues cantar les cuarenta. 4. n.Pexe aemeyáu al besugu. SIN. pexerréi. ||En casa la Nena ponen perbién rei al fornu. []FAM. reina, reinante, reinar, reináu, reinu.

reiseñor. n.Páxaru coles plumes de color buxo arroxao que canta perbién. ||El reiseñor canta pela mañana nun árbol qu'ahi al delláu la mio casa.

rellámpagu. n.Pesplandiu producíu pola descarga qu'hai ente dos nubes cargaes de lletricidá. SIN. rellampu, rellumu, rescamplíu. FAM. rellampaguiar, rellampaguiáu-ada-ao. ||De lloñe viose un rellámpagu cruciar el cielu.

rellatar. v.Contar un socesu. SIN. describir, esplicar, esponer. FAM. rellatador-ora, rellatáu-ada-ao, rellatu. ||A ver cuándo me rellates tolo que visti nel viaxe d'estudios.

rellucir. v.Llucir, brillar. SIN. refocilar, rellumar, resplandir. FAM. relluciente, rellucíu-ida-ío. ||No fondero'l pueblu, les ventanes rellucíen colos rayos del sol.

rellumar. v. Rellucir, brillar. SIN. refocilar, rellucir, resplandir. FAM. rellumador-ora-oro, rellumante, rellumanza, rellumáu-ada-ao, rellume, rellumera, rellumíu, rellumu. ||La lluna güei nun dexa de rellumar.

rellumera. n.Pesca que se fai pela nueche con lluces que llamen a los pexes. ||Cola rellumera d'ayeri enllené una caxa de abadexos.

rellumu. n.Resplandíu vivu y de poca duración. SIN. chispazu, rellámpagu, rellampu. ||Cegómos un rellumu y asustómos a toos.

reló. n.Aparatu que val pa midir el tiempu. FAM. reloxería, reloxeru-a. ||Tengo'l reló venti minutos atrás.

remanar. 1. v.Emplegar a otres persones en beneficiu propiu. ||Xicu tien facilidá de pallabra y remánamos a toos en cuantes que-y apetez. 2. v.Manexar o usar cualquier cosa. ||Remané perbién el cohe y aparquélu nel so sitiu. FAM. remanador-ora-oro, remanadura, remanamientu, remanáu-ada-ao.

remanecer. 1. v.Tener una cosa'l so orixen n'otra. SIN. aniciar. ||La nuesa llingua remanez del llatín. 2. v.Apaecer de nuevo y de sutrucu. ||Cuando menos lo esperabes remaneció la fonte. FAM. remanecimientu, remanecíu-ida-ío.

remanse. Sitiu onde para una corriente d'agua. SIN. empielgu, remansa, remansu. FAM. remansamientu, remansar, remansáu-ada-ao. ||Taben bañándose nel remanse de la presa'l ríu.

remediu. n.Manera o cosa cola que s'igua lo que ta mal fecho. FAM. remediable, remediador-ora-oro, remediar, remediáu-ada-ao. ||Esto yé nun tien remediu.

remiendu. n.Cachu de tela que se cues a lo que ta vieyo o roto. FAM. remendador-ora-oro, remendar, remendón-ona-ono. ||Tengo cosete un remiendu nes rodiyes del pantalón.

remite. n.Nome y direición, nos unvíos pel corréu, de la persona que los fai. ||Nun t'escaezas de poner el remite na carta.

remocicar. v. Rexuvenecer, tar más xoven. SIN. remozar. ANT. avieyar, envieyar. FAM. remocicamientu, remocicáu-ada-ao, remocique. ||Aunque los vieyos somos enfadosos, si mos dexen falar remocicamos.

remolacha. n.Planta cola raíz en forma de fusu, comestible y de la que se saca azucre. FAM. remolacheru-a-o. ||Los mios gochos comen remolacha asgaya.

remolcador. n.Embarcación que tira por otra cuando nun tien fuerza abondo p'avanzar. ||Tuvo qu'ayudalu'l remolcador p'atracar en puertu.

remolín. 1. n.Movimientu xiratoriu rápidu del agua, del aire, del polvu, etc. SIN. gorbolín, ventolín. ||Tiré un papel nel ríu y tragómelu'l remolín. 2. n.Conxuntu de pelos curtíos que salen en toles direiciones. ||Córtame esti remolín que nun soi a peinalu. []FAM. arremolinar, arremolináu-ada-ao.

remontar. v.Reaicionar de males maneres. SIN. alzar, enfadar. FAM. remontamientu, remontáu-ada-ao.. ||jSaúl remontóse y tuvo que reñelu so pá.

remoyar. v. Poner ente agua una cosa. SIN. amoyecer, amoyentar, amugar. FAM. remoyadura, remoyamientu, remoyáu-ada-ao, remueyu. ||Pon a remoyar la ropa'l neñu.

remu. n.Instrumentu de madera en forma de pala que val pa mover les barques. SIN. pala. FAM. remador-ora-oro, remamientu, remar, remeru-a. ||Tenía un remu rotu y la barca caminaba poco.

ren: un ren. espresión. Nenguna cosa. SIN. nada, res, ris. ||Esti coche nun val un ren.

renacer. v.Nacer otra vegada. SIN. retueñar, retueyar, revivir. ANT. morrer. FAM. renacedor-a, renacimientu, renacíu-ida-ío. ||Tienes que renacer pa ganame a los bolos.

renaz. n.Parte del cuerpu onde tán los renales. VAR. reñal, reñaz. ||Mio güelu sintió'l cambiu'l tiempu nel renaz.

renegrón. n.Mancha amoratada qu'apaez na piel cuando ún se da un golpe. SIN. negral, renegral FAM. renegrir, renegríu-ida-ío, renegrura. ||Cayí enriba un regodón y salióme un renegrón na rodiya.

reñer. v.Dicir pallabres echándose en cara-l mal comportamientu. FAM. reña, reñador-ora-oro, reñedura, reñíu-ida-ío.||El mio bisagüelu nun para de reñer.

reñón. n.Caúna de les dos glándules secretores del mexu. VAR. reñil. ||Nestos díes nun ando bien del reñón porque nun mexo nada.

reparar. 1. v.Iguar daqué que ta en mal estáu. SIN. aperiar, arreglar, iguar. ANT. desiguar, estropiar, estrozar. ||Telva mercó una tela pa reparar les cortines. 2. v.Poner muncha atención y curiáu pa lo que mos arrodia. ||Pasé per to casa y nun reparé pa la pintura les parés. FAM. irreparable, reparable, reparación, reparador-ora-oro, reparáu-ada-ao, reparu.

reparatible. ax. Que se fixa perbién nes coses. SIN. atentu-a-o, observador-ora-oro. VAr. reparáu-ada-ao. ||Si quies quedar bien con Xabel pórtate con bones maneres que ye mui reparatible.

reparu. n.Dulda, dificultá. SIN. torga. ||Si nun tienes reparu dá-ylu tal como vien.

repegón. n.Mancha de porquería. ||Col aceite de la ensalada ficiste un repegón na camisa.

repelús. n.Temblor del cuerpu con sensación de fríu. SIN. calafríu, perceguera, respigu. ||Col sustu que me metisti diome un repelús que cásique me mata.

repertoriu. 1. n.Conxuntu d'obres pa representar, pa cantar a un públicu. ||Col repertoriu que traen tiene pa llargo nesi teatru. 2. n.Rellatu d'acontecimientos o socedíos. ||jTien un repertoriu perllargu sol asuntu esi de Cuba. SIN. retafila, riestra.

repicar. v.Tocar rápido les campanes, una pandereta. FAM. repicador-ora-oro, repicamientu, repicáu-ada-ao, repique. ||A Colyu tocó-y repicar les campanes na procesión.

repitir. v.Volver a facer o a dicir lo que se fizo o lo que se dixo primero. FAM. repición, repitidamente, repitidor-a, repitíu-ida-ío. ||Has repitime lo que te dixi enantes.

repollu. n.Berza de fueyes apertaes en forma redonda. ||Güei tengo pa comer repollu con morciella y llacón.

reposar. v.Quedar quietu. SIN. descansar, posar. ANT. movese. FAM. reposáu-ada-ao, reposu. Reposa un poco que te veo mui fatigáu.

repostigar. v.Retrucar a lo que se manda o a lo que diz. SIN. rispir, retolicar, retrucar. FAM. respostigador-ora-oro, repostigamientu, repostigáu-ada-ao.||Fai lo que te mando y nun me repostigues.

repulgar. 1. v.Texer con vares lo cimero d'una sebe. ||Naquel prau toi viendo a un paisanu repulgando. 2. v.Camudar la corteya de los árboles. ||Esta castañal emprincipia a repulgar con agua de mayu. 3. Criar postiella una mancadura. ||Tarda muncho en repulgate la mancadura'l coldu. []FAM. repuelgu, repulgador-ora-oro, repulgadura, repulgáu-ada-ao.

repunar. v.Sentir ascu, pocu gustu por una cosa o una persona. SIN. aborrecer, tarrecer. FAM. repunancia, repunante, repunáu-ada-ao. ||Muncho me repuna faer esti trabayu.

requexu. 1. n.Terrernu escondíu. ||Pelos requexos de la viesca hai animales xabaces. 2. n.Esquina. SIN. corneyal. ||Nesi requexu'l parque hai una estatua.

res. n.Cabeza de ganáu. ||El ruin res desque come esfrez.

res: un res. espresión. Nenguna cosa. SIN. nada, ren, ris. ANT. too. ||De lo que me cuntes nun atalando un res.

rescamplar. 1. v.Quedar el cielu ensin nubes. ||Amaneció nublao pero al meudía rescampló'l sol con fuercia. 2. v.Rellucir. ||Rescamplaben los rellumos que metíen mieu. 3. v.Facese claro, evidente daqué. ||La trampa siempre rescampla []SIN. brillar, llucir, rellumar. FAM. escamplar, rescamplante, rescampláu-ada-ao, rescamplíu.

rescamplíu. Rellumu. SIN. esclarión, rellampagu, rescampléu. ||Na escuridá de la nueche un rescamplíu allumómos la caleya.

resgar. v.Romper un trapu o un papel tirando de llaos estremaos. SIN. esfarrapar, esgayar, fisgar. FAM. resgadura, resgamientu, resgáu-ada-ao, resgón, resguñu. ||Nun me riesgues la fueya'l llibru.

resguilar 1. v.Xubir a les peñes o árboles emplegando los pies y les manes. SIN. arrepegar, esgatiar, esguilar, esguilopiar. ||Toi viendo tres guahes resguilando pel árbol. 2. v.Dexase baxar d'un sitiu altu o per un palu o un tueru. SIN. esguilar, esgulir. ||Resguiló desde la picolina de la foguera al suelu.

quira · Publicado: Vie Sep 23, 2005 5:24 pm **Asunto**:

respetu. n.Bon tratu hacia daqué o daquién. SIN. consideranza, miramientu. FAM. irrespetuosu-a-o, respetabilidá, respetable, respetar, respetáu-ada-ao, respetuosu-a-o. ||A mio güelu tengo-y munchu respetu.

respigar. v.Ponese la carne de pita por efeutu de fríu, de la medrana, de la calentura, etc. FAM. respigáu-ada-ao, respigu. ||Al abrir la puerta respiguéme de lo frío que ta.

respirar v.Absorber y echar l'aire los seres vivos. SIN. alendar. ANT. afogar. FAM. irrespirable, respirable, respiración, respiraderu, respiru. ||Llegó y díxolo too ensin respirar.

resplander. v.Brillar muncho. SIN. llucir, rellucir, rellumar, rellumbrar, rescamplar. FAM. resplandecimientu, resplandíu-ida-ío. ||El sol güei resplandió enforma.

responder. v.Dar respuesta a una entruga. SIN. contestar. ANT. entrugar. FAM. respondón-ona-ono, respuesta. ||Aurelio respondió-y mal a so tíu.

resquemar. v.Doler o picar cualquier parte del cuerpu al ponese en contautu con daqué qu'intoxica, qu'enrita. VAR. resqueimar. FAM. resquemadura, resquemáu-ada-ao, resquemor, resquemu. ||jEcháronme alcohol na mancadura y resquemóme muncho.

resquemor. n.Aición y efeutu de resquemar. VAR. resqueimor. ||L'otru día queméme nun brazu y tovía tengo resquemor.

restallar.v.Arreventar dalguna cosa faciendo ruíu. SIN. españar, estampañar, esplotar. FAM. restalláu-ada-ao, restallíu, restallón, restallu. ||Nun restalles más con esa pistola que m'atorolles.

restallón. n.Pegote de fósforu o d'otra materia qu'al raspialu contra un cuerpu duru produz restallíos. SIN. estallón, retallu. ||Enantes por una peseta dábente diez restallones.

restar. v.Calcular la diferencia ente dos cantidaes. SIN. quitar. ANT. sumar. FAM. restador-ora-oro, restante, restu. ||Xuaquín nun sabe restar.

restaurán. n.Establecimientu onde se dan comíes. ||Fuimos a la playa y comimos nun restaurán.

restolar. v. Revolver per dalgún sitiu, marciar. SIN. escazar, escazolar. FAM. restolamientu, restoláu-ada-ao, restolazu. ||Enxamás conocé naide que tanto-y prestare restolar.

reteyar. v.Poner teyes nueves o iguar les estropiaes. VAR. retechar. FAM. reteyador-ora, reteyadura, reteyáu-ada-ao, teya, teyáu. ||jTengo que reteyar la mio casa.

retolicar. 1. v. Falar muncho ensin dicir nada. ||¿Qué demónganos andes retolicando? 2. V.Protestar en voz baxa. ||Xulín, en cuantes-y mandes trabayar ponse a retolicar. SIN. ranciar, remormoñar, retrucar. []FAM. retolicadura, retolicamientu, retolicáu-ada-ao, retolicón-ona-ono, retolique.

retorcer. v.Torcer una cosa, una idea, una parte de cuerpu. SIN. retorcigañar. FAM. retorcedura, retorcimientu, retorcíu-ida-ío. ||Retorcí un todiyu xugando al balón.

retorcigañar. v.Retorcer. FAM. retorcigañador-ora-oro, retorcigañadura, retorcigañáu-ada-ao, retorcigañu. ||Les cotolles retorcigañaron toes debío al tiempu.

retrañir. v.Gacer munchu ruíu por efeutu del ecu. SIN. retinxir, retriñar. VAR. retrañer. FAM. retrañimientu, retrañíu-ida-ío. ||Los bramío de la Roxa retrañíen na peña.

retrañíu. n.Aición y efeutu de retrañir. SIN. retinxíu. VAR. retriñíu. ||Duélenme los oyíos de los retrañíos del garaxe.

retratu. n.Representación d'una imaxe nuna pintura, nun dibuxu o nun semeya. SIN. foto, semeya. FAM. autorretratu, retratar, retratista. ||Ficiéronme un retratu xubíu nun árbol del parque.

retrucar. v.Contestar protestando lo que se diz o manda. SIN. arrepostiar, ranciar, remormoñar, retolicar. ANT. entrugar. FAM. retrucamientu, retrucáu-ada-ao, retrucón-ona-ono, retruque. ||¿Y tú nun-y retrucasti a lo que te dixo?

retueyar. v.Echar retueyos una planta. SIN. biltar, guañar, recotonar, resurdir. FAM. retueyamientu, retueyáu-ada-ao, retueyu. ||Nesta primavera les plantes retueyen con muncha fuercia.

retueyu. n.Cañes nueves que-yos sablen a les plantes. SIN. biltu, guía, puya, xota. ||¡Mira qué retueyu tien esi mazanal!

reuma. n.Enfermedá qu'ataca los músculos y los güesos. VAR. rema. FAM. reumáticu-a-o, reumatismu. ||Col reuma que tengo nun soi a moveme.

reutu-a-o. 1. ax. Que nun s'esvía nin a un llau nin a otru. SIN. drechu-a-o. SNT. torcíu-ida-ío. ||Fuimos en llinia reuta hasta onde mos dixeron. 2. ax. Honráu. SIN. cabal, xustu-a-o. ||La xueza de La Pola ye mui reuta. []VAR. rectu-a-o. FAM. reutamente, reutángulu, reutangular.

revés. n.Llau opuestu a daqué. FAM. enrevesador-a, enrevesamientu, enrevesar, enrevesáu-ada-ao. ||Pon-yos la chaqueta al revés.

revirar. v.Dar vuelta, volver pal contrariu la direición na que se circula. SIN. torcer. FAM. reviradura, reviramientu, reviráu-ada-ao. ||Tienes que revirar pa tornar pa casa.

revista. n.Publicación qu'apaez cada ciertu tiempu. ||El colexu d'inxenieros saca una revista tolos meses.

revoltura. n.Ganes de vomitar. SIN. ascu, repunancia. VAR. voltura. ||Comí munchos garbanzos y agora tengo revoltura.

revolver. n.Alterar l'orden que tienen les coses. SIN. abaruyar. FAM. revolvedor-ora-oro, revolvimientu, revolvíu-ida-ío, revoltoriu, revuelta. ||Dexa de revolver nel baúl de to pá.

rexa. n.Barra o tubu de fierro que se pon nes puertes, nes ventanes y n'otros llugares. SIN. barrote. VAR. reixa. FAM. enrexador-ora-oro, enrexadura, enrexamientu, enrexáu-ada-ao, enrexar. ||Hai que poner les rexes a estes ventanes.

rexón. n.Territoriu que tien unes carauterístiques comunes. FAM. interrexonal, rexonal, rexonalismu, rexonalista, rexonalizar, rexonalizáu-ada-ao. ||¡Nun vi nel mundu rexón más guapa que la mía!

reya. n.Pieza de fierro del aráu. VAR. recha, reicha. ||L'aráu tien la reya furruñenta.

rezar. v.Pidir coses a Dios o los santos. FAM. rezador-ora-oro, rezu. ||¡Rezái, caminantes, allabando a Dios!

riche. n.Bollu de pan. ||¿Quies un riche con mantega?

quira · Publicado: Vie Sep 23, 2005 6:29 pm **Asunto**:

ricu-a-o. 1. ax. Que tien munchu dineru, munches posesiones. SIN. acaudaláu-ada-ao, adinaráu-ada-ao, millonariu-a-o. ||Ye tan ricu que nun sabe lo que va facer coles perres. 2. ax. Sabrosu. SIN. gustosu-a-o, sabrosu-a-o. ||Esti cachu boroña ta bien ricu. FAM. enriquecer, enriquecíu-ida-ío, ricamente.

riega. n.Corriente d'agua. SIN. regatu, regueru. FAM. regadera, regadíu, regar, regáu-ada-ao, riegu. ||Hai una riega ente la mio casa y la tuya.

riegu. n.Camín que dexa l'aráu na tierra pa semar. SIN. secha. ||¿Pues semar los riegos que fixo Felipe col tractor?

riestra. 1. n.Conxuntu de dellos productos vexetales texíos ente ellos. ||Nel horru de mio güelu hai tres riestres de maíz. 2. n.Conxuntu de coses o de persones asitiaes una tres d'otra. SIN. filera. ||Delantre'l circu hai una riestra xente. []FAM. enriestrador-ora-oro, enriestradura, enriestramientu, enriestrar, enriestráu-ada-ao.

rifa. n.Sortéu. FAM. rifador-ora-oro, rifar, rifáu-ada-ao. ||Los neños del viax d'estudios rifaron una tele.

rinchar. v.Facer un ruíu agudu y siguíu. SIN. rehinchar.. FAM. rinchamientu, rinchante, rincháu-ada-ao, rinchíu-ida, rinchón-ona-ono. ||La exa'l carru rincha cuando va cargáu.

rinflar. v.Glayar en señal de contentu. FAM. rinflador-ora-oro, rinflamientu, rinfláu-ada-ao. ||Na "Danza Prima", Antón nun dexaba de rinflar.

ringlera. n.Fila o llinia de coses puestes n'orden. SIN. ringlón. FAM. enringlerador-a, enringleramientu, enringlerar, enringleráu-ada-ao. ||Tienes mal feches estes ringleres.

ripiu. 1. n.Nada ||Esti llibru nun val un ripiu. 2. n. Poca cosa de daqué. SIN. ren, res, ris. VAR. rispiu. ||Nun comió mas qu'un ripiu.

rir. v.Mostrar allegría. ANT. llorar. FAM. risa, risada, riseríu, risión, risón-ona-ono, risonderu-a-o, risotiar, sonrir, sonrisa. ||Dexa yá de rite y ponte al llabor.

risa. n.Aición y efeutu de rir. SIN. carcaxada. VAR. risada, risáu, risíu. ||Dacuando da-y la risa y tien hipu.

riscar. v.Abrir, romper la primer lluz del día. FAM. riscador-ora-oro, riscadura, riscamientu, riscáu-ada-ao. ||Risca l'alba pente les cañes de les castañales.

risión. 1. n.Burlla que se fai d'una persona o d'una cosa con pallabres o xestos. ||Tol día ta faciendo risión de so ma. 2. n.Risa xeneral ente un grupu de persones. ||Dixo un chiste y armóse una risión pergrande. []SIN. riseríu.

rispir. 1. v.Retrucar a lo que s'entruga o se diz. SIN. aldericar, retolicar. ||Por muncho que-y digas nun rispe. 2. v.Mirar por lo qu'un tien encomendao. ||Rispimos poles nueses coses. FAM. rispidura, rispimientu.

rispiu. 1. n.Nada. ||Esti llibru nun val un rispiu. 2. n.Poca cosa de daqué. SIN. ren, res, ris. VAR. ripiu. ||Nun comió mas qu'un rispiu.

ríu. 1. n.Corriente natural d'agua que va parar al mar, a otru ríu o un llagu. VAR. rigu. ||Nel ríu Nalón llavaben el carbón hai años. 2. n.Bayura d'una cosa. ||Salíen del fútbol y pasaba un ríu xente mui grande. []FAM. ría, riada, riascu.

rixu. 1. n.Enerxía pergrande. SIN. ánimu, arranque, coraxe. ANT. cobardía, desánimu, tranquilidá. ||Pon rixu no que faes y emburria. 2. n.Deséu grande de dalguna cosa. SIN. antoxu. ||Tenía munchu rixu porque llegaren les fiestes.

robar. v.Agarrar pela fuerza y pa ún lo que ye d'otru. SIN. hispiar. VAR. arrobar, roubar. FAM. arrobón-ona-ono, robáu-ada-ao, robu. ||Robaron na reloxería la esquina.

robecu. n.Animal rumiante del tamaña d'una cabra que vive en monte. VAR. rebecu, rebezu, robezu. ||Los cazadores traxeron cuatro robezos.

rocada. n.Conxuntu de llana o llinu que se pon de cada vez na rueca. SIN. neipada. ||Con una rocada faigo una madexa pa unos calcetos.

rodiellu. n.Pañu que s'usa na cocina pa llimpiar la cacía. ||Ana llimpia les cuyares col rodiellu.

rodiya. n.Xuegu del muslu cola pierna. VAR. rodía. FAM. arrodiyar, arrodiyáu-ada-ao. ||De tanto xugar a les caniques enclicáu duélenme les rodigyes.

roldana. n.Aparatu con una rueda móvil alredor d'una exa, onde se pon una cuerda pa llevantar pesos. ||Pon la caldereta na roldana qu'hai que xubir pasta pal albañil.

rollicones: a arrollicones. espresión. Baxar una pendiente dando vueltes. SIN. a rodones, a rollones. ||Paulo y Nel baxaben a arrollicones pente los mazanales de la pumarada.

romería. n.Fiesta que se fai pa celebrar el día d'un santu. SIN. festexu. FAM. romeru-a-o. ||Na romería'l Cristo saquen el santu de procesión.

rompecabeces. n.Xuegu que consiste en formar una figura asitiando nel debíu llugar les pieces de que ta compuesta. ||Miguelín tien un rompecabeces con dibuxos de Peter Pan.

romper. v.Partir d'un mou viulentu dos coses que taben xuníes. SIN. francer, francir, frañer, frañir, frayar. ANT. iguar, xuntar. FAM. irrompible, rompimientu, rompedura, rompíu-ida-ío, rotu-a-a-o. ||Si sigues xugando asina vas romper un güesu.

roncón. n.Tubu de la gaita per u salen los tonos graves. FAM. roncamientu, roncar, roncáu-ada-ao, ronquíu, roncu-a-o. ||El roncón d'esta gaita ye más llargu de lo normal.

roncón-ona-ono. ax. Cafiante, molestón. ||Xuan ye un roncón. Nun para de falar.

quira · Publicado: Vie Sep 23, 2005 6:55 pm **Asunto**:

roña. 1. n.Suciedá. ||A ver cuándo te llaves, que yes tou roña. 2. n.Enfadu, repunanza. ||Cuando se pon a dar la roña nun soi p'aguantalu. FAM. roñosu-a-o, roñería

roñar. v.Reburdiar. SIN. remormoñar, retolicar, rungar. FAM. roñamientu, roñón-a-o. ||Ayeri mio ma nun fixo más que roñar.

ropa. n.Prendes de vistir. VAR. roupa. FAM. arropador-a, arropamientu, arropar, arropáu-ada-ao, ropaxe, roperu, ropiellu. ||Güei tengo que llavar muncha ropa.

roperu. n.Mueble o llugar onde se guarda la ropa. ||Apúrrime l'abrigu del roperu.

roqueru. n.Llugar onde hai munches roques. SIN. pedreru. FAM. roca, rocosu-a-o. ||Pa tomar el sol, a mi préstame más dir al roqueru.

rosada. n.Vapro d'agua condensao que s'esparde pela nueche peles cases, pelos praos. SIN. orbayada. VAR. rousada. FAM. rosadura, rosamientu, rosar, rosáu-ada-ao. ||La nueche pasada cayó una bona rosada.

roscu. n.Bollu con forma de círculu. SIN. rosca, roscón. ||Cómprame un roscu na panadería.

rosquiya. n.Dulce en forma de rosca pequeña. VAR. rosquía. ||A Xaranzana présten-y muncho les rosquiyes.

rotular. v.Poner nun lletreru'l nome d'una cosa. FAM. rotulación, rotulador-a, rotulamientu, rotuláu-ada-ao, rótulu. ||¿Acabasti de rotular el nome'l chigre?

roxu-a-o. 1. ax. Que tien el pelo de color del oru o del azafrán. SIN. rubiu-a-o. ||Omar ye mui roxu. 2. ax. Color encarnao fuerte. SIN. coloráu-ada-ao. ||La chaqueta que más-y gusta ye la roxa. FAM. arroxador-ora-oro, arroxadura, arroxamientu, arroxar, arroxáu-ada-ao, roxería.

royer. v. Cortar a cachinos una cosa dura colos dientes. FAM. royedor-ora-oro, royedura, royimientu, royíu-ida-ío, rayón-ona-ono. ||Sintió al ratu royer tola nueche.

rozar. v.Cortar y llimpiar la maleza d'un terrenu. FAM. roza, rozadora, rozadura, rozamientu, rozáu-ada-ao, rozón, rozu. ||Quico taba rozando.

rubiu-a-o ax. Que tien el pelo del color del oru. SIN. roxu-a-o. ||Llucianu tien un fíu prietu y otru rubiu.

rucar. 1. v.Facer ruíu al rozar les pieces del dentame. ||El neñu tuvo rucando tola nueche porque ta llombrigáu. 2. Comer daqué duro faciendo ruíu. VAR. tarrucar. FAM. rucador-ora-oro, rucadura, rucamientu, rocón-ona-ono, ruque, ruquera. ||Lleva una hora rucando carambelos.

rueda. n.Pieza en forma circular que pu dar vueltes alredor d'una exa. FAM. rodada, rodador-ora-oro, rodadura, rodamientu, rodar, rodáu-ada-ao, rodaxe. ||Pon-y la rueda a la bicicleta.

ruin-ina-ino. ax. Que tien poca calidá. SIN. cogumezu-a-o, enxencle, gachuleru-a-o, malu-a-o, pequeñu-a-o. ANT. altu-a-o, bonu-a-o, forníu-ida-ío. FAM. ruindá. ||La carne que traxisti yera ruino. ||Esti rapacín ta mui ruin desque tuvo'l gripe.

ruíu. n.Soníu que nun presta. ANT. silenciu. ||Col ruíu que fai nun se para equí.

rulla. n. Páxaru asemeyáu a la palomba pero daqué más pequeña. FAM. rullar, rullón-a-o. ||La rulla críase nel palombar.

runfar. v.Facer ruíu como les abeyes nel caxellu. FAM. runfafor-ora-oro, runfamientu, runfón-a-o, runfíu. ||Ta runfándome la oreya drecha.

rustir. 1. v.Cocinar un alimentu con aceite caliente. SIN. fritir. VAR. rustrir. ||A Lin présta-y el pan rustío. 2. v.Untar. ||Rustí'l pan con mantega p'almorzar. 3. v.Esfregase contra daqué. SIN. estamazar, tascar. ||Della xente rústese col marcu la puerta cuando-y pica'l llombu.

ruxir. 1. v.Facer ruíu una cosa. SIN. sonar. FAM. ruxidor-ora-oro, ruxidera-u, ruximientu, ruxíu-ida-ío ||¡Enxamás oyí ruxir de forma tala! 2. v.Espardese una noticia. ||Rúxese perende que'l fiu de Xuacu va casase.

quira · Publicado: Dom Sep 25, 2005 5:01 pm **Asunto**:

S

s. Lletra decimonovena del abecedariu asturianu.

sabadiegu. 1. n.Chorizu fecho con carne de gochu de segunda calidá. ||Los sábados comemos pote con sabadiegu. 2. n.Chorizu. ||En Noreña faen un sabadiegu mui rico. []FAM. sabadiega.

sábadu. n.ültimu día de la selmana. ||El sábadu nun voi a la escuela.

sábana. n.Pieza de tela que se pon na cama. FAM. sabanada, sábanu. ||Mio ma pon toles sábanes blanques.

saber. 1. v.Tener sabor. ||A mi sábeme bien esti flan. 2. v.Conocer o tar informáu de daqué. ANT. desconocer, inorar. ||Tienes que saber munches coses más. FAM. persaber, sabedor-ora-oro, sabencia, sabichegu-a-o, sabihondu-a-o, sabiu-a, sabíu-ida-ío.

sabiu-a. ax. Persona que tien munches conocencies. SIN. culta-a-o. FANT. incultu-a-o, inorante.||Xovellanos yera un home mui sabiu.

sable. n.Conxuntu de partícules minerales que s'azunten nes orielles y nel fondu los mares, ríos y nel terrenu sedimentario. SIN. arena. FAM. sabla, sablera, sablón. ||A Xabel présta-y xugar nel sable.

sabor. n.Gustu que tien lo que se come o se bebe. SIN. tastu. ||Esta sopa tien un sabor raru.

saborgar. v.Disfrutar d'un sabor, d'una cosa que presta. SIN. tastiar. FAM. saborgador-ora-oro, saborgadura, saborgamientu, saborgáu-ada-ao. ||Colos güeyos zarraes saborgábalo too.

sabugu. n.Árbol que da flores blanque y un frutu de boles anegrataes. SIN. benitu, beniteiru, benitón. VAR. xabugu. ||Mio pá facía tiragomes col sabugu cuando yera neñu.

sacagüeyos. n.Inseutu con ales llargues y tresparentes, de colores azules y verdosos. Veve al delláu de les zones lletes. SIN. burra del diañu, caballu del diañu, cortanarices. ||Al atapecer los sacagüeyos esnales al rodiu'l llagu.

sacar. v.Quitar una cosa de dientro d'otra. ANT. meter, poner. FAM. saca, sacador-ora-oro, sacamientu, sacáu-ada-ao. ||Hai que sacar les fabes al corredor pa que sequen.

sacavera. n.Anfibiu paecíu al llagartu, de pelleyu prieto y con manches marielles. VAR. sacaveira, sapaguera. ||Debaxo una llábana alcontré una sacavera.

sacu. n.Bolsa grande de tela, plásticu, cueru o papel. SIN. fardela. ||Nel coche hai un sacu pataques.

sacudir. v.Mover con fuercia d'un llau pa otru. SIN. esmenar, solmenar, sopelexar, xingar, ximelgar. VAR. secudir. FAM. sacudiatu, sacudidor-a, sacudión, sacudíu-ida-ío. ||Esti airón nun dexa de sacudir la rama.

safase. v.Llibrase de trabayu, de problemes, d'estorbos. FAM. safadura, safamientu, safáu-ada-ao. ||Costó-y trabayu enforma safase d'aquel charrán tan pesáu.

saín. n.Grasa de pexe que s'emplega p'allumar o pa guisar. ||El saín nun s'entemez col agua porque ye menos denso.

sal. n.Sustancia compuesto de sodiu y de cloru que se dilíe nel agua. Úsase como adobíu. ||Estes pataques tienen munchu sal

salar. v.Echar sal a un alimentu. FAM. ensalada, saláu-ada-ao, salar, salariu, salazón, salina, salmoria, saleru, salón-a-o. ||¿Acordástite de salar los himinos?

saláu-ada-ao. 1. ax. Que tien sal o munchu sal. ||El pote ta mui saláu. 2. ax. Que ye de tratu prestosu. SIN. agradable, graciosu-a-o, guapu-a-o. El to sobrín ye mui saláu.

salchicha. n.Pieza d'embutíu que se fai con carne picao de gochu y dellos adobíos. FAM. salchichería, salchicheru-a-o, salchichón. ||Na Feria de Muestres hai munchos puestos de salchiches.

salguera. n.Árbol del xéneru salix. Tien fueyes llanceolaes y sedoses. FAM. salgar, salgueral, salgueru. ||Rufu facía xiblates perguapes coles cañes de salguera.

salir. v.Pasar de dientro afuera. ANT. entrar. FAM. salideru-a-o, saliente, salida, salíu-ida-ío. ||Los neños salíen a les once al recréu.

salitre. n.Sustancia salino. FAM. salitreru-a-o, salitrería, salitrosu-a-o. ||Nun hai quien trague esto porque ta como salitre.

sallar. v.Llimpiar los semaos de les yerbes males. VAR. sachar. FAM. sallador-a, salladura, salláu-ada-ao, sallu. ||Yá ta'l maíz pa sallar.

salmoria. n.Agua con munchu sal. VAR. salmuera, salmueria. ||Ta saláu como salmoria.

saltapraos. n.Inseutu de color mariello verdoso, coles pates d'atrás mui llargues. SIN. grillu saltón, saltasucos, saltón. ||Na primavera, el prau enllénase de saltapraos.

saltar. v.Alzar del suelu nun impulsu y pola fuerza los músculos. SIN. blincar, brincar. FAM. resaltar, saltador-ora, saltaderu-a, saltarín-ina-ino, saltáu-ada-ao, saltu, saltaricu. ||Ana ta tol día saltando la cuerda.

saludar. v.Mostrar allegría o respetu al alcontrase con una persona. FAM. saludu. ||L'otru día saludé a un vieyu amigu.

saludador-ora. n.Curanderu, persona qu'atiende enfermos ensin ser médicu. SIN. ensalmador-a. ||Enantes la xente pa curar les enfermedaes diba a ver al saludador.

salvar. v. Llibrar d'un peligru. SIN. auxiliar, lliberar, llibrar. FAM. a salvu, salvación, salvador-ora, savamientu, salváu-ada-ao, savavides. ||Xuliu salvóse d'una bona solmena.

samartín. n.Llabor y tiempu de matar los gochos, xeneralmente pelos primeros díes de payares. SIN. matanciu, matada, matanza, mondongu. ||Mañana voi pa Santuyano que tán de samartín.

sanar. v.Curar d'una enfermedá. SIN. alicar, alitar, curar. ANT. amalar, amalécer, amaliñar. FAM. sanatoriu, sanidá, sanu-a-o, sanitariu-a-o. ||Sané darréu coles inyeiciones que me dieron.

sandalia. n.Pieza de calzáu abierta, que s'amarra al pie con corees o con debilles. ||Nel mercáu de Sama merqué unes sandaies perguapes.

sangre. n.Líquidu de color encarnao del aparatu circulatoriu de los animales. FAM. ensangrentar, sangradera, sangrar, sangráu-ada-ao, sanguinariu-a-o, sanguineu-a-o, sangría, sangrientu-a-o, sangrunientu-a-o, sanixuela. ||Salióme un poco sangre pela mancadura.

sanixuela. n.Guxán que vive nel agua y que s'apiega a cuerpu d'otros animales a los que chupa'l sangre. ||Nun fontán agarré una sanixuela.

santu. 1. n.Día que celebra la fiesta del santu que lleva'l nome de daquién. ||El doce d'ochobre ye'l santu de Pilar. 2. n. Dibuxu. ||Esti llibru tien munchos santos. 3. n.Díu santu: domingu o día de fiesta. ||Güei ye día santu. FAM. santeru-a-o, santinos, santidá.

santu-a-o. ax. Que ye perbonu. ||Xuan ye un santu.

sanu-a-o. ax. Que nun tien nenguna enfermedá. ANT. enfermu-a-o, malu-a-o. ||Ta sanu como un coral.

sapiazu. n.Cayida a la llarga. SIN. gochada, gochazu, xostrada, xostrapada, xostrazu, zapallada, zaporrazu, zostrada. VAR. xapiazu. FAM. sapada, sapiar, sapiáu-ada-ao, sapona, sapu-a. ||Llantóse un sapiazu que lu dexó baldáu.

sapu-a. n.Anfibiu de cuerpu rechonchu, enllenu d'engurries y colos güeyos saltonos. ||Los sapos tán na tierra llento.

saque. n.Facilidá pa comer o beber muncho. ||Tien tal saque que nun soi a fartucalu.

sarapicu. n.ENfermedá que se pon de manifiestu cuando apaecen manchines roxes nel cuerpu y muncha calentura. VAR. sarampicu, zarapicu. ||A Xicu y Ventolín entró-yos el sarapicu al mesmu tiempu.

sardina. n.Pexe marín de color platiao. FAM. sardineru-a-o, sardinizu-a-o. ||En Candás celébrase'l festival de la sardina.

sardu. n.Texíu de vares que fai de secaderu pa les ablanes, les castañes, el samartín, etc. ||Metimos toles ablanes nel sardu.

sargu. n.Pexe platiáu con rayes prietes. SIN. chopa, pica, tena, xárabu, xáragu. ||Los pescadores trayíen munchos sargos nes redes.

sarriu.. n.Restos de ceniza que s'apeguen a les chimenees. FAM. ensarriamientu, ensarriar, ensarriáu-ada-ao. ||La cocina de mio casa echa'l fumu fuera porque tien munchu sarriu.

saya. 1. n.Prenda de vistir que cubre'l cuerpu de la cintura p'abaxo. ||Los esoceses gasten sayes de cuadros. 2. n.Enagua. ||Trai'l vistíu curtiu y vése-y la saya

quira · Publicado: Jue Oct 13, 2005 5:57 pm **Asunto**:

sayu. n.Vistíu de puntu con mangues o ensin elles que tapa dende los costazos fasta los pies y que ta texíu a mano. || Conchi tien fríu porque perdió'l sayu.

se. pronome átonu de tercera persona. ||Pegóse un sapiazu nel ríu.

sebe. n.Conxuntu de matos, escayos o cualquier planta que suelen faer el cierru de les finques. VAR. sebia, xebe. ||Dio un blincu y saltó la sebe.

sebu. n.Grasa sólido y duro que se saca de los animales y los vexetales. SIN. grasa, entrellenzu. ||El sebu úsase pa conservar los chorizos.

secañosu-a-o. ax.Con muncha sede. SIN. sllastráu-ada, arranáu-ada-ao, asedentáu-ada-ao, sedientu-a-o. ||Facía munchu calor y andaba tol día secañosu.

secañu. n.Sequedá del gargüelu producida pola sede. ||Les comíes salaes dan secañu.

secar. vQuita-y la humedá a dalguna cosa. SIN. ensucahr, ensugar, enxugar. ANT. moyar. FAM. seca, secaderu, secador-a, secañosu-a-o, secañón-ona-ono, secañu, secu-a-o, secura. ||Con esti sol tien que secar la ropa ensiguidina.

secretariu-a. n.Persona que fai llabores alministratives. FAM. secretaría, secretariáu. ||El secretariu del Conceyu trabaya nun despachu averáu al del alcalde.

secute: de secute. espresión. Rápidamente. SIN. aína, d'esmenu, de sutaque, de sutrucu, de trebolén, enaína. ||Tráigote'l llibru de secute.

secha. n.Riegu que dexa l'aráu al llabrar. FAM. asechamientu, asechar, asecháu-ada-ao, sechar, sechoriu. ||N'ochobre hai seches en tola vega al delláu del ríu.

sedar. v.Frañir daqué cosa con una fienda allargada. SIN. arregallar. FAM. sedadura, sedamientu, sedáu-ada-ao. ||El vasu ta sedáu porque-y cayó a Lin.

sede. n.Ganes de beber. FAM. secañosu-a-o, secañu, sedientu-a-o. ||Nun soi a quitar esta sede que tengo.

sedizu-a-o. ax. Echáu a perder, podre. VAR. ceízu-a-o, seízu-a-o. ||Tira eses sardines que güelen a sedizu.

segar. v.Cortar la yerba. FAM. segador-ora, segadora, segadura, segáu-ada-ao, segareta, segón, segote, siega. ||Cola gadaña siégase bien rápido la yerba'l prau.

segáu. n.Yerba en verde que se-y da de comer al ganáu. SIN. pación, verde, vianda. ||Hai que dir por segáu pa les vaques.

segundu. n.Espaciu de tiempu que ye sesenta vegaes más pequeñu que'l minutu. FAM. segunderu. ||L'atleta fizo los cien metros en ventidós segundos.

segundu-a-o. ax. numberal ordinal. Que ta nel llugar númberu dos. ||El segundu va detrás del primeru.

seguranza. n.Confianza que se tien en sí mesmu o n'otra persona o cosa. SIN. enfotu, seguridá. ANT. inseguranza, inseguridá. FAM. asegurador-ora-oro, asegurar, aseguráu-ada-ao, seguramente, seguru-a-o. ||Tien la seguranza de que güei va ganar.

seición. n.Una de les partes nes que queda dixebráu un tou. VAR. sección. ||Na seición de ropa interior trabaya Tuxa.

seis. ax. numberal. Equival a cinco más un. ||La mio perra tuvo seis perrinos.

sele. ax. Tranquuilu, quietu. FAM. seliquín-a-o. ||Pon la música sele que lu despiertes.

seliquín-a-o. ax. Mui suavino, ensin ruíu. ||Paró'l torbolín y quedó'l tiempu seliquino.

sellu. 1. n.Utensiliu con una plancha grabada que s'estampa nun documentu, en daqué. ||A esti llibru fálta-y el sellu'l colexu. 2. n.Cachu de papel con timbre oficial. ||Pon-y un sellu a esta carta. FAM. sellador-ora-oro, selladura, sellamientu, sellar, selláu-ada-ao.

selmana. n.Conxuntu de siete díes naturales: domingu, llunes, martes, miércoles, xueves, vienres y sábadu. FAM. enteselmana, selmanal, selmanalmente, selmanariu. ||Llevo una selmana ensin trabayar.

selva. n.Terrenu pergrande y enllenu d'árboles y animales. FAM. selváticu-a-o. ||La selva l'Amazones ta n'América.

salvaxe. ax. Que vive en llibertá y al marxen de la civilización. SIN. montés, montesín-a-o, montunu-a-o. ANT. adomáu-ada-ao, civilizáu-ada-ao. VAR. selvaxe. ||El lleón ye un animal salvaxe.

semáforu. n.Poste con lluces encarnaes y verdes pa regular el tráficu. FAM. semafóricu-a-o. ||Por nun respetar el semáforu tuvo un accidente.

semar. v.Espander la semiente na tierra pa que miedren les plantes. ANT. collechar, recoyer. FAM. sema, semador.ora, semadora, semamientu, semáu-ada-ao, semáu, semiente. || Pa recoyer hai que semar.

semeya. n.Fotografía, retratu. VAR. semecha. ||Hai que sacar una semeya pal carné.

semiente. n.Parte del frutu que contién el xermen d'una planta nueva. ||Agarró la semiente y entainó a semar.

sen. 1. n.Direición que lleva una cosa. SIN. sentíu. ||Nel camín toos llevaben el mesmu sen. 2. n.Conocimientu. SIN. sentíu, xacíu, xeitu, xixa, xuiciu. ||Eso que fales nun tien dengún sen.

sensible. ax. Que se dexa llevar polos sentimientos. SIN. delicáu-ada-ao, impresionable, tienru-a-o. FAM. sensibilidá, sentir. ||Nun-y digas a Mingo eses coses que ye mui sensible.

sentar. v.Sofitar les nalgues nun asientu o nel suelu. FAM. asentar, sentada, sentáu-ada-ao. ||Fai'l favor de sentate nesti tayelu.

sentimientu. 1. n.Estáu del ánimu, bonu o malu. ||Esti cantante fai les actuaciones con munchu sentimientu. 2. n.Estáu de tristura causáu por un sucesu dolorosu. ||Lloraba con munchu sentimientu al enterase de que morriera'l so primu.

sentir. 1. v.Percibir sensaciones físiques o del espíritu. ||Sentí muncho lo que te pasó. 2. v.Notar daqué col sentíu del oyíu. SIN. oyer. ||¿Nun sentiesti una truena mui gorga?. FAM. sentimientu, sentíu-ida-ío.

sentíu. 1. n.Aptitú de los muérganos del cuerpu pa recibir impresiones esternes. ||Col sentíu de la vista conocemos los colores. 2. n.Comportamientu sofitáu na cordura y el conocimientu. SIN. sen, xacíu, xeitu, xixa, xuiciu. ANT. allorie. ||A Xuacu debe falta-y dalgún sentíu, nun sabe lo que diz la mayoría les veces. FAM. sentimentalismu, sentimientu, sentir, sentíu-ida-ío.

señal. n.Marca que se pon a les coses pa estremar unes d'otres. SIN. marca, seña. FAM. señadlador-a, señalamientu, señalar, señaláu-ada-ao, señalizar. ||Pon una señal onde llegues cola piedra.

señalar. v.Pone-y una marca a una cosa pa estremala d'otra. SIN. marcar. ||Tienes que señalar la portería.

señardá. n.Sentimientu de murniura o de soledá que se tien alcordándose de lo alloñao o lo perdío. SIN. pena, tristura. SAM. señardosu-a-o. FAR. señaldá. ||Tien una vida enllena señardaes.

señes. n.Nome del llugar onde se vive. SIN. direición. ||Tengo que buscar les señes d'Antón pa escribi-y unes lletres.

señor-ora. 1. n.Dueñu, amu. ||ANtón ye'l señor d'esta casa. 2. ax. Términu de cortesía. ||Señor Antón, ¿tien un llibru pa mi?. []FAM. aseñorar, señorial, señoritangu-a-o, señorón-ona-ono, señoríu, señoritu-a-o.

separar. v.Estremar persones, coses. SIN. desunir, dixebrar, xebrar. ANT. xunir, xuntar. VAR. separtar. FAM. separación, separador-ora-oro, separadura, separamientu, separáu-ada-ao. ||A Xuan separáronlu del so primu porque s'engarraben.

séptimu-a-o. ax.Numberal ordinal. Que ta nel llugar siete. ||El séptimu ta primero que l'ocutavu.

sepultura. n.Poza que se fai na tierra pa enterrar un muertu. SIN: cagüercu. FAM. sepultar, sepultureru-a-o. ||Punxéron-y una cruz na sepultura.

ser. n.Realidá material. ||El ser humanu nun ye perfeutu.

ser. v.Verbu copulativu qu'espresa la existencia de daqué o daquién. ||Severo ye un home.

serda. n.Pelu de dellos animales. ||El cepillu dientes ta fechu de serdes de gochu.

sero. alv. Fuera de tiempu oportunu o afayadizu. SIN. tarde. ANT. ceo. ||Güei viniemos sero de la escuela.

seronda. n.Estación del añu que vien dempués del branu. SIN. otoñu, outonu. VAR. seroña, xeronda. FAM. serondada, serondiegu-a-o, serondu-a-o. ||Na seronda cayen les fueyes.

serondu-a-o. ax. Que naz o que madurez tarde. SIN. tardíu-a-o. VAR. seroñu-a-o, seruendu-a-o, xerondu-a-o. ||El mazanal de la güerta ye serondu.

serruchu. n.Ferramienta con mangu y una fueya de dientes que s'emplega pa cortar madera. SIN. serrón, serrote. FAM. serraderu, serrador-a, serramientu, serruchador-ora-oro, serruchar, sierra. ||Col serruchu corté-y les pates a la mesa.

quira · Publicado: Sab Oct 15, 2005 6:40 pm **Asunto**:

serviyeta. n.Pieza de tela, de papel que se pon na mesa pa llimpiase cuando se come. FAM. serviyeteru. VAR. servieta. ||La mio serviyeta ye de cuadros.

sesenta. ax. numberal. Equival a seis vegaes diez. ||Nos años sesenta cantaben Los Beatles.

sestaferia. n.Aconceyamientu de la xente d'un llugar pa facer un trabayu comunitariu. VAR. estaferis, sustiferia. FAM. sestaferiar. ||Hai que llamar a sestaferia pa iguar el camín de la fonte.

sestu-a-o. ax. numberal ordinal. Que ta nel llugar seis. ||El sestu ta dempués del quintu.

seta. n.Cogorda, fungu cola forma d'un sombreru sofitáu por un pie. ||Pela seronda vamos al monte a recoyer setes.

setenta. ax. numberal. Equival a siete vegaes diez. ||Metanes los años setenta tornó la democracia al nuesu país.

setiembre n.Mes númberu nueve del añu. ||En setiembre volvemos a estudiar.

sidru. n.Personaxe de les comedies de les Navidaes y l'Antroxu que va mazcaritáu pidiendo l'aguilandu. SIN. guirriu-a, zamarrón-ona. ||Pela Navidá siempre vienen los sidros a cantar l'aguilandu.

sieglu. n.Conxuntu de cien años. ||Tamos nel sieglu ventiún.

siella. 1. n.Mueble con un asientu y respaldu que val pa sentase. ||Agarra esa siella y siéntate al mio llau. 2. n.Aparexu pa montar nes caballeríes. ||El caballu prietu tien una siella perguapa. []FAM. sillería, silleru-a-o, sillín, sillón.

siempre. alv. En tou momentu. VAR. siempres. ||Siempre que lu ve salúdalu.

sienda. n.Camín estrechu. SIN. camín, sendeiru, senderu. ||Pa xubir a El Picatu, agarra la sienda onde la fonte.

sierra. 1. n.Ferramienta de fierro o d'aceru y con dientes que s'usa pa cortar oxetos duros. ||Pa cortar esi fierru fai falta una bona sierra. 2. n.Conxuntu de montes y peñes con forma allargada. ||Tres d'aquella sierra hai una gran viesca. []VAR. xerra.

siete. ax. numberal. Equival a seis más un. ||Llevántome tolos díes a les siete la mañana.

sietestrellu. n.Constelación formada por siete estrelles asitiaes formando la figura d'un carru. SIN. carriellu, carrín, carru. ||Nel Sietestrellu nun entra la Estrella Polar.

siguiente. ax. Que va darréu. ANT. anterior. ||A la siguiente vez que fagas eso castígote.

siguir. 1. v.Dir dempués o detrás d'una persona o cosa. ||El perru sigue al amu. 2. v.Continuar lo que s'entamó. ||Sigui trabayando asina. FAM. siguidor-ora-oro, siguiente, siguimientu, siguíu-ida-ío.

silenciu. n.Falta de soníu. FAM. silenciador-a, silenciar, silenciosamente, silenciosu-a-o.||Al llegar el maestru a clas quedaron toos en silenciu.

silicosis. n.Enfermedá qu'ataca'l sistema respiratoriu y que s'agarra pola mor del polvu que suelten dellos minerales, sobre manera'l carbón. ||La silicosis acabó cola vida de munchos mineros astuarinos.

silicosu-a-o. ax. Que tien la enfermedá de la silicosis. VAR. silicóticu-a-o. FAM. silicosis. ||Munchos de los que trabayen na mina acaben silicosos.

sinón. conx. Opón una espresión negativa a una afirmativa. ||Nun me lu traigas güei, sinón mañana.

sinvergüenza. ax. Que nuntien vergüenza. SIN. descaráu-ada-ao, llaín-a-o. FAM. desvergozáu-ada-ao, sinvergonzada, sinvergüencería, vergoña, vergüenza. ||Lin, como nun miren pa él en casa, ta fechu un sinvergüenza.

siquiera. alv. Polo menos. VAR. siquier. FAM. siquieramente. ||Tate quietu, siquiera mentes teamos equí.

sirvir. v.Valir, ser d'utilidá. FAM. sirvidera, sirvidor-ora, sirviente. ||Los políticos tan pa sirvir al pueblu.

sitiu. n.Llugar. FAM. asitiador-ora-oro, asitiamientu, asitiar, asitiáu-ada-ao, situación. ||Sal d'equí y ponte nel to sitiu.

so. 1. prep. Debaxo de. ||Taba durmiendo so la mesa. 2. ax. posesivu. Que pertenez a la persona o persones de les que se fala. ||La so moñeca taba rota. ||Dicen que los sos fíos colaron de casa.

sobre. n.Funda que val pa meter dientro una carta, un documentu. FAM. ensobrar, ensobráu-ada-ao. ||Mandé la carta y púnxi-y un sellu nel sobre.

sobre. 1. prep. Enriba de. ||El balón cayó sobre'l teyáu. 2. prep. Que trata de daqué. ||Fála-y sobre'l partíu. []SIN. sobro.

sobrín-ina. n.Fíu d'un hermanu o d'una hermana. ||Díxomelo'l mio sobrín.

sobro. prep. Sobre. ||Pon la ropa sobro la cama, ya lo recoyerás depués.

sofá. n.Asientu con delles places que tien respaldu y brazos. ||Merqué un sofá y púnxilu nel salón de casa.

sofitar. v. Asegurar, poner firme daqué pa que nun caiga. SIN. agabitar, apiruchar, echar un gabitu, encontrar, percontiar. FAM. sofitador-ora-oro, sofitamientu, sofitancia, sofitu, sofitáu-ada-ao. ||Tenemos que sofitar esta caña del árbol.

sofitu. n.Maderu, pieza, aición que sofita daqueé. SIN. encontu. ||Los pegollos son los sofitos del horru.

soga. n.Cuerda gorda. SIN. lluvia,riasca, soguetu. ||Al güe tienen qu'amarralu con una soga porque puña.

sol. Contraición de la preposición so y l'artículu el. ||Ta sol horru.

soldador-ora. n.Persona que trabaya en soldaures. FAM. soldadura, soldar, soldáu-ada-ao. ||Na Duro Felguera trabayen munchos soldadores.

saldar. v. Axuntar pieces de metal fundiéndoles. ||Dedicóse a soldar y llamáronlu d'una bona empresa.

soldáu. n.Que ta faciendo la mili. Que trabaya o sirve na milicia. ||Cuando seya grande quiero nun ser soldáu.

solera. n.Piedra onde s'afiten los pegollos del horru. ||La solera más grande ye una llábana.

soleyeru-a-o. ax. Que-y da bien el sol. VAR. solecheiru-a-o. ||Ye un prau soleyeru.

sólidu-a-o. ax. Firme y seguru. Dizse de los cuerpos que tienen mayor cohesión que los líquidos. SIN. consistente, duru-a-o, macizu-a-o. ANT. inseguru-a-o. FAM. solidariu-a-o, solidez. ||Esta columna ye mui sólida.

soliviar. 1. v.Incitar a daquiuén a rebelase. ||Xabel soliviaba a los sos collacios pa que nun fueran a la escuela. 2. v. Allixerar, faer una cosa menos pesada. ||Solívia-y la carga al caballu que la lleva toa pa un llau. []FAM. soliviador-a, soliviadura, soliviamientu, soliviáu-ada-ao.

sollerte. ax. Atentu a les coses, vixilante. SIN. atentu-a-o, espabiláu-ada-ao, vixilante. ANT. despistáu-ada-ao, distrayíu-ida-ío. ||Nes clases de matemátiques hai que tar mui sollertes.

sollutar. v.Llorar. SIN. ximir. VAR. sollutir, sollouzar. FAM. sollutador-ora-oro, sollutáu-ada-ao, sollutíu, sollutu. ||Dame muncha pena vete sollutar.

solmenar. v.Xingar, pegar con muncha fuercia. SIN. esmenar, sacudir, sopelexar, sotripar, ximelgar. FAM. solmena, solmenador-a, solmenamientu, solmenáu-ada-ao. ||Solmena la nozal pa que caigan les nueces.

solombra. n.Espaciu ensin lluz que dexen tres d'ellos los cuerpos que nun son tresparentes. FAM. asolombrar, solombreru, solombriegu-a-o, solombrizu-a-o. ||Pel branu presta tar a la solombra.

soltar. v.Llibrar d'una atadura. Dexar en llibertá. SIN. desatar, deslligar, lliberar, llibrar. ANT. atar, prindar. FAM. soltadizu-a-o, solteru-a-o, soltura, sueltu-a-o. ||¿Cuándo suelten el presu de la cárcel?

solu-a-o. ax. Que nun tien compañía. ANT. acompañáu-ada-ao. FAM. soledá, solista, solitariu-a-o. ||Tas mui solu nesti bancu.

somanta. n.Paliza, cuelma. SIN. culma, paliza, solmena, sotripada, tolena, tunda, zurra. ||Lo único que sabía facer esi homón yera dar somantes a los fíos.

sombreru. n.Prenda que se pon na cabeza. VAR. sombreiru. FAM. sombreráu, sombrerazu, sombrerure-a-o, sombrerería. ||Pon el sombreru na percha.

someráu. n.Llugar de la casa debaxo del teyáu que s'usa davezu como cuartu de los trastos. SIN. sobráu. ||Baxé la bicicleta del someráu.

somorguiar. v.Meter debaxo l'agua. SIN. calar, zampuxar. FAM. somorguiador-ora-oro, somorguiadura, somorguiamientu, somorguiáu-ada-ao.||Na playa viemos cómo se somorguiaba un submarín.

quira · Publicado: Sab Oct 15, 2005 10:37 pm **Asunto**:

son. 1. n.Tonu del soníu. SIN. soníu. ||Baxa'l son que nun pues xubir tanto. 2. n.Harmonía musical. ||Esti gaiteru lleva mui bien el son. FAM. asonancia, consonancia, sonar, sonáu-ada-ao, sonoru-a-o, supersónicu-a-o.

sonáu-ada-ao. ax.Famosu. SIN. nomáu-ada-ao. ||Yera un cantante mui sonáu porque taba de moda.

sopa. n.Alimentu que se fai con caldu y otres sustancies cocíes nél. FAM. sopera, soperu-a-o, sopiar. ||Coméi la sopa enentes qu'esfreza.

sopelexar. v.Sacudir, xingar con mucha fuercia cualquier cosa. SIN. esmenar, solmenar, sotripar, ximalgar, xingar. FAM. sopelexamientu, sopelexáu-ada-ao, sopelexíu. ||Sopelexólu cuanto pudo y emburriólu escontra la paré.

sópetu: de sópetu. espresión. De sutrucu. SIN. d'esmenu, de secute, de sutaque, de sutrucu, de trebolén. ||Llegó a casa de sópetu y asustómos.

soplar. 1. v.Echar aire pela boca faciendo fuerza. ||Si sopels, apáguesme les cerilles. 2. v.Beber muncho. ||Tuvo tol día soplando y enfilóse. 3. v.Contar daqué que ye secreto. SIN. acusar, chivar. ||Solpló-y a la policía tol asuntu y descubrióse. []FAM. sopladura, sopláu-ada-ao, sopliatu, soplíu, soplón-ona-ono, soplu, resoplar, resoplíu.

soplíu. n.Aición y efeutu de soplar. VAR. sopliatu, soplida, soplu. ||Xabelín, nel so cumpleaños apagó toles veles d'un soplíu.

sorbiatar. v.Beber a sorbiatos. SIN. sorbiar, sorbicar. FAM. sorber, sorbiatada, sorbiatazu, sorbiatu, sorbiella, suerbu. ||Dexa yá de sorbiatar y bebe en condiciones.

sordu-a-o. ax. Que nun oye. VAR. xordu-a-o. FAM. ensordar, sordera, sordomudu. ||Tas sordu como una tapia.

sorpresa. n.Fechu inesperáu. FAM. sorprender. ||Al llevantame, mio ma teníame preparada una sorpresa.

sortéu. n.Aición y efeutu de sortiar. SIN. rifa. ||Nel sortéu de Navidá tocáron-y dellos millones.

sortiar. v.Repartir un premiu mediante un procedimientu onde intervién la suerte, l'azar. ||Na fiesta de la escuela sortiaron un ordenador y tocóme a mi.

sotechar. v.Poner baxo techu. SIN. abellugar, atechar. FAM. sotecháu-ada-ao, sotechu. ||Entamó llover y tuviemos que mos sotechar nel horru.

soterrañu-a-o. ax. Que ta debaxo tierra. FAM. soterrar, tierra. ||Ta faciendo un muru soterrañu.

sotu. n.Terrenu con árboles a la vera d'un ríu. VAR. soutu. ||Naquel sotu hai munchos ñeros.

suañar. 1. v.Representase daqué mentantu duermes. ||Anueche, mientres dormía, suañé qu'esnalaba. 2. v. Imaxinar como reales coses que son imposibles. SIN. fantasiar. ||Toi suañando con que me toque la llotería de les Navidaes. FAM. suañador-a, suañáu-ada-ao, suañu.

suañu. n.Aición y efeutu de suañar. VAR. suanu. ||Tuvi un suañu fabulosu, creyí que taba ricu.

suavino. alv. Sele, despacín. SIN. adulces, selemente. FAM. suave, suavemente, suavidá. ||Dici-ylo suavino, nun lu molestéis.

suba. n.Xuba. ||Esti añu la suba val bien poco.

subidoria. n.Xubidoria. ||¡Baxa yá de la subidoria!

subir. Xubir. ||Pepín subió peles escaleres al pisu segundu.

submarín. n.Buque que navega per debaxo l'agua. VAR. somarín. FAM. mar, submarinismu, submarinista. ||Nes guerres son perimportantes los submarinos.

submarín-ina-ino. ax. Que ta debaxo la mar. ||A Xuan présta-y asgaya prauticar la pesca submarina.

sucu. 1.n.Montón de tierra que val pa separtar un terrenu d'otru. ||Les piedres échales pa enriba'l sucu. 2. n.Secha. ||Nun pises los sucos que tán fechos de güei. FAM. asucar

sudar. v.Producir sudu como consecuencia d'un esfuerzu, d'una situación. FAM. sudadera, sudáu-ada-ao, sudorientu-a-o, sudu. ||L'atleta sudaba muncho mentanto corría.

suru. n.Líquidu que suelten les glándules de los mamíferos y que sal pel pelleyu. SIN. sudor. FAM. sudadera, sudar, sudáu-ada-ao, sudorientu-a-o, sudorosu-a-o. ||Pel branu namái moveme quedo bañáu de sudu.

suegru. n.El pá del home o de la muyer con quien se ta casáu. ||Mio suegruye'l pá del mío home.

sueltu-a-o. 1. ax. Llibre. ||Esti perru nun pue tar sueltu. 2. ax. Amañosu y rápidu pal trabayu. ||Esti futbolista ye mui sueltu. []FAM. soltar, soltáu-ada-ao, solteru, soltura.

sueñu. n.Ganes de dormir. ||jTenía munchu sueñu ayeri.

suerte. n.Circunstancia favoratible o contraria que nun se pue dominar. SIN. azar, fortuna. FAM. suertudu-a-o, sortéu, sortiar. ||Esta neña tien muncha suerte.

suétanu. n.Parte baxa y soterránea de les cases que s'emplega como trasteru, cochera, etc. VAR. sótanu. ||Nel suétanu de mio casa tengo'l llagar.

sufrir. v.Soportar un padecimientu físicu o moral. FAM. sufrencia, sufridor-ora-oro, sufrimientu, sufríu-ida-ío. ||Los desprecios son malos de sufrir.

sumar. v.Axuntar delles cantidaes nuna sola. ANT. quitar, restar. FAM. suma, sumandu, sumativu-a-o. ||Sumái bien estes cantidaes.

sumiciu. n.Personaxe de la mitoloxía asturiana que fai desapaecer les coses. ||Nun sé ónde tengo les gafes y debe ser cosa'l Sumiciu.

sumidoriu. n.Canal per onde desapaecen les agües. VAR. sumidoiru. FAM. sumir, sumíu-ida-ío. ||Cayéronme les perres nun sumidoriu y llevómeles l'agua.

sumir v.Perder una cosa, desapaecer. ||Llevo tres díes tras d'él, paez que se sumió.

superficie. n.Parte esterna d'un cuerpu que lu separta y estrema de lo que nun ye él. FAM. superficial, superficialidá. ||Ana tien que midir la superficie l'aula.

supermercáu. n.Comerciu pergrande onde se merca de too. ||En Xixón hai munchos supermercaos.

suponer. v.Creyer qu'un fechu pue realizase. SIN. camentar, maxinar, talantar. FAM. suposición, supuestu-a-o. ||Supón que'l neñu nun llegó entovía.

sur. n.Puntu cardinal que vien señaláu pol asitiamientu del polu antárticu. FAM. sureñu-a-o. ||Nel sur d'Asturies ta'l cordal de los Montes Cantábricos.

surdir. v.Apaecer, nacer, salir. SIN. remanecer, surtir. VAR. xurdir. FAM. surdidor-ora-oro, surdimientu, surdíu-ida-ío. ||L'abeya surdió del caxellu.

surniar. v.Sorber peles ñarices. SIN. xurniar. FAM. surniada, surniatu, surniáu-ada-ao, surnión-a-o. ||Dexa de surniar yá, que me das perceguera.

surtir. 1. v.Proporcionar, suministrar. ||Pela tarde surtiremos de fruta'l supermercáu. 2. v.Salir un líquidu. SIN. surdir. ||Abrió'l grifu y surtió l'agua con muncha presión.

suspensu. n.Nota qu'indica que nun s'aprobó un exame. FAM. suspender, suspendíu-ida-ío, suspensión. ||Los neños qu'estudiaron poco sacaron un suspensu nel exame.

sustancia. 1. n.Ser o naturaleza mesma d'una cosa. SIN. materia, principiu. ||La sustancia de les coses ye difícil de describir. 2. Amiestu d'elementos químicos. ||Fixeron una práutica na clas de química y emplegaron tres sustancies. 3. n.Sabor que tien una cosa o sensación que produz un asuntu. ||Esti pote nun tien sustancia. 4. n.Capacidá pa razonar. SIN. sen, sentíu, xeitu, xixa, xuiciu. ||Esi rapaz nun tien sustancia, ye un poco a lo xole.

sutrucu: de sutrucu. espresión. Repentinamente. SIN. d'esmenu, de secute, de sópetu, de sutanque, de trebolén. ||Xuan vieno al pueblu y apaeción de sutrucu per mio casa.

sutrumir. v.Temblar la tierra o un edificiu. FAM. sutrumidor-ora-oro, sutrumíu-ida-ío. ||La selmana paada la tierra sutrumió y pasemos mieu.

suyu-a-o. ax y pron.posesivu. So. ||El reló ye suyu. ||Los llibros son suyos.

quira · Publicado: Dom Oct 16, 2005 7:44 pm **Asunto**:

T

t. Lletra vixésima del abecedariu asturianu.

tabacu. n.Planta d'orixen americanu de la que se fumen les fueyes. FAM. tabaqueru-a-o, tabaquiar. ||El tabacu mércase nel estancu.

tabierna. n.Comerciu onde se viende comida y bebida. SIN. bar, chigre. FAM. taberneru-a-o. ||Serafu ta na tabierna.

tabla. n.Pieza de madera, plana y de pocu grosor. FAM. tableru, tabláu, tablón. ||El suelu de delles cases faise con tables.

tacón. n.Pieza del zapatu apegada a la suela pela parte los calcaños. FAM. taconar, taconazu, taconiar. ||Delles muyeres lleven los tacones mui altos.

tafu. n.Golor fuerte, desagradable. SIN. fedor, tufu. ||¡Vaya tafu que suelta esti zapatu!

tal (talu)-a-o. ax y pron.Con unes carauterístiques determinaes. SIN. igual. ||¡Enxamás atopé home talu! ||¿Visti cosa tala? ||Nunca comí carne talo.

taladrar. v.Facer un furacu col táladru. FAM. taladradora, taladrador-ora-oro, taladradera, taladráu-ada-ao, táladru. ||Taladré'l bancu col táladru llétricu.

talamente. alv. De la mesma manera. ||Fíxolo talamente como-y lo mandare.

taladoria. n.Tablón qu'hai ente la puerta l'horru y la xubidoria. SIN. talambera, tenobia. ||Ta lleendo tou repanchigáu na talandoria.

taller. n.Llugar onde se faen trabayos manuables, reparaciones. ||Cola crisis trancaron munchos talleres.

tambor. n.Instrumentu musical de forma cilíndrica y recubiertu nes sos dos bases, denomaes parche, con cueru o plásticu estirao. FAM. tamboriar, tamboriáu-ada-ao, tamboriteru-a-o. ||El tabor nun lleva'l ritmu.

tamién. alv.Amás, del mesmu mou, igualmente. ||¿Tú tamién fuiste al cine?

tampoco. alv. Amás non, del mesmu mou non, igualmente non. VAR. tampoucu. ||Yo nun cuerro muncho y tu tampoco.

tan. alv. Apócope de tanto cuando va delantre d'un alverbiou o d'un axetivu. ||¿Por qué yes tan fatu?

tanto. alv. De tal mou. ||Xaranzana cuerre tanto que nun soi algamala.

tantu. n.Unidá que val pa cuntar nos xuegos. SIN. puntu. ||El Sporting ganó por dos tantos a cerp-

tantu-a-o. ax. Na mesma cantidá. ||Tanio tien tantu pelo como Tuto.

tapa. n.Pieza pa zarrar los recipientes. FAM. atapar, atapáu-ada-ao, tapadera, tapador-ora-oro, tapuxu. ||Pon-y la tapa a la pota.

tapín. 1. n.Cachu de tierra cubiertu de yerba y raíces. FAM. tapinazu, tapineru, estapinar. ||Arrinqué un tapín al da-y al balón. 2. n.Persona inorante o sorda. ||Tas como un tapín, nun t'enteres de nada.

tapóon. 1. n.Pieza de corchu, de plásticu, que s'emplega p'atapar el bucín d'una botella y d'otros recipientes. SIN. corchu. ||Saca'l tapón pa que desagüe la bañera. 2. n.Persona pequeña y regordeta. SIN. cutruyu, cuturuyu, tapoxu, tarolu. ||L'home de María ye un tapón. []FAM. ataponar, ataponamientu, ataponáu-ada-ao, taponador-a, taponazu.

tar. v.Verbo copulativu qu'indica la situación, l'estáu, la cualidá de les persones y les coses. ||Tas delgáu como una xiblata. ||María taba en casa'l so primu cuando la llamó. ||La pelota tuvo en prau. ||Tuvisti malu y nun me dixisti nada.

tarabica. 1. n.Zarradura de madera d'una puerta. ||Tengo que pone-y una tarabica a la portiella. 2. n.Cortaba cola forma d'una caparina. ||A LLuis Xabel présta-y poner la tarabica. []VAR. tarambica.

tarabicar. v.Echar la tarabica pa zarrar una puerta o una ventana. VAR. tarambicar. FAM. destarabicar, tarabicador-ora-oro, tarabicamientu, tarabicar, tarabicáu-ada-ao. ||Tarabicó la puerta pa que nun entraren.

taragañar. v.Comer apriesa dando bocaos grandes. VAR. estaragañar. FAM. taragañadura, taragañazu, taraguñazu, taragañu, taraguñáu-ada-ao. ||Xuan tarabañó les fabes nun minutu.

taragañu. n.Aición y efeutu de taragañar. SIN. mordiscu, mordiatu, mordigañu. ||Dio-y un taragañu a la mazana y dexóme ensin ella.

taramellar. v.Zapicar, andar a tropezones. FAM. taramellamientu, taramelláu-ada-ao, taramellón-ona-ono, taramiellu. ||Antón, al llevantase, taramelló delantre l'asientu.

taramingar. v.Movese d'un llau pa otru nun movimientu acompasáu. SIN. cañicar, banciar, escolingar, tortobexar, ximelgar, xingar. FAM. taramingamientu, taramingáu-ada-ao, taramingu, taraminguera. ||Paulo y Pelayo taramínguense nel cañicón.

tarazar. 1. v.Mancar cortando. ||Cayí y taracé esta rodiya. 2. v.Cortar. ||Taraza esi cordel 3. v.Comer con munches ganes. ||Di-y un piescu y tarazólu nun minutu. []FAM. tarazador-a, tarazadura, tarazamientu, tarazáu-ada-ao.

tarde. 1. n.Tiempu que va dende'l mediudía fasta la nueche. ||Peles tardes que tán bones préstame dir xunto a la mar. 2. alv. Dempués del tiempu oportunu. SIN. sero. ANT. aína, bastantina, ceo, llueu. ||Anueche tuvi lleendo y echéme tarde. []FAM. tardiegu-a-o, tardíu-ía-ío, tardón-ona-ono.

tardiegu-a-o. 1. ax. Que madurez dempués del tiempu afayadizo. SIN. serondiegu-a-o, serondu-a-o, señoru-a-o, tardíu-ía-ío. ||Esos mazanales son mui tardiegos. 2. ax.Que tarda en facer daqué, en reaicionar ante una situación. ||Pepín ye mui tardiegu pa toles coses.

tarrañuela. n.Instrumentu de percusión compuestu por dos pieces planes de madera que se toquen con una mano. ||Eses tarrañueles tán feches con madera de texu.

tarrecer. 1. v.Sentir mieu o desconfianza de qu'asoceda una cosa. ||tarrezme'l velu penriba d'esa muria. 2. v.Nun querer facer una cosa. ||tarrezo muncho'l llevantame tempranín. []SIN. aborrecer. FAM. tarrecedor-ora-oro, tarrecimientu, tarrecíu-ida-ío.

tarru. n.Recipiente col bucín muui anchu. SIN. tarra, tarreña, tarreñu. ||Enllené los tarros de carambelos.

tarta. n.Pastel grande. ||Pel mio cumpleaños traxéronme una tarta de mazana.

tarucu. 1. n.Parte lleñosa onde s'asitien los granos nes panoyes. SIN. tarabucu. ||El tarucu de la panoya tien unos furaquinos. 2. n.Tueru delgáu de delles plantes. ||El tarucu de les berces ta ensin fueyes. FAM. estarucar, tarucazu.

tascar. 1. v.Arrascar. ||Táscome'l cuerpu porque me piquen muncho les ronches. 2. v. Tar intranquilu. ||Ta que nun se tasca, nun para dende que llegó. 3. v.Romper el cristal, la porzolana. ||Nun para y el xarrón que taba ehí tascolu. []FAM. tascador-ora-oro, tascadura, tascamientu, tascáu-ada-ao, tascón-ona-ono.

tarstiar. v.Probar el tastu d'una comida, d'una bebida. SIN. saborgar. FAM. tastiador-ora-oro, tastiamientu, tastu. ||En cuantes tastiaron el pastel ya nun quixeron otra cosa.

tastu. n.Sabor que tienen les coses que se comen. ||El lleche debe tar malo pos da muncho tastu a agrín.

tataragüelu-a. n.El pá o la ma del bisagüelu. ||Xosefa yera la tataragüela de Xaranzana y tenía ciento nueve años cuando morrió.

tatexar. v.Pronunciar les pallabres d'un mou entecortáu por un defeutu na pronunciación. SIN. abobizar, babizcar, tartabayar, taramiellar. VAR. tateixar. FAM. tatexamientu, tatexáu-ada-ao, tatexu-a-o. ||Asturies ta n'ayén y tatexando diz como ayenes les pallabres suyes.

taxi. n.Coche que s'alquila pal presporte de viaxeros. FAM. taximetru, taxista. ||Pin foi en taxi dende casa a la estación.

tayar. v.Cortar una cosa en dos con un instrumentu que corta. SIN. seicionar. VAR. tachar. FAM. tayaderu, tayador-ora-oro, tayadura, tayante, tayazu, tayón, tayu, tayucar. ||Al neñu pequeñu hai que da-y la carne tayao.

tayuelu. n.Bancu pequeñu de madera sofitáu en tres pates. VAR. tachuelu. ||El tayuelu féxose con madera de castañal.

taza. n.Cacíu de forma arredondiada y con un asa. FAM. tazón. ||Una taza café pela mañana fai espabilar.

teatru. n.Llugar nel que se representen obres dramátiques. FAM. teatral, teatralidá, teatreru-a-o. ||Nel teatru Campoamor representaron una obra de Marirreguera.

tebiu-a-o. ax. Que nun ta ni fríu nin caliente. SIN. templáu-ada-ao. VAR. tibiu-a-o. ||A mi gústenme les comíes tebies.

quira · Publicado: Dom Oct 16, 2005 9:19 pm **Asunto**:

techu. n.Cubrición d'un edificiu o d'un cuartu. VAR. teichu, teitu. FAM. atechar, sotecher, techador-ora, techamientu, techar, techáu-ada-ao, techume. ||El techu del mio cuartu ta pintáu de verde.

teitu. n.Construcción con teyáu vexetal. Teyáu fechu de paya. ||En Veigas tán iguando'l teitu d'en casa Ana.

tela. n.Material de filos texíos col que se faen los paños, los vistíos, etc. FAM. entetela, telar, telaraña. ||Na xastrería merqué tela pa un traxe.

telaraña. n.Texíu que fai l'araña. ||Nel xardín atópense munches telarañes nos rosales.

telaféricu. n.Mediu de tresporte. Ye una cabina que se mueve enganchada a un cable llétricu. ||Dicen qu'agora quieren poner un teleféricu de Poncebos a Caín.

telefonista. n.Persona que trabaya nun serviciu de teléfonos. ||La telefonista del hotel pasóme una llamada al cuartu.

teléfonu. n.Aparatu que tresmite los soníos per medio de la ellectricidá. FAM. telefonazu, telefonía, telefoniar, telefónicu-a-o, telefonista. ||jEl mio hermanu llamóme per teléfonu dende'l sitiu onde ta estudiando.

telegrama. n. Mensax que s'unvía al traviés del telégrafu y que se comunica escritu nun papel. ||Pepa mandó-y un telegrama a Miliu.

televisor. n.Aparatu que reproduz les imáxenes per medio d'ondes hercianes. FAM. televidente, televisáu-ada-ao, televisar, televisión, televesivu-a-o. ||Punxi'l televisor na sala y entamaron a reburdiar toos.

tema. n.Conxuntu d'idees sobre les que se fala. ||El terrorismu ye un mal tema de conversación.

tema: a la tema. espresión. Compitiendo con otra persona. ||Tábamos toos a la tema pa ver quén ganaba la partida.

temblarrabos. n.Páxaru cola tiesta y el pescuezu negors. Tien les esnales y el pechu acolorazaos y el rau llargu. ||Enriba d'un garbu taba un temblarrabos.

templáu-ada-ao. ax. Que nun ta nin fríu nin caliente. SIN. teciu-a-o. FAM. templadura, templamientu, templar. ||Metió'l deu nel agua y alcontrólo templao.

temprano. alv.Eneantes del momentu afayadizu, esperáu. SIN. ceo, llueu, pronto. ANT. sero, tarde. ||Ye temprano pa dir a facer ximnasia.

tenada. n.Llugar onde se guarda la yerba. Polo xeneral suel tar enriba la corte. SIN. henal, payar. FAM. tenáu, tenoxu. ||Xubimos la yerba a la tenada pela mañana.

tendeyón. n.Llugar techáu p'abellugase del mal tiempu. ||Nos tendeyones guárdense los preseos.

tenedor. n.Cubiertu que s'emplega pa pinchar los alimentos. ||Pinché la carne col tenedor.

tener. 1. v.Ser amu de daqué. Llevar daqué. ||Mio güelu tien un sombreru. 2. v.Sostener, coyer. SIN. afitar, sofitar. ||Demués de baillar tanto nun puedo teneme de pies.

tenllera. n.Parte d'enriba a tiesta, ente'l frontal y l'occipital. SIN. vidaya. VAR. tenyera. ||Al llevantase diose un golpe na tenllera col armariu.

tenral-ala. n.Xatín que tien pocos díes. VAR. terral-ala. ||Na corte hai dos tenrales acabantes nacer.

terceru-a-o. ax.numberal ordinal. Que va dempués del segundo. ||Queó'l terceru na carrera coches.

termómetru. n.Instrumentu pa midir la calentura. FAM. termometría, termométricu-a-o. ||jEl termómetru ye un aparatu mui delicáu.

terrenu n.Pedazu de tierra. VAR. tarrén. ||Posa los llibros embaxo, sol terrenu.

tesoru. n.Conxuntu d'oxetos de munchu valor. SIN. ayalga. FAR. tesouru. FAM. tesorería, tesoreru-a-o. ||Na nuesa mitoloxía, les xanes guarden nes sos cases tesoros pergrandes.

testigu-a. n.Persona que ve dalguna cosa cuando pasa y que pue declaralo ante la llei o ante otres persones. ||Terio ye testigu de lo que te toi contando.

testón-ona-ono. ax. Neciu, que quier dar a valer siempre'l so paecer. VAR. testerón-ona-ono. ||Yera mui testón; quería salir siempre cola d'él.

teta. n.Muérganu del cuerpu de les femes de los maméferos que produz lleche. SIN. caldar, mamiella. FAM. destetáu-ada-ao, teteriza, teteru, teru. ||El neñu mama na teta de so ma.

tetu. n.Abultamientu de les tetes, nel casu de les femes per onde sal la lleche. ||Les vaques tienen cinco tetos.

texer. v.Entellazar filos o otres coses pa facer una tela. SIN. aguyetar, calcetiar. ANT. destexer. VAR. teixer. FAM. texedor-ora, texíu-ida-ío. ||Voi mercar ocho madexes de llana colorao pa texer un xerséi.

texu. n.Árbol de tueru gordu con fueyes lliniales y en forma d'aguya. Suel atopase al llau de les ilesies y dalgunes de les sos partes son velenoses. VAR. teixu. ||Na antigüedá'l texu yera un árbol sagráu pa los astures.

teya. n.Pieza fecha de barru cocío que se pon nos teyaos pa techalos. VAR. teicha. FAM. reteyar, reteyador-ora-oro, teyáu-ada-ao, teyavana, teyera, teyeru-a-o, teyete, teyón, teyu. ||Pa reteyar la casa fáenme falta mil teyes.

teyáu. n.Cubrición d'un edificiu que se fai con teyes. SIN. llosáu. ||El gatu xubióse al teyáu.

tiburón. n.Pexe marín pergrande. Tien una boca na qu'hai de tres a cinco fileres de dientes perafilaos. ||Na playa Xivares apaeción un tiburón muertu.

tiempu. 1. n.Duración de les coses. SIN. procesu, trescursu. ||Llevóme munchu tiempu lleer esti llibru. 2. n.Periodu nel qu'asoceden les coses. SIN. dómina. ||Les guerres ástures fueron nel tiempu los romanos. 3. n.Estáu atmosféricu. ||Si fai bon tiempu mañana diremos d'escursión. FAM. contemporáneu-a-o, contratiempu, destiempu, temporada, temporal, temporizar.

tienda. n.Establecimientu onde se puen mercar les coses. SIN. comerciu. FAM. tenderu-a. ||Paulo mercó zreces na tienda la esquina.

tierra. 1. n.Planeta onde viven los homes, los animales y les plantes. ||El nuesu planeta llámase Tierra. 2. n.Parte sólida del planeta. ||Dende tierra viemos dise'l barcu. 3. n.Terrenu dedicáu al cultivu de plantes. ||Nesa tierra hai berces. 4. n.País. ||Asturies ye la nuesa tierra. FAM. tarrón, tarronazu, terrenu, terrar, terrestre, territoriu, terruñu, terrosu-a-o, tierranca.

tiesta. n.Cabeza, parte superior del cuerpu humanu y la de delantre de dellos animales. SIN. cabeza, mollera. FAM. testera, testerada, testeraza, testeriar, testerón-a-o, testeroniar, testeru, testón-ona-ono. ||La mio hermana tien dos coletos na tiesta.

tiestu. n.Recipiente enllenu tierra onde se cultiven plantes pequeñes. ||Cuaca mercó un tiestu con xeranios.

tigre-esa. n.Animal mamíferu de gran tamañu. Tien la pelleya rayada en colores negros y mariellos. ||Na India atópense los tigres de Bengala.

timbre. n.Aparatu llétricu que s'emplega pa picar nes puertes. FAM. timbrazu. ||Tan picando al timbre.

timón. n.Guía, volante de los barcos y los aviones. ||Al barcu de la Cruz Roxa punxéron-y un timón nuevu.

tinta. n.Líquidu de color emplegao pa escribir. Líquidu qu'echen dellos animales pa defendese. FAM. entintar, entintáu-ada-ao, tinte, tinteru, tintorería, tintura.. ||Enllené la pluma d'escribir con tinta azul. ||Cayóme la tinta'l pulpu y entafarré tola mesa.

tiñaces. n.Ferramienta metálica con dos brazos afitaos nuna exa que s'empleguen p'arrincar puntes y clavos. VAR. tenaces. FAM. estiñazar, tiñazada, tiñazar. ||Nun yera a arrincar un clavu y tuvi que agarrar les tiñaces.

tiñir. v.Dar a una cosa un color o un color distintu del que tenía. ANT. destiñir. FAM. tiñidura, tiñimientu, tiñíu-ida-ío. ||Cayóme llexía nos pantalones y tuvi que tiñilos d'otru color.

tirar. 1. v.Llanzar una cosa al aire. SIN. aventar. ANT. coyer, pañar, recoyer. ||Tiró'l palu contral bardial. 2. v.Gacer fuerza sobre una cosa pa movela, pa dexala suxete. ||Tiremos del coche con una cuerda. 3. v.Echar una cosa abaxo. SIN. azotar, bastiar, valtar. ||Ayeri tiraron dellos árboles nel parque. 4. v.Sentir molesties nuna mancadura, nun granu, etc. ||Esti lluviesu va criame porque tírame muncho. FAM. tirador-ora, tiramientu, tirante, tiratacos, tiráu-ada-ao, tirón, tiru.

tisories. n.Instrumentu pa cortar compuestu de dos fueyes d'acero con filu, xuníes por una exa que-yos val pa poder xirar. SIN. tixeres, tiyeres. FAM. atisoriar, atisoriú-ada-ao, tisoriazu. ||Nun xuegues coles tisories que les pues espetar.

tíu-a. 1. n.Hermanu del pá o de la ma d'una persona. ||Mío tíu ye peraltu. 2. n.Suegru. ||Tina ll´ma-y tía a so suegra.

tixeres. n.Tisories. VAR. tiyeres. FAM. atixerar, atixeráu-ada-ao, tixerada, tixeretazu. ||El peluqueru cortóme'l pelo coles tixeres.

tiz. n.Material de color blanco que s'emplega pa escrinbir nos enceraos o tableros. SIN. clarión, xiz. VAR. tiza. ||Manchéme col tiz y el maestru mandóme dir a llavar les manes.

to. ax.posesivu. Que pertenez, que ye de la persona de la que se fala. ||To güelu ye mui bona persona.

toballa. n.Pieza d'algodón o de felpa que s'emplega pa secar el cuerpu depués de bañase. SIN. enxugamanes. VAR. toalla. FAM. toballeru-a. ||Esta toballa ye mui pequeña pal bañu.

tocar. 1. v.Poner la mano o otra parte'l cuerpu enriba d'una cosa o de daquén. SIN. cincar, palpar. ||Toqué la mesa cola mano. 2. v.Tar una cosa xunto a otra. ||La siella toca na paré. SIN. arimar, llendar. 3. v.Facer sonar un instrumentu de música. ||Na danza de Llarón toquen la xipra. FAM. retocar, tocadiscos, tocador-ora, tocamientu, tocáu-ada-ao, tocante, toque, toquetiar.

tochu. n.Palu gordu de madera. FAM. atochar, atocháu-ada-ao, retochar, tochada, tochazu, tochura. ||Punxo un tochu tres la puerta.

tochu-a-o. ax.Que nun ye llistu. SIN. atontáu-ada-ao, fatu-a-o, tolu-a-o, xoru-a-o. ||Esti rapazón ye tochu, nun diz más que babayaes.

tocín. n.Carne graso del gochu. VAR. toucín. FAM. atocináu-ada-ao, estocinar, tocineru-a. ||Los torrendos fáense tostando raxes de tocín.