DICIONARIU BASICU DE LA LLINGUA ASTURIANA.

quira · Publicado: Vie Jul 01, 2005 10:11 pm **Asunto**:

murmuración. n.Falar mal de daquién. VAR. marmuración. FAM. murmurador-ora-oro, murmurante, murmurar, murmurón-ona-ono. || Tolo que falaben de Teresa, yeren murmuraciones.

murnia. n. Sentimientu de tristura. SIN. señaldá. FAM. amurniar, amurniáu-ada-ao, murniadura, murniazu, murniosu-a-o, murniu-a-o. ||Cuando acabamos les vacaciones marchemos del pueblu con muncha murnia.

murniu-a-o. ax. Que tien murnia. SIN. aseñardáu-ada-ao, atristayáu-ada-ao, entristecíu-ida-ío. ANT. allegre, gayoleru-a-o. ||Marchó-y el mozu pa la mili y púnxose murnia.

músculu. n. Muérganu compuestu de febres qu'al encoyese produz los movimientos de los animales. FAM. intramuscular, muscular, musculatura, musculosu-a-o. ||La carne que comemos son los músculos de los animales.

muséu. n. Llugar onde se guarden coleiciones d'obres d'arte col fin de que les pueda ver la xente. ||Nel Muséu Arqueolóxicu d'Uviéu tán los restos que s'alcontraron de los homes prehistóricos d'Asturies.

música. n. Combinación de soníos formando melodíes. SIN. son. FAM. musical, musicáu-ada-ao, musicólogu-a-o, musicu-a-o.|| La música ye bona pa calmar los nervios.

mustadiella. n. Animal mamíferu carniceru qu'anda pela nueche y que tien el cuerpu allargáu y les pates curties. SIN. bonía, boniella, delunciella, dolonciella, lliria, moniella, papalbina, papalba, rataliria, ratallina. VAR. mostadiella, mostandiella. ||La mustadiella ye un animalín qu'anda pelos ríos.

muyer. 1. n.Persona del sexu femenín. SIN. fema. FAM. amuyeráu-ada-ao, muyeriegu-a-o, muyeríu, muyerona, muyerina. ||Mío ma y la mío hermana son muyeres. 2. n. La que ta casada con un home. ||La muyer de mío pa ye mío ma. VAR. mucher.

N

N. Lletra trecena del abecedariu asturianu.

nabina. n. Grana del nabu.|| Traxeron nabina de L'Infiestu y pintó mui bien.

nabu.n. Planta de güerta con flores marielles y la raíz en forma fusu. VAR. ñabu. FAM.nabiforme, nabina, nabiza. ||En Sotrondio, celébrase la fiesta los nabos.

nacer. v. Salir del vientre maternu los vivíparos y del güevu los ovíparos. VAR. nacencia, nacimientu, nacíu-ida-ío, nación. ||Apaecerá la primavera cuando nazan les flores nos campos.

nación. 1. n. Estáu, país. FAM. internacional, nacional, nacionalidá, nacionaliegu-a-o, nacionalista. ||Les Naciones Xuníes fórmenles dellos países. 2. n. Cría del ganáu. ||Tien el tetu na boca la nación pequeñina.VAR. ñación.

nada. alv. Denguna cosa. SIN. res, ris. ANT. too.

nadar. v. Caltenese y avanzar nel agua ensin fundir. VAR. nalar. FAM. nadador-ora-oro, nadadera, nadadura, natación, natatoriu-a-o. ||El mio primu afogóse nel ríu por nun saber nadar.

naguar. v. Querer daqué con munches games. SIN. allampiar, arranar, olivar. FAM. nagua, naguáu-ada-ao. ||Da-y un pastel a la rapacina, que ta naguando.

naide. pron. Nenguna persona. SIN. dengún-a-o, nengún-a-o. VAR. ñaide. ||Nun vi a naide nel ríu.

nalar. v. Movese ensin afondar nun liquidu o nun gas. SIN. flotar. FAM. esnala, esnalíu, nalador-ora-oro, naladura, nalíu. ||Aquel barcu nun dexaba de nalar nel horizonte.

namorar. v.Sentir amor. ANT. aborrecer, desnamorar. FAM. namoradizu-a-o, namoramientu, namoráu-ada-ao, namoriscase, namoriscáu-ada-ao. ||Xuacu y Llina casáronse mui namoraos.

nanu-a-o. ax. Que tien p oca estatura. SIN. ñarru-a-o, pequeñu-a-o. ANT. altu-a-o, xigante. VAR. naniu. ||Nel ciucu salió un señor nanu qu'armó la risión coles coses que dicía.

naquel-ella-ello. Contraición de la preposición en más les formes del demostrativu aquel. ||Naquel sitiu tábase perbién.|| Vi una pumarina naquella rosa. ||Naquelles ventanes hai munches macetes. || Nun dexé de pensar naquello.

naranxa. 1. n. Frutu del naraxal que pue comese y tien el xugu agridulce. ||Les naranxes hai que comeles nel iviernu. 2. ax. Del color de la naranxa. ||La falda naranxa quedába-y mui bien cola chaqueta verde. FAM. anaranxar, anaraxáu-ada-ao, naranxada, naraxal, naranxeru, naranxina, naranxu.

naranxada. n. Refrescu de naranxa, agua y azucre.||Tengo ganes de tomar una naranxada.

naranxal. n.Árbol que da les naranxes. Ye de la familia de los cítricos. SIN. naranxu. ||Les flores del naranxal llámense azahar.

narices. n. Parte de la cara ente la boca y los güeyos con dos furacos na parte baxa que mos val p'alendar. SIN. ñarres. VAR. nariz, ñarices. FAM. narigazu, narigón-a-o, narigudu-a-o.||El tío de Maruxa tien les narices grandes.

nata. n.Grasa de la lleche. VAR. ñata. FAM. desnatar, desnatáu-ada-ao, nates, natielles. ||Gústenme les freses con nata.

naturaleza. 1. n.Conxuntu de coses y fuercies del universu. SIN. natura, ñatura. ||L'home ta esfarrapando la Naturaleza. 2. Cualidá y clas de les persones o les coses. ||La naturaleza d'esti asuntu nun ta clara. FAM. natural, naturalista, naturalizar.

navaya. n. Cuchiellu con una fueya que pue doblase metiendo'l filu nel mangu. SIN. cháfara, chafaya, chafaty, charrasca, xarrasca. VAR. navacha, ñavaya. FAM. navayazu, navayeru-a-o, navayón-ona. || La mioi navaya tan bien afilada.

navegar. v. Dir una embarcación pela mar dende un ppuntu a otru. VAR. ñavegar. FAM. nave, navegación, navegador-ora-oro, navegante, navegáu-ada-ao, navíu. ||Hai muncho que navegar p'atravesar el charcu.

navidaes. n. Fiesta de los cristianos que celebra'l nacimientu de Cristu. SIN. nadal. VAR ñavidá FAM. navideñu-a-o, navidiugu-a-o. ||En llegando les navidaes taremos de vacaciones.

ne. n. Interxeición que s'emplea pa dirixise a les muyeres.. ||¿Cuándo pueo vete, ne?.

necesitar. v. Tener falta. VAR. ñecesitar. FAM. necesariu-a-o, necesidá, necesitáu-ada-ao. ||Nes playes necesitamos vixilantes de la Cruz Roja.

negar. v. Dicir que nun ye verdá una cosa. ANT. afirmar. VAR. ñegar. FAM. negación, negarivu-a-o, negáu-ada-ao.. ||Xosé negose a dicimos lo que-y entrugamos.

negáu-ada-ao. ax. Que nun tien habildá o facilidá pa facer les coses. SIN. incapacitáu-ada-ao, inespertu-a-o. Ant.capacitáu-ada-ao, esperimentáu-ada-ao, habilidusu-a-o, mañosu-a-o. VAR. ñegáu-ada-ao.FAM. negación, negar, negativu-a-o. ||Lluis ye negaupa guiar un coche.

negazu. n. Duviesu. SIN. lluviesu, granu VAR. ñegazu. ||Salió-y un negazu nel pescuezu.

negociu. n.Actividá comercial cola que s'intenta consiguir una ganancia. VAR.ñegociu. FAM. nagociable, negociante, negociar, negociáu-ada-ao. ||Colos negocios que tien nun-y queda tiempu pa nada.

negror. ax. Calidá del color negro. SIN. escuridá, negrura. ANT. blancor, blancura. VAR.ñegror. FAM. anegruzar, negarl, negrecer, negreru-a-o, negrillu, negru-a-o. ||Pol negror del cielu, abúltame que va cayer un xarabatu.

negru-a-o. ax. De color mui escuro. SIN. prietu-a-o. ANT. blancu-a-o. VAR. ñegru-a-o. ||La nueche tien color negro.

nel-na-no. Contraición de la preposición en y les formes del artículu. ||Nel sótanu de mio casa hai mures. ||Na habitación de mio ma nun me dexen entrar.|| Nos parques hai munchos bancos.

nél(nelli)- ella-ello. Contraición de la preposición en y les formes del pronome personal de tercera persona. ||De magar vieno nun dexó de pensar nél. ||Xuan ta na piscina y María tamién ta nella. ||Tien nelli munchu enfotu. ||Ta nello.

nengún-una-uno. ax y pron. Nin ún. SIN. naide. ANT. dalgún-a-o. VAR. dengún-a-o, ñengún-a-o. ||Nun-y lo hai que dicir a nengún.

nenyures. alv. En nenguna parte. SINcezures, dayures. VAR. denyure, nenyuri. ||Ando buscando'l perru y nun lu alcuentro nenyures.

neñina. 1.n. Abertura nel iris del güeyu. ||Metioseme un llixu na neñina y nun pueo ver. 2. n.Diminutivu de neña. ||¿De quién será esa neñina tan guapa?. VAR. nenina.

nasi-a-o. Contraición de la preposición en y les formes del demostrativu esi. ||Hai munches abeyes neses zreces. ||Dexa-' sombreru colgáu nesa paré. ||Nesi gancu ta mio pá. ||Dexa de pensar neso.

nesti-a-o. Contraición de la preposición en y les formes del demostrativu esti. ||Alcontré un llimiagu nesta castañal. ||Nestes dómines fai bon tiempu. ||Metióseme un llixu nesti güeyu. ||Atalanto que nestos díes va llover.

nevar. v.Cayer nieve. SIN. falampiar, faloupar, farrampiar, trapiar, traponiar. VAR. ñevar. FAM. nevada, nevarada, neváu-ada-ao, nevera, nieve. ||Nesti iviernu tien que nevar entovía más.

nevera. n.Mueble frigoríficu pa la conservación d'alimentos y bebíes. SIN. frigoríficu.VAR. ñevera. ||Saca la naranxada de la nevera.

neveru. n. Llugar onde queda nieve munchu tiempu ensin dilir. VAR. ñeveru, neveiru. ||Mira aquel neveru de la peña.

nevusquiar. v. Nevar menudo. ||Paez qu'entama a nevusquiar, pero nun cuaya.

nial. 1. n.Sitiu onde les aves ponen los güevos. SIN. ñeru, naleiru, ponederu. VAR. ñal. ||Na muria'l viescu alcontré un nial de pioyina. 2. n.Güevu que señala'l llugar onde ponen les aves. ||Vas dexar el nial nel so sitiu. FAM. anialar, ennialar, nialada, nialáu-ada-ao, nialeru.

nialada. n. Conxuntu de güevos o de paxarinos d'un nial. SIN. ñerada, ñeráu. VAR. niarada, ñialada FAM. anialar, nial, nialeru. ||El ferre desfizo la nialada del ñerbatu.

niciu. 1. n. Principiu d'una cosa. SIN. entamu. ANT. fin. VAR. aniciu, añiciu, ñiciu. ||Que tien bonos nicios trabaya con ventaya. 2. n.Primer animal o primera semienta pa la so reproducción. ||Traximos pataques de niciu y paez que nun probaron. FAM. aniciador.ora.oro, aniciadura, aniciar, aniciáu-ada-ao, niciar.

quira · Publicado: Sab Jul 02, 2005 5:16 pm **Asunto**:

nidiu-a-o. ax. Esnidiosu. SIN. esbariosu-a-o, esñidiosu-a-o, esboligosu-a-o. VAR. ñidiu-a-o. FAM. anidiar, esnidiar, esnidiador-ora-oro, esnidiadura, esnidiamientu, esñidiar. ||Ta nidio como l'aceite.

nietu-a. n. Que ye fiu d'un fiu. VAR. ñetu-a. FAM. bisnietu-a. || El to nietu yá ta fechu un mozu.

nieve. n. Agua conxelao en cristalinos que cai de les nubes faciendo trapos o falampios. VAR. ñeve. ||Cuando la nieve tranca'l puertu yá pue dise a esquiar a Tarna y a Payares.

nin. 1. conx. copulativa que suma negaciones. ||Nin canto, ninlloro, nin sé lo que tengo. 2. n.Interxeición que s'emplega aplicada los neños o a los homes. ||¡Ah, nin! ¿Ye too esto lo que traxisti?

nisal. n.Árbol que da nisos. ||Hai una nisal en La Rotella que da unos nisos riquísimos.

nisu. n. Frutu de la nisal, asemeyáu a la ciruela. SIN. ciruela. VAR. ñisu FAM. nisal, niseiru. ||Güei diéronme de postre unos nisos mui ricos.

nomar. v. Dicir el nome d'una persona o d'una cosa. SIN. llamar. VAR. ñomar. FAM. nomamientu, nomatu, nomáu-ada-ao, nome. ||Yo nómome Pilar.

nomatu. n.Nome que se-yos pon a dalgunes persones. SIN. alcuñu, mote. VAR. ñomatu ||Nun lu conocíen mas que pol nomatu.

nomáu-ada-ao. Ax. Famosu. Var. ñomáu. ||Ye un home mui nomáu.

nome. n.Pallabra cola que se designen persones, coses y cualidaes pa diferenciales d'otros. VAR. ñome. ||El nome de la mio prima ye igual qu'l míu: Eita.

non. alv. de negación. Emplégase cuando nun acompaña a un verbu. Var. non. ||-¿Nun t'acuerdes cuándo vieno Asur? -Non, nun m'acuerdo pa nada.

nordés. n. Aire que vien d'esi puntu cardinal. VAR. ñordés. FAM. este, norte. ||Soplaba'l nordés y taba mui frío.

normal. ax. Que ye y ta como tien de ser, ensin nada especial. SIN. corriente, ordinariu, natural. ANT. anormal, estrañu-a-o. FAM. normalidá, normalizador-ora-oro, normalizáu-ada-ao, normalizar, normalmente. ||Esti exerciciu ye normal.

norte. n. Puntu cardinal que ta marcáu pola situación del polu Árticu. FAM.nordés, norteñu, nortéu, nortiada, nortiar. ||Xixión ta más al norte qu'Uvieu.

nortiar.. v. Mirar pa tolos llaos buscando a daquién o daqué. VAR. ñortiar. ||Ta tol día nortiando dende la ventana.

nós. pron. personal de primera persona. Les persones que falen. Obs. Cuando ye átonu escríbese nos. VAR. ños, mos. ||Nos sabemos ú ta. ||Traxístinos les entraes.

noticia. n. Sucesu, novedá, anuncia. SIN. información. VAR. ñoticia. FAM. noticiar, noticiariu, noticieru. ||To date una noticiaperbona.

noventa. ax. numberal. Equival a nueve vegaes diez. FAM. noventón-a-o. ||Dende ayeri a güei xubió noventa pesetes el kilo de mial.

novenu. ax. ordinal. Que ta nel llugar númberu nueve. SIN. nonu-a-o. ||A ti tócate entrar el novenu.

noviciu-a. n.Relixosu qu'entovía nun fixo los votos. FAM. noviciáu. ||Los novicios ayuden a dicir misa na ilesia'l conventu.

noxu. 1. n.Enfadu, coraxe. SIN. coraxina, disgustu, ira. ANT. allegría. VAR. anoxu. ||Ta tol día enllenu noxu porque nun-y salen les coses bien. 2. n. Ascu. SIN. voltura. ||Dame noxu ver eses coses. FAM. anoxadizu, anoxar, anoxáu-ada-ao, anoxos, anoxosu-a-o.

noyu. n. Llazu fechu de tala manera que cuando más se tira de los sos estremos más s'apierta y zarra. SIN. nodiu, nudu, nuedu, ñudu. FAM. arrenoyáu-ada-ao, noyosu-a-o, remoyu, remoyudu-a-o. ||Púnxo-y un noyu perfuerte pa que nun se desatara.

nozal. n. Árbol que da nueces. SIN. nocéu. VAR. ñozal. FAM. nozaleda, nozalera, nozalina, nocedal. ||La nozal del mio güertu ta enllena nueces.

nube. 1. n.Partícules d'agua mui entemecíes que floten na atmósfera. ||Esta nube va atapame'l sol. 2. n. Tormenta. ||Mira a ver si aguantes a meter la yerba nel payar, que vien la nube. VAR. ñube. FAM. nubarrón, Nuberu, nuble, nublar, nublamientu, nubláuñada-ao, nublina, nubosidá.

nuberu. n.Personax de la mitoloxía asturiana que viaxa nes nubes y fai cayer les tormentes. VAR. Nubeiru, Ñuberu, Renubeiru. ||Yá me paez a a mi que pasó'l Nuberu.

nublar. v.Cubrise'l cielu de nubes. VAR. ñublar. ||Facía bon día pero a les doce escomencipió a nublar.

nuble. ax.Aque ta enlleno nubes. VAR. ñuble. ||El cielu ta nuble.

nublina. n.Nubes baxes. SIN. borrina, borrín. VAR. ñublina. ||Yá ta la nublina baxando per El Naranco.

nuca. n.Parte posterior de la tiesta que ta nel llugar onde se xune ésta col espinazu. VAR. ñuca. FAM. esnucamientu, esnucar, esnucáu-ada-ao. ||Hai que tener cuidáu nun dar golpes na nuca.

nudu. n.Atadura. SIN. noyu VAR. ñuchu. FAM. anudar, anodar, anoyar. ||Lin metió les perres nun pañuelu y atóles con un nudu.

nueche. n. Tiempu qu'hai dende que sal hasta que se pon el sol. ANT. día. VAR. nueite. FAM. anochar, antianueche, anueche, nocherniegu-a-o. ||Pasó la nueche velando a so pá nel hospital.

nuera. n. Muyer d'un diu. SIN. xenra. VAR. ñuera. ||¿Cuándo se casa'l to tiu y te lleva la nuera pa casa?

nuesu-a-o. ax. y pron. posesivu de primera persona. Diz que lo que se tien ye de dellos poseedores. VAR. nuestru-a-o.||Ye'l nuesu perru'l que lladró. ||Ese neñes son les nueses.

nueve.ax. numberal. Equival a ocho más un. ||Dame nueve caxes de sidra.

nuevu-a-o. 1. ax. Que se tien dende hai poco o nun ta malapenes usao. ||Na fiesta punxi'l vistíu nuevu. 2. ax. Que tien pocos años. SIN. mozu-a-o, xoven. ||Esti rapaz ye nuevu entovía. ANT. vieyu-a-o. VAR. nueu-eva-evo, ñuevu-a-o.

nuez. n.Frutu de la nozar. Tien la cáscara dura, la semienta aceitosa y ye comestible. VAR. nueza, ñuez.FAM. ||Voi facer unes casadielles con nueces.

númberu. n. Conceutu matemáticu qu'indica cantidá. FAM. numberal, numberar, numberariu-a-o, nomberosu-a-o. ||Yo soi'l númberu nueve d'esta clas.

nun-a-o. contraición de la preposición en coles formes del indefiníu un. Obs. Cuando sustituye al nome ye tónicu y escríbese nún. La xaronca cantaba nun folleru. ||Tamos nuna playa muui guapa. || Nunos coches mariellos faltaben toles ruedes. || Había furacos y yo cayí nún.

nun. alv. de negación átonu. Emplégase non cuando ye tónicu y nun nos otros casos. ||-¿Nun-y traxisti'l xuguete al nenu? -Non, nun-y lu pudi mercar.

nunca. alv. En nengún tiempu, neguna vegada. SIN. enxamás, xamás.ANT. siempre. VAR. ñunca. ||Nunca te vi tan guapu como ayeri.

nuviellu-a. n.Xatu que tien menos de dos años. SIN. magüetu, mosea, xatu. VAR. nuviella, ñuviella. ||Vendí una nuviella en mercáu y pagáronmela perbién.

nuxar. v. Emporcar una cosa faciéndo-y perder en delles de les sos partes el color que tenía. SIN. enllordiar, enlluxar. ANT. llimpiar. ||Tuvo tola tarde nel parque y llegó tou nuxáu a casa.

........................Mañana más ........................................

quira · Publicado: Dom Jul 03, 2005 3:54 pm **Asunto**:

Antes de empezar, quisiera dar las gracias (perdón por el retraso) a Inma por sus ánimos; espero no estar cometiendo muchos errores. Dicho esto, sigo.

quira · Publicado: Dom Jul 03, 2005 4:16 pm **Asunto**:

Ñ

Ñ. Lletra catorcena del abecedariu asturianu.

ñabina. n.Nabina. ||Fui a la güerta y escaecióseme llevar la ñabina.

ñabu. n.Nabu. ||Los ñabos cómense en Sotrondio per Samartín.

ñácaru-a. n. Neñu pequeñu qu'entovía nun sabe andar solu. ||Yera entovía un ñácaru y daba muncha lata.

ñación. n.Nación ||La X.E. fórmenla delles ñaciones europees.

ñalga. n.Nalga. ||El prauticante púnxo-y la inyeición nes ñalgues.

ñarices. n. Narices. ||Cayó p'alantre y estrozó les ñarices.

ñarru-a-o. ax. Que ye pequeñu y enxencle. SIN. nanu-a-o. ||Yera tan ñarru que paecía una bolina.

ñatura. n.Naturaleza. ||L'home ta esfarrapando la ñatura. ||La ñatura d'esti asuntu nun ta clara.

ñerbatu-a. n.Páxaru de color prieto, col cuerpu grande y el picu encorváu. SIN. miruellu-a, tordu-a. ||El ñerbatu ye un páxaru que canta perbién.

ñeru. n. Sitiu onde ponen güevos les aves. SIN. nial, níu, ponederu VAR. nieru. FAM. añerada, añerador-ora-oro, añerar, añeráu-ada-ao. ||L'andarina fa'l ñeru con folla y payes.

ñeve. n. Nieve. ||Pel iviernu hai ñeve na picorota los montes.

ñevusquiar. v. Nevusquiar. ||Nun facía más que ñevusquiar, pero nun cubría.

ñiciu. n. Niciu. ||Quien tien bonos ñicios trabaya con ventaxa. ||Traxe una pareyina de ñiciu.

ñidiu-a-o. . Nidiu-a-o. ||El xabón, al moyalo, ponse ñidio.

ñisal. n. Nisal. ||La ñisal del mio prau da unos ñisos bien ricos.

ñisu. n. Nisu. ||Los ñisos verdes son malos pa la barriga.

ñomatu. n. Nomatu. ||Punxéron-y un ñomatu mui cómicu.

ñoticia. n. Noticia. ||Tengo date una ñoticia perbona.

ñozal. n. Nozal. ||La ñozar cayó col airón que fizo la otra nueche.

ñublar. v. Nublar. ||Pel branu, munchos díes empecipia a ñublar al mediudía.

................................. Mañana más ..............................

quira · Publicado: Lun Jul 04, 2005 4:55 pm **Asunto**:

O

o. Lletra décimoquinta del abecedariu asturianu y cuarta de les sos vocales.

obedecer. v. Facer lo qu'otru manda. ANT. desobedecer. FAM. obedecíu-ida-ío, obediencia, obediente. ||Por nun obedecer a mio pá, castigóme ensin dir al cine.

obispáu. n.Territoriu que gobierna un obispu nos asuntos relixosos. FAM. arzobispáu, arzobispu, obispal, obispu. ||Tuvi que dir al obispáu a sacar los papeles pa casame pola ilesia.

obleru1. n.Pinchu que tiene dellos animales como l'abeya pa defendese. ||L'abeya llantóme l'obleru nun deu y téngolu hincháu. 2. n.Pinchu de fierro que se pon nel estremu d'una vara o guiyada. ||Fizo-y una firida a la vaca col obleru. SIN. aguiyón, guichón, guichu, guiyu. VAR. obleiru.

obra. n. Trabayu fechu o que se ta faciendo. SIN. llabor, xera. FAM. obrador, obrar, obreru-a. ||La obra que ficistis dóvos bien acabada.

ocalitu. n. Árbol mui altu al que-y duren les fueyes tol añu y que s'empleguen como melecina. Les sos corteyes tamién tienen propiedaes melecinales. FAM. ocalital, ocaliteru-a-o.||L'ocalitu qu'hai tres de casa ye llargu y drechu.

ochenta. ax. numberal. Equival a ocho vegaes diez. ||Díxite que tien ochenta años.

ocho. ax. numberal. Equival a siete más un. ||Punxéron-y un ocho en matemátiques.

ochobre. n.Décimu mes del añu. SIN. mes de les castañes. ||San Bartolu yá pasó, San Francisco va llegando n'ochobre.

ocle. n. Vexetación marina de tueru ramificáu coles cañes curties y llargues. Flota na mar y emplégase na industria dempués d'ensugalo. SIN. alga. VAR. ocla||Nes costes d'Asturies recuéyese munchu ocle.

octavu-a. ax. numberal ordinal. Caúna de les ocho partes iguales en que se pue dividir la totalidá. ||Al octavu día de tar ellí díxomos cómo se llamaba.

oficina. n. Llugar de trabayu burocráticu d'una empresa o de cualquier institución o entidá. FAM. oficinista. ||Na oficina la empresa ficiéronme un certificáu.

oficiu. 1. n.Comunicación formal o llegal de dalguna cosa. SIN. escritu ||Mandáron-y un oficiu del ayuntamientu. 2. n. Ocupación, cargu o profesión que tienen dalgunes personaes. SIN. trabayu ||Sabino tien l'oficiu de camareru. FAM. oficial, oficialidá.

oliu. 1. n.Cuadru fechu con pintura al aceite. ||Xuan pintó un oliu perguapu. 2. n.Aceite que s'usa nes ilesies pa los sacramentos. ||El cura untóme col oliu na frente'l día la confirmación. FAM. oliáu-ada-ao, oliosu-a-o. [i]

once. ax. numberal, Equival a diez más un. ||A les once tomamos siempre un refrescu y un pinchu.

onde. alv. Nel llugar nel que pasa daqué. Lleva tilde cuando y interrogativu. SIN. au, u. ||El coche ta onde lu dexó mio pá. ||¿Ónde punxisti los llibros?

oración. 1. n. Rezu pa pidir coses a Dios y a los santos. SIN. plegaria, rezu. ||El cura rezó-y una oración a la virxen. 2. n.Pallabra o fras con sentíu.´||Búscame'l suxetu d'esa oración. FAM. orador-ora, orar, oratoriu-a.

orbayar. v. Llover agua menudo. SIN. barbuzar, barruzar, lloviscar, orpinar. VAR. orbachar. FAM. orbayada, orbayáu-ada-ao, orbayu. ||Entamó a orbayar y estropió la fiesta.

orbabu. n.Aición y efeutu d'orbayar. SIN. orpín. ||Los que nun son asturianos piensen que l'orbayu nun mueya.

orde. 1. n.Colocación de les coses nel so llugar. ||Mandóme'l maestru poner tola clas n'orde. 2. n.Mandatu. FAM. ordenación, ordenador, ordenamientu, ordenanza, ordenáu-ada-ao, ordinal. VAR. orden. ||Dieron la orde de llevate a les siete.

oreya. n.Parte esterior del oyíu. VAR. orea, ourecha, oureicha, urea. FAM. oreyar, oreyera, oreyón-ona-ono, oreyudu-a-o. ||Peles oreyes entra'l soníu nel oyíu.

oriciu. 1. n.Envoltoriu espinosu que tienen les castañes y otros furtos. VAR. arizu, ourizu. ||Los oricios de les castañes gárrense con morgaces. 2. n.Animal marín que ta cubiertu por una cáscara redonda enllena pinchos. SIN. arcín, arcíu. ||Nes espiches cómense oricios cocíos. FAm. desorizar, oriciar.

oriéganu. m. Planta goliosa con fueyes pequeñes y flores espigaes. Emplégase como adoblu o como melecina. VAR. ouriéganu.. ||L'oriéganu échase a la pota pa da-y sabor a la comida. ||Con fervios d'oriéganu ablándase'l catarru.

oriella. 1. n.Borde d'una cosa. ||El camineru arregló la oriella la carretera. 2. n. Fastera de la tierra que ta en contautu cola mar, los rios o los llagos. ||Na oriella'l riu hai dellos regodones. SIN vera. VAR. ouriella. FAM. oriellar, orielláu-ada-ao.

orixinal. ax. Que nun ye imitación d'otra cosa. FAM. orixe, orixinalidá, orixinariu-a-o. ||Escribió una novela mui orixinal.

orniar. v.Aguapiar dalguna cosa poniéndo-y adornos. SIN. adornar, afatar, engalanar. FAM. orniadura, orniamientu, orniatu, orniáu-ada-ao, orniu. ||Namás faltaba orniar el patiu la escuela pa la fiesta fin de cursu.

orniatu. n.Cosa que val pa engalanar. SIN. adornu. ||Enxamás vi una muyer con tantu orniatu.

orpín. n.Aición y efeutu d'orpinar. SIN. barbuza, lloviscu, orbayu, rousu. FAM. orpinar. ||La calle ta toa moyada del orpín que cayó pela mañana.

orpinar.v. Llover agua menudo. SIN. barbuzar, barruzar, lloviscar, orbayar. FAM. orpín, orpináu-ada-ao. ||Nun pueo dir a vete si nun dexa d'orpinar.

ortiga. n.Planta enllena de pelos qu'al tocar na piel produz picores y resquemores. VAR. hortiga, ortigua. FAM. ortigar, ortigáu-ada-ao, ortigueru, ortigosu-a-o. ||Hai xwnte que diz que les ortigues nun piquen si les agarres ensin alendar.

oru. n. Metal mariello, pesao y brilloso que ye mui fácil de trabayar y bon conductor del calor y la lletricidá. VAR. ouru. FAM. dorar, orón. ||Ta murniu porque perdió un reló d'oru que-y regalaren había pocu tiempu.

osu-a. n. Mamíferu carniceru de tamañu grande que come de too y que tien la tiesta allargada y el rau curtiu. ||Nos montes de Somiedu entovía queden osos.

otoñar. v. Echar les plantes brotos nueves. SIN. retueyar. FAM. otoñada, otoñamientu, otoñáu-ada-ao, otoñu. ||Yá taben empecipiando a otoñar los rosales del xardín.

otru-a-o. ax. y pron. indefiníu. Que ye distintu d'aquel del que se fala. VAR. oitri, outru-a. ||Nun vinieron a casa nin ún nin otru.

oveya. n. Animal mamíferu del qu'aprovechamos la carne, la lleche y la llana. SIN. teca. VAR. ouvea, ouvecha, ouviecha. FAM. oveyeru-a-o, oveyu. ||La oveya berra nel monte.

oxalá. int. Espresa'l pruyimintu de qu'ocurra daqué cosa. SIN. axallá. ||¡Oxalá venga'l primeru!

oxetu. n.Cualquier cosa que se pueda conocer a traviés de los sentíos. SIN. cosa FAM. oxetivación, oxetividá. ||El platu ye un oxetu.

oyer. 1. v.Sentir los soníos. ||Tuvo tola tarde entreteníu oyendo la música. 2. v.Entender lo qu'otru diz. ||¿Óyesme o nun m'oyes?. SIN. sentir. VAR. ouyir FAM. oyedor-ora-oro, oyíu, oyíu-ida-ío.

oyíu. n. Muérganu del cuerpu col que conocemos los soníos y los ruíos. ||El volador dexóme sordu esti oyíu.

............................... Mañana más ................................

quira · Publicado: Sab Sep 03, 2005 5:25 pm **Asunto**:

P

p.Lletra decimosesta del abecedariu asturianu.

pá. n.Machu que tien fíos. VAR. pai. FAM.apadráu-ada-ao, apadrinar, compadriar, padrazu, padrastu, padrín. || Mio pá quierme muncho.

paciencia. n. Capacidá que tien una persona pa sufrir les alversidaes ensin quexase. SIN. resignación. ANT. impaciencia FAM. pacetible, pacibe, pacienzudu-a-o, paciente, pacientemente. ||Xuan tenía muncha paciencia p'aguantar les tarascaes de los rapazos.

pación. n. Yerba en verde que comen los animales. SIN.campu, pastu, verde, vianda. FAM. apacionar, pacer, pacioneru-a-o, pacíu-ida-ío. ||Les vaques comen la pación nel prau.

padrastru. n. Home de la ma que nun ye'l pá natural de los sos fíos. ||Quiero muncho al mio padrastru porque se paez a mio pá.

padrín. n.Persona qu'asiste a otra en delles ceremonies relixoses. ||El padrín tien al neñu nos brazos. ||El padrín lleva del brazu a la novia.

paecer. 1.v. Tener una opinión sobro daqué cosa. SIN. abultar, camentar, creyer, cuidar. ||A mi paezme que nun vas llegar a tiempu. 2. v.Asemeyar. SIN. oldear. ||Tu paéceste a to pá. FAM. paecíu-ida-ío.

pagar. v.Dar perres polo que se mercó. FAM. paga, pagador-ora-oro, pagadura, pagamientu, paganu-a-o, paguitu, pagu. ||Tengo que-y pagar dos mil pesetes pol trabayu que me fizo.

país. n.Tierra de la que ye una persona. Ye un territoriu con llendes. SIN. nación, rexón. FAM paisanu-a-o, paisaxe. ||El nuestro país ye Asturies. ||Nel mercáu hai pataques del país.

paisaxe. n.Vista que presenta un terrenu. VAR. paisax. FAM. paisaxismu, paisaxista, paisaxísticu-a-o. ||Dende La Peña'l Castiellu vese un paisaxe de mariña.

pal. Contaición de la preposición pa y l'artículu el. ||Dió-ylu pal so padrín.

pala. n. Ferramienta de trabayu con un mangu y una pieza de fierro más o menos cuadrada cola que recueyen y treslladen coses. FAM. espaliar, palada, palazu, paliadora, palista, palote, paluscar. ||Trabayar de picu y pala ye dura.

palancana. n.Recipiente con forma de platu grande que val pa llavase. SIN. cofaina. FAR. palangana. ||Nun había agua nel bañu y tuvi que llavame nuna palancana.

palancu. n.Barra de fierro que val pa facer más fuercia y llevantar pesos. FAM.palanca, palancazu, palanquera, palanquetazu, sopalanquiar. ||Cayó una piedrona en camín y tuvieron que llevantala con un palancu.

quira · Publicado: Dom Sep 04, 2005 3:57 pm **Asunto**:

paleta. 1. n.Planta pequeña y triangular, d'aceru, con mangu de madera qu'empleguen los albañiles. ||Fizo una parede cola paleta y los ladriyos. 2. n.Tabla pequeña con un furacu nuna esquina onde los pintores meces les pintures. ||El pintor tenía la paleta na manzorga y el pincel na drecha.

paliar v.Trabayar con una pala. VAR. espaliar. FAM. espalotiar, pala, palada, paleta, paletada, palote, palotiar, paluscar. ||Hubo que paliar la nieve pa que pudieren pasar los coches.

pallabra. n.Soníu o conxuntu de soníos articulaos qu'espresen una idega. SIN. verbu, vocablu, voz. VAR. palabra. FAM. apallabrar, pallabrería, pallabreru, pallabricar. ||En tol tiempu que tuvo ellí nun dixo nin una pallabra.

palmera. n.Árbol de tueru reutu y altu que produz dátiles. Ye propia de sitios calientes. FAM. palma, palmeral, palmeru-a-o. ||Toles cases de los indianos tienen una palmera a la entrada.

palmesu-a-o. ax.Que tien los pies planos. VAR. palmón-ona-ono. ||Como yera palmesu llibró de la mili.

palmiar. v.Dar palmes. SIN. aplaudir. FAm. palma, palmada, palmotéu, palmotiar. ||Dolíenme les manes de tanto palmiar nel teatru.

palomba. n.Ave doméstica que vive nel palombar. FAM. palombar, palombina, palombu. ||Nel parque de Xixón hai siempre munches palombes.

palomeca. n.Pexe comestible de color platiao na barriga y buxo nel llombu. ||La palomeca ye un pescáu ricu anque poco xugoso.

palote. n.Pala pa trabayar na tierra. ||Xuan tuvo que cabar tola güerta a palote.

palpu: a palpu. espresión.Tocando coles manes pa orientase cuando se ta a escures. VAR. a palpadielles, a palpón. ||Taba tan escuro nel cuartu que tenía qu'andar a palpu.

palpuñar. v.Tocar d'un mou repetíu coles manes dalguna cosa. SIN. amasuñar, apalpar, apalpuyar, palpar, sobar. VAr. apalpuñar. FAM. palpable, palpón-a, palpu, palpuñador-a, palpuñamientu. ||Había que lo palpuñar bien pa poder estremalo.

palu n.Pedazu redondu de madera que ye más llargu qu'anchu. FAM. apalicar, palazu, paliquín, paliza, paluxar. ||Tiró la pelota del árbol con un palu.

pamesta. n.Pan redondu y grande, xeneralmente fechu en casa. ||La neña mercó tres pamestes pa comeles na escursión.

pamestu-a-o. ax.Atontáu. SIN. abobáu-ada-ao, asustáu-ada-ao, plasmáu-ada-ao. ||Esi rapacín ye un pamestu, nun s'entera de nada.

pámpana:pámpana abaxo. espresión. Boca abaxo. VAR. panza abaxo. ||Taba tiráu pámpana abaxo porque taba cansáu.

pámpana: pámpana arriba. espresión. Boca arrriba. VAR. panza arriba, panza enriba. ||Tomaba'l sol pámpana arriba.

pan. 1. n.Masa que se fai con fariña, agua, sal y formientu. @@El pan calentino ta bien rico. 2. n.Cualquier cereal col que se pue facer pan. ||Esti añu'l pan nun val pa nada. ||Teo dir a semar pan. FAM. empanada, empanar, panadería, panaderu-a-o, panal, panera, panificar.

quira · Publicado: Dom Sep 04, 2005 4:21 pm **Asunto**:

panadera. n.Castigu físicu que se-y da a daquién con un palu o con otru instrumentu. Sin. cualme, paliza, solmena, somanta, sotripada, tolena, tunda, zurra. ||Diéron-y una panadera tan grande que lu dexaron mayáu.

panadería. n.Llugar onde se fai y viende'l pan. ||De la que vienes, merca'l pan na panadería.

panaderu-a. n.Persona que fai'l pan o lo viende. ||Nun había pan porque taba malu'l panaderu.

panchón. 1. n.Pan que suel tener tamañu grande y forma redonde. ||Traxéronme un panchón mui grande y tengo pa tola selmana. 2. Partia fecha con fariña d'escanda, mantega y azucre. ||Nel conceyu d'Ayer, per Samantín, en toles cases faen panchón.

panderetiar. v.Tocar la pandereta o'l panderu. FAM. pandereta, padereteru-a-o, pandeiru, paderu. ||La tía Lluisa panderetió tola nueche nel baille.

panderu n.Instrumentu musical de percusión. Ta formáu por un círculu de piel afitáu a un aru. VAR. pandeiru. ||Esti panderu que toco ye de pelleyu d'oveya.

pandorgada. n.Ruíu que se fai con llueques y esquiles como mofla a los viudos que se casen otra vegada. Sin. cencerrada, cegarrada, lloquerada. FAM. pandorga, pandorgueru-a-o, pandorguiar. ||A Severo echáron-y una pandorgada l'otru día.

panera. n.Cosntrucción asemeyada al horru con seis o más pegollos que val pa guardar la collecha. ||Tengo colgao'l maís d'esti añu na panera

pánicu. n.Medrada grande. SINn. espantu, terror. ||Vio una solombra pela nueche y temblaba de pánicu.

panoya. n.Espigu del maíz onde ta'l granu. VAR. panocha FAM. apanoyar, espanoyar, panoyada, panoyal, panoyar, panoyazu, panoyu. ||Esti añu les panoyes del maíz son bones.

pantalla. n.Pieza de cristal, de tela o d'otru material qu'atapa un poco la lluz pa empobinar los rayos nuna direición. ||Tengo una llámpara en cuartu con una pantalla de tela.

pantalón. n.Prenda de vistir qu'atapa caúna de les piernes y que llega hasta la cintura. FAM. pantaloneru-a-o. ||Fixéronme un pantalón de pana y pícame nes piernes.

pantasma. n.Ser o apaición que nun ye real y que mete mieu. SIN. bisarma. FAM. pantasmada, pantasmagóricu-a-o, pantasmal. ||Taba asustáu porque vía pantasmes per tolos llaos.

pantera. n.Animal felín asemeyaú al lleopardu, de color prieto y con manches. ||La pantera dio un blincu y, de sópetu, taba engolada nel árbol.

pantorría. n.Parte de la pierna ente les corves y los todiyos. VAR. pantorra, pantorriella. ||Xuan, xugando al balón, mancóse na pantorría.

pañar. v.Coyer. SIN coyer. VAR. apañar. FAM. pañador-ora-oro, pañamientu, pañaruca, pañáu-ada-ao, pañucar. ||Hai que pañar tolos xuguetes que tenéis tiraos pel suelu.

quira · Publicado: Dom Sep 04, 2005 4:53 pm **Asunto**:

pañu. n.Tela de llana o d'algodón. FAM. pañal, pañería, pañoleta, pañuelu. ||Tengo un pantalón de bon pañu

papagayu. n.Páxaru col picu encorváu, plumes marielles na tieserdes nel cuerpu. Suel deprender a repetir pallabres. || traxéronme un papagayu y téngolu metíu nuna xaula.

papar. 1. v.Creyer inocentemente tolo que-y dicen a ún. ||Papó tolo que-y dixisti ayeri. 2. v.Tragar. ||Enlleráron-y un vasu sidra y papólu ensin respirar. VAR. papiar FAM. papada, papamientu, papáu-ada-ao, papul.

paparrosolla. n.Personaxe de la mitoloxía asturiana col que se-y mete mieu a los rapacinos. SIN. papáu, papón. ||Si llegues tarde a casa va comete la Paparrosolla.

papel. 1. n.Material col que se faen los llibros, llibretes, periódicos, etc. ||Les llibretes que me traxisti tenían toes bon papel. 2. n.Periódicu. ||Los domingos, el papel tien munches más fueyes. FAM. empapelar, empapeláu-ada-ao, papeleo, papelera, papelería, papelera, papeleta, papeléu, papelón, trespapelar.

pepelera. 1. n.Cestu onde se tiren los papeles que nun valen. ||Na mío clas hai cuatro papeleres. 2. n.Fábrica de papel. ||En Navia hai una papelera.

papes. n.Comida fecha con fariña de maíz. SIN. cuechu, fariñes, farrapes, rabón. ||Diéron-y pa cenar un platu papes.

papu. 1. n.Parte carnosa de la cara que va dende caún de los carriellos hasta'l cazu. ||Yera un neñu mui guapu colos papos colloraos. 2. n.Inflamación d'una glándula qu'hai nel gargüelu y que se llama tiroides. SIN. bociu. ||Pa nun tener papu hai que comer munchu pescáu y fruta. FAM. empapizar, papada, papáu, papiegu-a-o, papiellu, papón-ona-ono, papudu-a-o, papuxar.

papu colloráu. n.Páxaru de dellos colores que canta perbién y ye fácil de adautar a les cases. SIN. papín, papu roxu, raitán. ||Nun bardial había un ñeru de papu colloráu.

papu: de papu. espresión.De mou gratuitu, ensín dar nada empara. SIN. de baldre. ||Güei voi comer de papu.

papuda. n.Páxaru cantor, pequeñu, de color pardo penriba y blanco pela parte baxo, cola tiesta tiesa y el picu reutu y delgáu. SIN. papoxa. ||El cuquiellu pon los güevos nel ñeru la papuda pa que-y los guarie.

papuela. n.Planta común coles flores encarnaes. SIN. amapola. VAR. papola. ||Al llegar la primavera púnxose'l prau enllenu papueles.

paquete. n.Conxuntu de coses envueltes. FAM. empaquetar, paquetería, paqueteru-a-o. ||El carteru tráxome un paquete escontra reembolsu.

par: al par. espresión. Al llau. SIN. a la vera. ||Dame les tixeres que tán al par de ti.

paracayíes. n.Aparatu que val pa frenar la cayida pel aire al llanzase d'un avión. VAR. paracaíes. ||Nun s'abrió'l paracayíes fasta pasaos tres segundos.

parachoques. n.Pieza delantera y trasera de los automóviles que val pa suavizar los efeutos d'un choque. SIN. defensa. ||Si nun fuere pol parachoques rompía'l focu d'alantre.

quira · Publicado: Dom Sep 04, 2005 5:49 pm **Asunto**:

parada. 1. n.Aición y efeutu de parar. ||Fui al monte y fici una parada nuna fonte. 2.. n.Llugar onde se tien por vezu parar. ||La parada l'autobús ta a la vera mío casa.

parafusa. 1. n.Aparatu, xeneralmente llétricu, que s'emplega pa taladrar. SIN. taladru. ||Voi facer unos furacos na paré cola parafusa. 2. n. Fusu grande pa filar la llana. ||Mio güela facía filo cola parafusa y la rueca.

paragües. n.Pieza de tela que cubre unes varielles d'aceru que tán puestes nuna especie de cayada. Emplégase p'atapase del agua. FAM. paraguazu, paragüería, paragüeru, paragüeru-a-o. ||El mio paragües ye plegable.

paraleles. n. Aparatu de ximnasia formáu por dos barres paraleles nes que fai exercicios l'atleta. ||Salió de les paraleles faciendo un saltu mortal.

paralelu-a-o. ax. Que se caltién siempre a la mesma distancia qu'otra llinia o qu'otru planu por muncho que s'allarguen. ||Los raíles de la vía'l tren tán paralelos.

paralís. n.Pérdida dafechu o en parte de la sensibilidá o'l movimientu nuna parte'l cuerpu. VAR. parálisis FAM. paralíticu-a-o, paralización, paralizador-a, paralizamientu, paralizante, paralizar, paralizáu-ada-ao. ||Dio-y un paralís y quedó-y la boca torcida.

parapetu. n.Llugar de defensa. SIN. barricada, muria, paré. FAM. emparapetar, parapetar, parapetamientu, parapetáu-ada-ao. ||Escondióse tras del parapetu namás que sintió un ruíu.

parar. 1. v.Dexar de movese o de facer una aición. SIN. aposentar. ||Esi rapaz nun para quietu un minutu. 2. v.Torgar un movimientu. ||El camión paró na Casa Conceyu. [] ANT. mover, siguir. FAM. parada, paráu-ada-ao, paru.

paraxe. n.Parte d'un terrenu ampliu. SIN. emplazamientu, llugar, sitiu. ||Taba asitiáu nun paraxe de la montaña.

pardón. n.Páxaru grande de color pardo. SIN. calcabalagares, ferre, galfarru, milán, pardu, vieya. ||El pardón llevó toles palombes qu'había nel palombar.

pardu-a-o. ax. De color escuro con daqué de mariello y roxo como'l de les fueyes seques. ||Hai munchos animales que tienen el color pardo.

paré. n.Muria fecha de lladriyos, piedres, etc. Pa zarrar un sigiu o sofitar un techu. SIN. muria, muriu. VAR. parede. FAM. emparedar, paredón. ||Na paré del comedor tengo colgáu un cuadru.

pareya. n.Conxuntu de dos persones, animales o coses. VAR. parecha, parexa. FAM.desapareyar, empareyar, empareyador-ora-oro, empareyamientu, empareyáu-ada-ao, pareyu-a-o. ||Traxéronme una pareya de palombos.

pareyu-a-o. ax. Que ye igual o asemeyáu a dalguna cosa. SIN. paecíu-ida-ío. VAR. parechu-a, parexu-a-o. ||Los dos hermanos yeren pareyos.

pariente-a. n.Persona de la mesma familia. FAM. emparentar, parentela, parentescu. ||Ferino tien un pariente n'América.

quira · Publicado: Lun Sep 05, 2005 12:43 pm **Asunto**:

parigüeles. 1. n.Preséu de llabranza fechu de madera o de fierro al que se-y on enriba l'albarda del burru pa llevar paya, lleña, etc. ||Púnxi-y al burru la carga yerba enriba les parigüeles. 2. n.Aparatu fechu con dos palos llargos y una tela ente ellos que s'emplega pa llevar enfermos. SIN.angaríes, ballarte. ||Agarraron al mancáu y punxéronlu nunes parigüeles.

parllotiar. v.Falar muncho y ensin sentíu. SIN. estarabicar, pallabricar. ANT. callar. ||Nun facien más que parllotiar y nun s'entendíen.

párpagu. n.Membrana qu'al zarrala, atapa los güeyos pa dormir o pa rpotexelos. FAM. parpaguéu, parpaguiar. ||Enriba los párpagos tenemos les ceyes.

parpayara n.Ave de la familia de les gallinacies que tien color pardo. SIN. cogorniz, falpayar, parpayuela, zalpapar, zalpayara. VAR. palpayara, parpayar, papachara. ||Fueron de caza y agarraron seis parpayares

parpayuela: dar la parpayuela. espresión.Falar muncho. SIN. dar drogas, dar la llingua, dar la parola, dar truechas, charrar, xiplar. ||Llámen-y "el cotorru" por ta tol día dando la parpayuela.

parque. n.Xardín grande con árboles onde les persones pasien y descansen. ||Nel estanque'l parque hai coríos.

parra. 1. n.Árbol que da ablanes. ||De la parra'l camín agarramos un cestáu d'ablanes. VAR. parreru. 2. n.Planta esguuiladora que da uves. ||Nel patiu de mio casa tengo una parra. 3. n.Mata d'arboles. ||Nuna parra atopé un ñeru de xilgueru. FAM aparrar, emparrar, parrada, emparráu-ada-ao, parreu, parretu.

parrocha. n.Sardina pequeña. ||La parrocha frita sabe perbién.

párrocu. n.Cura que dirixe la parroqui. ||El párrocu del mio pueblu llamábase César.

parroquia. n.Territoriu que ta baxo'l mandatu relixosu católicu del párrocu. SIN. collación. FAM. párrocu, parroquial, parroquianu-a-o. ||Güei ye fiesta na parroquia San Xuan.

parrulu-a-o. ax.Paletu. SIN. palurdu-a-o. FAM. parrulada, parrulería. ||Nun me seyas parrulu y atiendi lo que te digo.

parte. n.Cachu d'un tou o d'una cantidá. SIN. pedazu, trozu. ANT. tou. ||Caún que garre la so parte.

partir. v. Separtar dalguna cosa en cachos. SIN. dividir, dixebrar. FAM.partición, patimientu, patíu-ida-ío, repartir. ||Nun se poníen d'acuerdu y tuvieron que lu partir.

partíu. n.Grupu políticu qu'acueye persones que tienen idegues comunes. ||Na Xunta Xeneral hai diputaos de cuatro partíos políticos.

partíu-ida-ío. ax. Que ta dividíu en cachos. ||El pastel taba partíu en cinco partes.

paru. n.Suspensión o falta de trabayu. ||El problema del paru ye difícil de resolver.

quira · Publicado: Lun Sep 05, 2005 3:35 pm **Asunto**:

parva. 1. n.Comida llixera que se toma a media mañana. ||Colás nun ye quien a pasar la mañana ensin tomar la parva. 2. n.Carga o montón d'herba o cuchu. ||Cola parva cuchu que tengo delantre la corte dame pa tola güerta. []FAM. parviar.

parvulín-ina. n.Escolín de poca edá. FAM. parvulariu, pavulista. ||Los parvulinos que van a escuela tienen que deprender xugando.

pasaporte. n.Documentu oficial col que se pue pasar d'un país a otru. SIN. pase, visáu. ||Pa dir a munchos países yá nun fai falta pasaporte.

pasar. 1. v.Dir d'un llau a otru. SIN. cruzar, treslladar. ||Tuvi que pone-y cadenes al coche pa pasar el puertu. 2. v. Entregar dalguna cosa a una persona. SIN. apurrir. ||Pásame'l pan de la cesta que tienes al llau. FAM. pasable, pasada, pasadera, pasador, pasáu-ada-ao, pasaxe, pasu, repasar, trespasar..

pasarela n.Ponte estrecha que de mou provisional val pa pasar persones. ||Ficieron una pasarela pa usar mentanto facíen la ponte.

pasáu. n.Época que tuvo llugar nun tiempu anterior. ||Taben cuntando fechos del pasáu.

pasáu-ada-ao. 1. ax. Que tuvo llugar hai tiempu. ||Tolo que me cuntes ye una historia pasada. 2. ax.Trestornaú. SIN. chochu-a-o, llocu-a-o. ||El güelu de Pepe ta pasáu, diz, munches tochures.

pascua. 1. n.Tiempu que trescurre ente la Navidá y la fiesta de Reis. ||Equí nun se come turrón hasta que llegue la Pascua. 2. n.Fiesta que faen los cristianos pa conmemorar la resurreición de Cristu. ||Per Pascua tengo vacaciones de Selmana Santa. FAM. pascual.

pasiante-a. n.Persona qu'anda a pie o en coche pa divertise o facer exerciciu. ||Tas volviéndote un bon pasiante. Nun pares nin pa comer.

pasiar. v.Andar a pie, a caballu o en coche pa divertise o pa facer exerciciu. FAM. paséu, pasiante-a. ||Mandáron-y pasiar dos hores tolos dies.

pasillu. n.Pieza estrencha que, nuna casa, lleva a los distintos cuartos. ||El pasillu de la to casa ye mui llargu.

pastel. n.Pieza fecha de fariña, dulce y otros alimentos cocíos. FAM. pastelería, pasteleru-a-o, pasteléu, pasteliar. ||Pel mío cumpleaños regaláronme un pastel de manzana.

pastial. n.Terrenu onde hai bonos pastos. ||Nes brañes, pel branu, hai bonos pastiales.

pastiar. v.Pacer el ganáu la yerba de los pastiales. VAR. pasquiar. FAM. pastial, pastiáu-ada-ao, pastu. ||Cuando pasé pel puertu vi munches vaques pastiando.

pastiella. n.Pedazu pequeñu de dalgún compuestu. ||Fui al médicu y diome unes pastielles pal catarru.

pastor-a. n.Persona que curia'l ganáu. ||Nel branu los pastores van coles vaques pal monte.

pastoriar. v.Curiar el ganáu nel monte. SIN. llendar. FAM. pastoral, pastoréu, pastor-a. ||Xuan nun taba en casa porque fuera a pastoriar.

quira · Publicado: Lun Sep 05, 2005 4:47 pm **Asunto**:

pastu. n. Yerba que'l ganáu pastia nel prau. SIN. campu, pación, verde. ||Cola seca del otru añu nun habrá pastu.

pasu 1. n.Movimientu que se fai al andar, adelantando y asentando un pie enantes de llevantar l'otru. SIN. galmiada, reblagu, zandaca. || Taba a un pasu d'él y nun me vía. 2. n.Sitiu per onde se pasa. SIN. camín. ||Pa venir a mio casa valte más venir pel pasu la drecha. 3. n.Escalón. SIN. pasal, peldañu. ||La escalera'l campanariu tien unos pasos peraltos.

pasunivel. n.Cruce d'un ferrocarril con otru camín al mesmu nivel. ||Tardé muncho porque taba zarráu'l pasunivel.

pata. n.Pie y pierna de los animales y de les persones. FAM. apatonar, espatarrar, espatayar, espatuxar, patada, patiar, patín-inos, patosu-a-o, patucu. ||El perru cayó nel monte y tuvieron que escayola-y una pata.

pataca. n.Planta que nes sos raíces produz tubércules alimenticios. VAR. patata. FAM. patacal, patacu, pataquera, pataqueru-a-o. ||la tortiella pataques ta bien rica.

patada. n.Golpe que se da col pie o cola pata. ||Dio-y una patada na caniella y dexólu coxu.

patiar. 1. v.Andar muncho pa llogara daqué. ||Tuvo que patiar tola ciudá p'alcontrar una botica. 2. v.Pisar daqué ensin curiáu y manchándo. ||Acabante fregar la cocina llegó la mio muyer y patiómelo too. FAM. patiaderu, patiadura, patiamientu, patiáu-ada-ao.

paticoxu-a-o. ax. qu'anda mal pola mor d'una lesión o una deformidá. SIN. cosu-a-o. ||El mío collaciu xugaba al fútbol anque yera paticoxu.

patín. 1. n.Escalera pela que se xube al horru. ||El patín del horru taba esbariosu. 2. n.Aparatu que val pa patinar. Tien ruedes cuando se patina en tierra. Pa facelo en xelu úsase una cuchiella d'aceru. ||P'andar en patinos hai que tener curiáu pa nun cayer. 3. n.Calzáu que se-yos pon a los neños cuando entovía nun saben andar. SIN. calzu, patu, patucu. ||Mio tía ta faciendounos patinos pa cuando naza'l mio hermanu. []FAM. patinador-ora, patinadura, patinar, patinazu.

quira · Publicado: Lun Sep 05, 2005 9:32 pm **Asunto**:

patinar. v.Esnidiase colos patinos pel xelu o per una superficie dura y llisa. ||Toi fartucu de patinar pel parque de San Francisco.

patiu. n.Espaciu cubiertu y zarráu que sul tar dientro o tres d'un edificiu. ||La mio casa tien un patiulluces estrenchu.

patrón-ona. 1. n.Santu o proteutor escoyíu por un pueblu. ||El patrón de Taramundi ye San Xosé. 2. n.Amu, dueñu, señor. ||Entovía nun llegó'l patrón pa saludalu.

patucu. n.Zapatín de llana que se-yos pon a los neños cuando entovía nun saben andar. SIN. calzu, patín, patu. ||Los patucos que-y ficisti al mio neñu nun-y valieron.

patuxar. v.Andar a pasinos como los neños cuando deprenden a caminar. VAR. patucar. FAM. espatuxar, patuxador-a, patucón-ona-ono. ||El neñu'l mio vecín entamó a patuxar a los nueve meses.

pautar. v.Poner o ponese d'acuerdu en dalgún asuntu. FAM. pautu. ||pautamos tolos amigos dir al cine'l domingu.

páxaru. n.Animal vertebráu pequeñu, col cuerpu cubiertu de plumes y dos esnales pa volar. FAm. apaxaráu-ada-ao, páxara, paxarera, paxarería, paxareru-a-o, paxareta, paxariar, paxariegu-a-o, paxarina, paxarón-ona. ||Metí un páxaru na xaula y nun acaba cantar.

páxina. n.Caúna de les dos partes de la fueya d'un llibru o llibreta. SIN. plana. FAM.paxinación, paxinar, paxináu-ada-ao. ||Na escuela tolos díes me manden estudiar tres páxines de Sociales.

paxoleru-a-o. ax.Qu'anda a la última moda. SIN. elegante, polu-a-o. ANT. adefexu, balduernu. FAM. paxolería. ||Nolo, cuando nun ta trabayando, anda tou paxoleru.

paxu. n.Centu grande, planu y con ases que se fai con vares d'ablanu o blima. FAM. paxa, paxeru-a. ||Traxo'l paxu enllenu ablanes.

paya. n.Tueru de les plantes que tienen granu. VAR. pacha. FAM. payar, payaraza, payareta, payega, payegal, payeru-a, payeta, payoza, payizu-a-o. ||Con una paya trigu fici un xiplu. ||Diéronmos una paya pa beber el refrescu.

payar. n.Sigiu onde se guarda la paya. SIN. henal, tenada. VAR. pachar. ||Yá metí tola yerba nel payar.

payares. n.Mes oncenu del añu. SIN. mes del samartín, mes de los santos, noviembre. ||Pa payares to de facer el trabayu que m'encargasti.

payasu-a. n.Persona que trabaya nel circu. FAM. payasada, payasete. ||Los payasos del circu son toos mui simpáticos.

payu-a-o. 1. ax.Que tien pocu gustu pa vistir, pa daqué. ||Tasiu yera mui payu, vistía cola ropa pasada de moda. 2. Que nun son de raza xitana. ||Los xitanos agora trátense más colos payos. []FAM. payada, payería, payotada.

pazguatu-a-o. ax.Que-y llama l'atención cualquier cosa, que s'asombra por too. SIN. palurdu-a-o, papalexu-a-o. VAR. paguatu-a-o, panguatu-a-o. FAM. apazguatar-se, apazguatáu-ada-ao, pazgüetamientu. ||Como yera tan pazguatu creyía tolo que-y dicien.

peatón-ona. n.Persona que camina a pie. FAM. peatonal, peatonalización. ||N'Uvieéu tán poniendo munches calles pa los peatones.

pebida. n.Semienta de les frutes. SIN. cuezca. ||Nun tragues la pebida del piescu.

pechu. 1. n.Parte'l cuerpu que va dende'l gargüelu a la barriga. SIN. arca. ||Diéronme un golpe nel pechu y anduvi doliosu tol día. 2. n. Caúna de les tetes de la muyer. SIN. senu. ||A la muyer del mio primu tuvieron qu'operala d'un pechu. []FAM. pechar, pechera.

pedarl. n.Palanca que se mueve col pie y que pon a funcionar una máquina. ||El pedal de la bici taba estropiáu.

pedaliar. v.Mover el pedal. FAM. pedal, pedaléu, pedaliador-ora-oro. ||Yera mui pequeñu y nun yera a pedaliar bien na bicicleta.

quira · Publicado: Mar Sep 06, 2005 5:01 pm **Asunto**:

pedreru. n.Sitiu enllenu de piedres. SIN. pedrera, roqueru. ||Nel pedreru pues alcontrar regodones de toles clases.

pega. n.Páxaru coles plumes de color blanco y prieto abrillantao, domesticable y que délles vegaes roba coses,pequeñes que mete nel ñeru. FAM. pegarada, pegarar, pegaratu, pegata, pegatu. ||Traxéronme una pega y enseñéla a decir delles coses.

pegañosu-a-o. 1. ex. Que s'apega con facilidá. ||Lin taba pegañosu desmpués de comer los carambelos. 2. ax. Que fai demasiaos afalagos y caricies. ||Esti vendedor ye tan pegañosu que nun soi a safame d'él. FAM. apegar, apegáu-ada-ao.

pegamín. n.Sustancia que s¡emplega p'apegar. SIN. pegamentu. FAM. apegadizu-a-o, apegar, pegañosu-a-o. ||Apúrrime'l francu de pegamín, anda.

pegar. v.Dar golpes a daqué o daquién. SIN. atriyar, sacudir solmenar, sotripar, zurrar. ||¿Quién fue'l que te pegó?. FAM. pegáu-ada-ao, pegón-ona-ono.

pegarata n.Bolla que-y da'l padrín o la madrina a los afiaos el domingu de Pascua. SIN. bollu. ||Entovía'l mio padrín nun me dio la pegarata d'esti añu.

pegatina n.Papel que tien pegamín per un llau y pel otru dibuxos impresos. Emplégase muncho pa propaganda. ||Anuxa coleiciona pegatines de toa mena.

pegatu n.Cría de la pega. SIN. pegaratu, pegu. ||Nel ñeru la pega había tres pegatos.

pegollera. n.Piedra redonda y plana que se pon enriba los pegollos del horru y onde se sofiten les trabes. SIN. muela. ||Les pegolleres valen pa que los ratos nun xubn esguilando al horru.

pegollu. n.Pie del horru o de la panera que suel ser de madera o de piedra. Los pegollos sofiten tola construcción. FAM. pegolla, pegollera. ||L'horru tien cuatro pegollos.

pel-oela-oelo. Contraición de la preposición per coles formes del artículu. ||Tráxilu pel camín. ||Agarrélu pelamano. ||Nun vayas pelo pindio qu'esbaries. ||Peles mañanes presta ver el cielu azulín.

pelame n.Conxuntu de pelos. ||Cuando foi pa la mili cortáron-y tol pelame.

pelar. 1. v.Cortar o perder el pelo una persona o animal. SIN. rapar. ||El burru peló pola enfermedá que-y entró. 2. v. Quitar la pelleya a cualquier frutu. SIN. pulgar. ||Pelái les pataque pa la cena. FAM. pelador-ora-oro, peladura, pelambrera, pelame, peláu-ada-ao, pelaxe, pelón-ona-ono, pelu, peluca pelucar, peluquería, peluquín, pelusa.

pelegrín-ina n.Persona que por votu o por devoción va a un llugar de cultu relixosu. FAM. pelegrinación, pelegrigar. ||Fui a Cuadonga y taba enlleno pelegrinos.

película. n.Cinta de celuloide onde tán impreses iméxenes. ||Diba sar unes semeyes pero taba velada la película.

peligru. n.Riesgu de que soceda dalgún mal. FAM. peligrar, peligrosu-a-o. ||Ye un peligru que venga solu pela nueche.

pella. n.Bola de nieve mui apretada. FAm. empellonar, pellada. ||Tiróme una pella y púnxome un güeyu moráu.

pellá. Contraición de la preposición per y l'alverbiu alla. SIN per allá. ||Yá va pellá y cuasi nun se ve.

pelleyu. n.Membrana fina que cubre'l cuerpu de persones y animales. VAR. pelleichu. FAM. pelleya, pelleyada, pelleyería, pelleyeru-a-o, pelleyón-a-o, pelleyudu-a-o, pellicu-a. ||Mataron un cabritu y aprovecharon el pelleyu pa facer un zurrón.

pellí. Contraición de la proposición per y l'alverbiu elli. SIN. per ellí. ||Tolos díes vienen pellí.

pelo. n.Conxuntu de filos de materia córneo que cubre la cabeza, el cuerpu de les persones, de los animales. OBS. Estremamos ente pelo, conxuntu y un pelu, unidá. FAM. pelame, pelar, peláu-ada-ao, pelón-ona-ono, pelona, peluquería, peluqueru-a. ||jFui al peluqueru y atisorióme tol pelo. ||Al pasu que van nun va quedate nin un pelu en tola cabeza.

pelón-ona-ono. ax. Que tien pocu pelo. ||Dellos neños pequeños tán pelonos munchu tiempu.

pelona. 1. n.Enfermedá mui grave. ||Agarró una pelona que nun yera a llevantar cabeza. 2. n.Xelada gorda y fuerte. ||¡Ta cayendo una pelona ...!

pelota n.Bola de goma o d'otru material que val pa xugar. ||Por xugar a la pelota llegó tarde a casa.

pelotiar v.Tirar la pelota d'una parte a otra. FAM. pelota, pelotazu, peloteru-a-o, pelotu. ||Los tenistes pasáronse la partida pelotiando d'un llau pa otru.

peluquería n.Establacimientu onde se corta o s'igual'l pelo. ||Na peluquería de Xuan faen cortes de pelo mui modernos.

peluqueru-a n.Persona que tien por oficiu cortar, peñar y, en xeneral, curiar el pelo. ||Tengo un peluqueru que me corta'l pelo al mío gustu.

pena. 1. n.Dolor moral. ||Diome muncha pena que marchares. SIN. murnia, señaldá, señardá, tristura. 2. n.Castigu que pon l'autoridá a quien nun cumple la llei. ||El xuez púnxo-y dos años de pena. ANT. allegría, gayola. FAM. apenar, apenáu-ada-ao, penalidá, penosu-a-o.

pendilexu. 1. n.Cosa que cuelga y se mueve a vaivén. ||Quítame esos pendilexos de la ventana que m'estorben muncho pa ver la calle. 2. n. Cualquier cosa que cuelga. SIN. colgadiella. ||El traxe asturianu tien unos pendilexos perguapos.

péndulu. n.Cuerpu qu'oscila, encolingáu nun puntu, pola aición de la gravedá y de la inercia. FAM. péndola, pendolín, pendular. ||El péndolu del reló del salón ponme nerviosu.

penriba. Contraición de la preposición per y de l'alverbiu enriba. SIN. per enriba. ||Punximos la moñeca penriba l'armariu.

pensamientu. n.Aición y efeutu de pensar. SIN. camientu, idea, pescudamienttu, xuiciu. ||Tuvi un pensamientu perbonu y tengo de llevalu a la práutica.

quira · Publicado: Mie Sep 07, 2005 5:16 pm **Asunto**:

pensar. v.Desendolcar les capacidaes inteleutuales que permiten razonar, maxinar, etc. SIN. atalantar, camentar, cuidar, pescudar. FAM. pensador-ora, pensamientu, pensante, pensatible, pensáu-ada-ao. ||Déxame pensar lo que tengo de facer.

pensatible. ax. Que camienta muncho so una cosa. SIN. meditabundu-a-o, pensativu-a-o. ||A Pedrín debía pasa-y daqué porque tuvo tol día mui pensatible.

pente. Sontraición de les preposiciones per y ente. ||Vilu apaecer pente los árboles de la viesca.

peña. 1. n.Piedra grande que surde nel terrenu de mou natural. VAR. pena. FAM. espeñar, peñadal, peñasca, peñascu, peñatu, peñazu, peñéu. ||jXubimos a una peña q'había no cimer'l monte. 2. n.Conxuntu d'amigos. ||Xuacu fuzo una peña montañeros colos sos collacios.

peñar. v.Iguar el pelo de les persones o'l pelo y la llana de los animales. ANT. despeñar. VAR. peinar FAM. peñador-ora-oro, peñáu-ada-ao, peñe, peñeta. ||La peluquera peñome y púnxome'l secador.

peñascu. n.Peña grande a la que ye difícil xubir. SIN. caspiu, cuetu, cuguruezu, peñón. ||En Cabrales hai munchos peñascos.

peñazu n.Aición y efeutu de tirar una piedra. SIN. cotarazu, cotazu, cutapazu, morrellazu, pedrazu, xigazu. ||Taben tirándo-y peñazos a una castañal vieya.

peñe. n.Aparatu con dientes que val pa peñar pelo, llana y otres febres. SIN. batidor, escarpidor, escarpizador, escarpizu. VAR. peine ||El peñe de Xabel tenía los dientes ralos.

peñera. n.Utensiliu formáu por un aru de madera y una tela metálica que val pa separtar los granos gordos de los finos. ||Mercamos una peñera nueva pa la fariña maíz sólo.

peñerar v.Separtar los granos gordos de los finos d'un material emplegando pa ello una peñera. VAR. peneirar, penerar, piñerar. FAM. peñera, peñerador-ora-oro, peñeru-a, peñericar. ||Peñera esa arena pa facer masa fino.

peñerina. n.Páxaru de rapiña que tien la cabeza abultada y el rabu llargu en forma d'abanicu. SIN. aviquina VAR. peneirina. ||La peñerina tiróse enriba la nialada y comió dos pitinos.

peñéu. n.Terrenu que tien munches piedres. VAR. penéu. ||Aquel peñéu estropia'l llanu.

peñizcar. v.Apretar ente los deos un cachu piel, carne o cualquier otra cosa. SIN. plizcañar, plizcar. FAM. peñizcón-ona-ono, peñizcu. ||Nun faes más que peñizcame y mánquesme.

peor. ax. De calidá o de valor más pequeñu. ANT. meyor. FAM. empeoramientu, empeorar. ||La to bici ye peor que la mía.

peonza. n.Xuguete de madera que se fai baillar. SIN. peón. ||Les bones peonces conócense pel ferrote.

pepita. 1. n.Semienta de dalgunos frutos. SIN. cuezcu. ||Les manzanes tienen pepites pequeñines. 2. n.Piedrina d'un metal preciosu. ||En dalgunos ríos d'Asturies entovía hai pepites d'oru. [] VAR. pebida.

pequeñu-a-o. ax. Que tien poca edá o pocu tamañu. ANT. grande VAR. pequeñu-a-o. ||Esti llibru ye más pequeñu qu'aquél.

pequí. Contraición de la preposición per y l'alverbiu equí. SIN per equí. ||jSé qu'anden pequí y nun los veo.

per. 1. n.Frutu de la peral, cola forma ovalada y de sabor dulce. ||Les peres madures son sabroses. FAM. peral, peruyada, peruyal, peruyera, peruyeru, peruyu. 2. n.Aparatu que s'emplega pa prender y apagar la lluz. ||En cuantes espierto apierto la pera pa prender la lluz.

peral. n.Árbol que da peres. SIN. peréu, preu. ||Tengo un terrenu enllenu perales.

perbaxo. Contraición de la preposición per y l'alverbiu baxo. SIN. pembaxo, perbaxo. ||Perbaxo mio casa hai munchos árboles.

percebe. n.Crustaceu que vive en colonies formando piñes y tien una carne perapreciao. SIN. perceba. ||El percebe ye un mariscu mui rico pero escaso.

perceguera. n.Ansiedá que dan les coses que molesten. SIN. picor, pruyimientu. VAR. peceguera. ||Dame perceguera velu d'eses traces.

percha. n.Aparatu llixeru con un soporte y un ganchu onde se pon la ropa pa guardalo. FAM. percheru. ||Has colocar el traxe napercha y colgala nel armariu.

perdayuri. alv. Per toes partes. SIN. per ehí, pen ende, pende, perhí. VAR. perdayures. ||jCamiento que pelayu anda perdayuri.

perder 1. V.Quedar ensin cualquier cosa que se tenía enantes. ||Tenía'l bolsu rotu y perdió les perres. 2. v.Estrozase les coses. ||Col agua que vieno perdiéronseme les fabes. 3. v.Tracamundiar la direición o'l camín que se lleva. ||Fuimos al monte y perdímosnos nel fayéu. []FAM. esperdiciu, imperdible, perda, perdedor-ora-oro, perdición, perdíu-ida-ío.

perdiz n.Ave de la familia de faisanes, col picu y les pates roxes, les plumes de color buxo penriba y un collar prietu. FAM. perdiciana, perdigón. ||La perdiz con verdura sabe perbién.

perecer. 1. v.Dexar d'esistir. SIN. morrer. ANT. vivir. ||Por nun-yos dar de comer enforma perecieron tolos paxarinos. 2. v.Sufrir muncho. Desesperar. SIN. carecer. ||jTuvo una enfermedá que lufizo perecer muncho. FAM. perecederu-a-o, perecedura, perecedures, perecimientu, perecíu-ida-ío.

perendengue. n.Pendiente llargu. SIN. perendenga. ||Ana punxo unos perendengues d'acebache.

perexil. n.Planta herbácea que s'usa como adobíu. VAR. perrexil. FAM. emperexilar, perexileru-a-o, perexilón-ona-ono. ||A la salsa que ficisti pa les amasueles fálta-y perexil-

quira · Publicado: Mie Sep 07, 2005 7:05 pm **Asunto**:

perfechaperfechu-a-o. ax. Que pon munchu curiáu en facer bien les coses. VAr. perfeutu-a-o, perheutu-a-o. ||Yera una neña pa too.

perfume. n.Líquidu fechu con alcohol y esencies que despide un bon golor. SIN. colonia. FAM. perfumador, perfumar, perfumáu-ada-ao, perfumería. ||El perfume que trai la to muyer güel del lloñe.

perhí. Contraición de la preposición per y l'alverbiu ehi. SIN. per ehí, pende, per ende. ||Tolos neños anden xugando perhí.

pericote. n.Baille popular del conceyu de Llanes. ||En muches fiestes asturianes báillase'l pericote.

pericuetu. n.Llugar pindiu per onde s'anda con dificultá. ||Metiéronmos per un pericuetu y lleguemos frayaos.

periódigu. n.Informativu qu'apaez de forma periódica. SIN. diariu, papel. FAM. periódicamente, periodiqueru-a, periodista, períodu. ||jEl periódicu trai que mañana va llover.

perla. n.Cuerpu duru, nacaráu y redondu que se forma nel interior de delles ostres. Úsase en xoyería. FAM. perlíferu-a-o. ||Merqué na xoyería un collar de perles.

pernil. n.Pata d'un animal, n'especial del gochu. Curada ya'l xamón. ||Merqué un pernil pa ponelu al fornu con pataques.

perres. n.Dineru. FAM. desperrar, perra, perrina, perrona. ||El tíu de Carlos traxo munches perres d'América.

perroneru-a-o. ax. Que tien pocu valir, de mala calidá. SIN. perruru-a-o, perrunu-a-o, rui-a-o. ANT. valiusu-a-o, valoratible. ||Diéronme un pastel y sabía perroneru.

perru-a. n.Animal mamíferu carniceru que ye domesticable y mui fiel a les persones. SIN. can. FAM. perrera, perreru-a-o, perrizu-a-o, perrunu-a-o. ||El mío perru ye de raza llobu.

perrucuspín. n.Animal mamíferu que tien el llombu enllenu pinchos. SIN. corcuspín, cuercuspín, cuerpuspín, rozcayeiru. ||El perrucuspín, cuando se ve en peligru enduviéllase como una pelota.

persiana. n.Pieza fecha con tablines fixes o movibles que pue abrise o zarrase pa protexer les ventanes de la lluz del sol y del tiempu. FAM. persianeru-a-o. ||Baxái la persiana que ta xarazando escontra la ventana.

persona. n.Individuu de la especie humana. SIN. ser. FAM. personal, personalidá, personalismu, personalización, personalizáu-ada-ao, personamientu, personaxe. ||Ayeri vieno a falar con mio pá una persona que nun conocía.

peruyal. n.Árbol que da peruyos. ||N'Asturies hai dellos pueblos que se llamen La Peruyal.

peruyu. n.Frutu de la peruyal, asemeyáu a les peres pero más pequeñu. VAR. peruchu. ||jEsti añu, la peruyal namái que dio unos pocos peruyos.

perxurar. v.Xurar en falso. FAM. perxurador-ora-oro, perxuráu-ada-ao, perxuriu. ||Perxuró nel xuiciu y metiéronlu na cárcel.

pesa. n.Pieza de pesu conocíu que val pa comparar colo que se quier pesar. ||Poner nel pesu una pesa de mediu kilu.

pesar. 1. v.Tener pesu. ||Esti balón nun pesa nada. 2. v.Buscar el pesu d'una cosa comparándola cola unidá. ||¿Pue pesar esti sacu pataques, señor Antón? []FAM. pesa, pesada, pesadez, pesadilla, pesadoria, pesáu-ada-ao, sopesar.

pescadería. n.Llugar onde se viende pescáu. ||Tengo que dir a la pescadería pa mercar unes parroches.

pescaderu-a. n.Persona que viende pescáu. ||El pescaderu d'El Fontán tien pescáu fresco.

pescal. n.Árbol que piescos. VAR.pescar. FAM.pesqueiru, piescu. ||jEsti añu nun hai piescos, porque la pescal secó.

pescanciar. v.Entender una cosa. SIN. percudar. VAR. percanciar. FAM. percanciable, percanciador-a-o, pescanciamientu. ||Nun soi a pescanciar nada de lo que diz.

pescar.. v.Agarrar pexes del agua con redes, con anzuelos. FAM. pesca, pescadería, pescaderu-a, pescador-a, pescáu, pescáu-ada-ao, repescar. ||Fuimos a pescar y el mio collaciu cayó al ríu.

pescudar. v. Facer investigaciones pa descubrir dalguna cosa. SIN. entender, investigar, pescanciar. FAM. pescudáu-ada-ao. ||Había que pescudar el motivu de salimos mal aquello.

pescuezu. n.Parte del cuerpu que xunta la cabeza col troncu. FAM. pescociar, pescozada, pescuezón, pescuezudu-a-o. ||Tuvi faciendo exerciciu y agora dualme'l pescuezu.

peselbre. n.Caxón onde s'echa'l piensu a los animales. SIN. comederu. VAR. peselbe. FAM. peselbrera. ||La mio vaca avezóse al prau y dexa lo que-y echo nel peselbre.

pesllar. v.Zarrar cola llave o col piesllu. SIN. trancar, zarrar.. ANT. abrir, despellar. VAR. presllar. FAM. pesllera, peslleru-a, pesllín, piesllu. ||Pesllái bien la puerta enantes de salir.

pesllera. n.Aparatu que se pon nes puertes y caxones pa pesllalos. SIN. zarradura. VAR. presllera. ||Esta pesllera tien una llave mui grande.

pestaña. n.Pelu asitiáu nel borde los párpagos que val pa protexer los güeyos. SIN. sobreceyes. FAM. apestañar, pestañear, pestañéu. ||Llocaya tien les pestañes prietes y grandes.

pesu. 1. n.Instrumentu que val pa pesar. ||Nel comerciu punxeron un pesu modernu. 2. n. Fuercia cola que la tierra atrái a los cuerpos. ||Nun pudi trayer el paquete porque tenía munchu pesu.

petar. v.Tener ganes de facer daqué. SIN. apetecer. ||Si te peta, xúbime'l neñu a casa.

petril. n.Muria pequeña que se pon nes pontes y nes orielles peligroses de les carreteres. ||Ficieron una ponte y nun-y punxeron petril.

quira · Publicado: Jue Sep 08, 2005 5:03 pm **Asunto**:

petrina. n.Cinturón con debilla que val p'aguantar dalgunes prendes de vistir. SIN. cintu. ||Merqué unos pantalones y regaláronme una petrina de cueru.

pexapu. n.Pexe ensin escames cola cabeza mui grande. SIN. pixín. VAR. peixapu. ||Antayeri comín unos fritos de pexapu en ca Pepe.

pexe. n.Animal vertebráu qu'alienda peles agalles y tien la sangre frío. Tien aletes pa nalar y vive na mar o nel ríu. VAR. peixe. FAM. pexera, pixuetu-a-o.. ||Hai dellos pexes, como'l pexapu, que nun tienen escames.

pexiglás. 1. n.Sustancia plástico, tresparente y flexible. SIN. plásticu.. ||Fixo un ivernaderu de pexiglás. 2. n.Impermeable fechu de pexiglás. ||Trai un pexiglás perguapu.

pexiguera. n.Cualquier cosa que mos dificulta p'acabar un trabayu. SIN. calamidá, fastidiu. ANT. facilidá. FAM. pexiguería, pexigueru-a-o. ||Toi con esta pexiguera que nun me dexa acabalo.

peza. n.Mancha parda que sal na pelleya. SIN. penca. FAM. pezalarrama, pezáu-ada-ao. ||A les neñes roxes, pel branu, sálen-yos peces na cara.

pezopé: andar al pezopé. espresión. Saltar con un pie mentanto l'otru ta encoyíu. SIN. a la pata coxa, al pía pión, al pecipín, al pielzapatín. ||Al xugar al pexopé embúrriense col costazu.

pianu. n.Instrumentu musical de tecláu y percusión con unes cuerdes metáliques metíes nuna caxa sonora. FAM. pianista, pianísticu-a-o, pianola. ||Quilu yá ta en cuartu cursu de pianu.

piar. v.Facer sonar la so voz les aves. SIN. chuchuriar, pipiar. FAM. piada, piador-ora-oro, pión-ona-ono. ||Los pitinos nun faesn más que piar tres la pita.

pica. 1. n.Punta afilada de dalguna cosa. ||El pelu quedó mui bien claváu porque tenía una pica mui afilada. 2. n.Azáu que s'usa na mina. ||La ferramienta que más usen los postiadores ye la pica.

picachón. n.Ferramienta p'arrincar piedres que tien un mangu de madera xuníu a un fierru con dos puntes: una con pica y otra con corte. SIN. picón. ||Esta piedra hai qu'arrincala col picachón.

picaderu. n.Cachu d'un tueru d'árbol anchu y curtiu que val pa picar lleña nél. VAR. picadeiru, picadoriu. ||Vi a Lin fendiendo lleña nel picaderu.

picadiellu. n.Carne de gochu picao y adobao con sal, ayu y pimientu, pa comer frito o pa facer chorizos. SIN. adobu. VAR. picadiyu. ||El picadiellu con pataques sabe perbién.

picalina. n.Lo cimero d'un árbol. SIN. pica, picalín. ||El páxaru prietu taba na picalina l'árbol.

picar. 1. v. Cortar en cachos. ||Dixéronme que tenía que picar tola lleña enantes de qu'atapeciere. 2. v.Llamar a la puerta. ||Nun tuvi más que picar y de secute abriéronme la puerta. 3. Sentir una sensación en la piel que produz ganes d'arrascase. ||Toi negra, píquenme les manes que nun soi p'aguantales. 4. Tener la comida a adabíos de sabor mui fuerte. ||jEsti chorizu pica que rabia, echáron-y munchu pimentón. []FAM. pica, picachón, picada, picaderu, picadura, pical, picalera, picalín, picalina, picaniellu, picante, picañón-ona-ono, picañu, picapierna, picapodre, picorota, picatueru, picáu-ada-ao, picaxa, picazón, picazu, picudu-a-o, repicar.

picatueru. n.Páxaru que tien un picu mui fuerte col que rompe les corteyes de los árboles pa buscar los inseutos colos que s'alimente. SIN. picaniellu, picariellu, picarranchón, picatorneru, tucutucu. VAR. picatuelu. ||Na viesca hai munchos picatueros.

picatuesta. n.Sopa que se fai con fégadu. ||En munches cases, pel samartín, faen picatuesta.

picaxa. n.Ferramienta pequeña que tien un mangu y una pala de fierro. ||Pa dir a trabayar la güerta fai falta la picaxa.

picona n.Zreza grande y picuda. ||Tengo una zrezal de picones.

picorota. n.Lo cimero'l monte. SIN cimblu, cume, picu. ||L'otru día xubimos hasta la picorota'l monte.

picoteru-a-o. ax. Qu'anda acizañando o pegando a los demás. VAR. picoteiru-era. ||Lito yera un picoteru y acababa enfadando a tol mundu.

picotiar. 1. v. Facer el picoteru. ||Xuan pasa les hores picotiando pel so hermanu. 2. v.Comer los páxaros col picu. Comer de forma asemeyada a como lo faen los páxaros. SIN. espicotiar, picar. ||jEl xilgueru picotia l'alpiste nel comederu. ||Pablo enxamás come picotia tol día. [] FAM. espicotiar, picotiador-ora-oro, picoteru-a-o, picotéu, picu.

quira · Publicado: Jue Sep 08, 2005 5:47 pm **Asunto**:

picu. 1. n.Boca de les aves. ||Los paxarinos comen col picu. 2. n. Lo cimero'l monte. SIN. cimblu, cume, picorota. ||Los escolinos fueron d'escursión a El Picu Tresconceyos. 3. n. Ferramienta de trabayu. ||Trabayar de picu y pala ye duro.

picuscayu-a-o. ax. Persona que falta a los demás cuando falen con ella. SIN. descaráu-ada-ao, faltosu-a-o. ANT. prudente. ||Yera tan picuscayu que naide quería falar con él.

pidiguñar. v.Pidir muncho y con insistencia. SIN. pidimiar, pinxar. VAR. pidigañar. FAM. pidiguñeru-a-o, pidiguñón-ona-ono, pidiguñu. ||Pidiguñaba tol día y sacaba daqué pa comer.

pidión-ona-ono. ax. Que pide de siguío. SIN. miagón-ona-ono, pediguñu-a-o, pidiguñeriru-era, pidiguñón-ona-ono. ||El neñu la mio vecina ye un pidión.

pidir. n.Encargu d'una partida mercancíes. ||Fici un pidíu de chaquetes al almacén y nun acaben de mandámelu.

pie. n.Parte del cuerpu onde se sofiten al andar les persones y los animales. VAR. pía, piee. ||Al cayer nel camín mancóse nun pie.

piedra. n.Material del que tán feches les roques. FAM. empedrar, pedrada, pedreru, pedrés, pedriscáu-ada-ao, picapedruru-a-o, piedrazu. ||Lleváronme per un camín enllenu piedres.

piel. n.Membrana fina que cubre'l cuerpu de persones y animales. SIN. pelleya, pelleyu, pellica. ||Tengo tola piel enritao pola mor del fríu que fai estos díes.

piensu. n.Ración d'alimentu en seco que se-y da al ganáu. FAM. piensar. ||Nesta granxa toles vaque comen piensu pela nueche.

pierna. n.Parte del cuerpu que va del cadril al pie. SIN. pata. FAM. pernada, pernil, pernera. ||Na pierna drecha salió-y al mio hermanu un bultu.

piescu. n.Frutu de la pescal, redondu, carnosu y cola pebida llisa. SIN. péxigu. ||Nun ye bono comer munchos piescos porque llueu duel la barriga.

piesllu. n.Pasador de fierro que tien la pesllera p'asegurar les puertes. SIN. pestiellu, pestíu. VAR. priesllu. ||Nun se pue abrir la puerta porque ta atascáu'l piesllu.

pieza .1. n.Obra musical. ||El gaiteru tocó una pieza perguapa. 2. n.Caúna de les partes que formen un oxetu. SIN. elementu. ||Al armar el motor de la máquina faltaba una pieza FAM. espiezar.

pigazar. v.Dormir y espertar ca poco, echar un suañu llixeru. VAR. apicazar, apigazar, apingayar, pigaciar, pigarciar. FAM. pigazu. ||Taba delantre la tele y pigazaba cada pocu.

pigazu. n.Suañu curtiu y llixeru. SIN. depicuatu. VAR. picazu, pigaciu, pigarciu. ||Dempués de comer eché un pigazu enriba la mesa.

pila. 1. n.Recipiente de piedra que val p'almacenar agua. SIN. bañal, pilón. ||El neñu cayó na pila l'agua. 2. n.Montón de coses. ||¡Mira qué pila mazanes!. 3. n.Aparatu que tien corriente continua. ||Dame la pila pa poné-yla a la llinterna. []FAM. apilar.

pilancu. n.Escotbu, impedimentu. SIN. entorpecimientu, enzancu, patón, torga. FAM. apilancar, pilanca, pilancador-a, pilancamientu. ||Pa llegar hasta ellí vamos alcontrar munchos pilancos.

pillar. v.Agarrar a ún que cuerre delantre. SIN. coyer. ||A esi ciclista van pillalu desiguida. FAM. pilla-pilla, pilláu-ada-ao.

pilón. 1. n.Pila de cementu o de piedra que val pálmacenar agua. SIN. bañal, pila. ||Has de fregar la cacía nel pilón. 2. n.Pila de cementu o piedra onde beben los aniamles. SIN. bebedeiru, bebederu, bebezón. ||Lleva les vaques a beber al pilón.

pilotu. 1. n.Persona que guía un barcu, un avión, un globu, uncoche, etc. ||La profesión de pilotu ye de muncha responsabilidá. 2. n.Caún de los faros d'atrás d'un automóvil. ||Echáronme una multa por tener un pilotu estrozáu. []FAM. pilotaxe, pilotar, pilotáu-ada-ao.

pimientu. n.Planta que da un frutu de formes variaes y delles vegaes picante. Tamién se-y llama asina al frutu. ||Comí unos pimientos pequeñinos, que-yos llamen de Padrón.

pimpín. n.Páxaru cantador de tamañu pequeñu col picu llargu y gordu. Tien color prieto y roxo. SIN. chichipán. ||El pimpín fai'l ñeru nos árboles altos.

pina. n.Pieza de madera o de metal que tien un ángulu diedru mui agudu pa fender o axustar. ||Con esa pina tien que fender esi tueru.

pinal. n.Llugar onde hai munchos pinos. VAR. pinar. FAM. pina, pinera, pinu. ||Nel pinal de Santana hai dalgunes perdices.

quira · Publicado: Dom Sep 11, 2005 6:10 pm **Asunto**:

pincel. n.Instrumentu fechu con pelos ataos a un mangu y que val p'aplicar colores. FAM. pincelada, pincelar, pinceláu-ada-ao. ||Na escuela mandáronmos llevar un pincel pequeñu.

pinchar. v.Espetar daqué que tenga un pinchu. SIN. picar, punzar. FAM. pinchador-ora-oro, pinchadura, pinchamientu, pinchante, pincháu-ada-ao, pinchazu, pinchu. ||Pinchó la pelota con una punta.

pinchu-a-o. ax. Elegante, bien vistíu. SIN. arregláu-ada-ao, emperipuestu-a-o, gayasperu-a-o. ANT. axixilistráu-ada-ao, esfarxoláu-ada-ao, xixilistrón-a-o, xostrón-ona-ono, zalapastrón. || El domingu estrenó un traxe y diba tou pinchu.

pindiu-a-o. ax. Mui inclinao. SIN. cuestu-a-o, emprunu-a-o, pinu-a-o, pienzu-a-o, ribayosu-a-o. ANT. llanu-a-o. ||Cansemos porque-l camín yera pindiu.

pinganexu. n.Cachu de xelu llargu y afiláu que cuelga. SIN. calámbranu, calambru, llaz. ||Cuando xela y nieva muncho nos teyaos apaecen pinganexos.

pringanizu. n.Piedra calcárea en forma de comu que cuelga nel techu les cavernes. SIN. pingolexu. ||Nes cueves de San Román hai munchos pinganizos de tolos tamaños y formes.

pingar. v.Cayer gotes de dalgún sitiu. SIN. pingaratiar, espingorriar, gotiar. FAM. espingayáu-ada-ao, pinga, pingadura, pingamientu, pinganexu, pinganiella, pingarata, pingáu-ada-ao, pinganizu, pingaza, pingón-ona-ono, pingu. ||Aquel carbayu nun dexaba de pingar dempués del xarabatu.

pingarata. n.Gota d'un líquidu. SIN. pinga. ||Mío güelu siempre echa unes pingarates d'anís nel café.

pingón-ona-ono. ax.Que pinga. ||Anda siempre cola saya pingona; ye mui mal amañada.

pingu. 1. n.Vistíu rotu y puercu. ||¡Cómo punxisti esi pingu, muyer!. 2. n.Persona de males costumes. ||Cómo yera tan pingu nun lu dexaben salir de casa. SIN. pingayu.

pingüín-ina. n.Ave palmípeda de les rexones polares. ||Los pingüinos son unos animales mui simpáticos.

pinín-ina. n.Persona que ye mui inocente y confiada. ||Yera tan pinín que lu engatusaba tol mundu.

pinta. 1. n.Mancha que sal nuna superficie. ||Xuan tenía unes pintes rares nos brazos. 2. n.Aspeutu que tien una persona o una cosa. ||Ya paecía a mi que nun diba salir bien; tenía mala pinta. 3. n.Cantidá pequeña d'un líquidu. ||Dame una piinta vinu.

pintalarrama. ax. Con manches de color pardo na cara y nel cuerpu. SIN. pezalarrama. FAM. peza, pezáu-ada-ao. ||El neñu de Xuacu yera piintalarrama.

pintar. 1. v.Cubrir con pintura o representar daqué nun dibuxu. SIN. dibuxar. ||Piñole pintó cuadros perguapos. 2. v.Resultar bien o mal una cosa. ||¿Cómo te pintó'l paséu?. FAM. pintador-ora-oro, pintarraxar, pintarriáu-ada-ao, pintor-a, pintorescu-a-o, pintura, pintu-a-o.

pintarraxar. v.Pintar mal curioso. SIN. escarabayar, enzafarnar, pintarriar. VAR. espintarraxar. FAM. pintarraxador-ora.oro, pintarraxamientu, pintarraxáu-ada-ao, pintarraxu. ||Los neños, de la qu'entamen a escuela, nun faen más que pintarraxar.

pintor-a. n.Persona que pinta. ||D'esa escuela salen bonos pintores.

pintu-a-o. ax. Que tien pintes o manches en dalguna parte'l cuerpu. SIN. pezu-a-o. ||Esi gatu ye pintu

pintura. 1. n.Arte de pintar. ||Ta estudiando pintura. 2. n.Cuadru pintáu. ||Esta pintura ye un bodegón. 3. n.Materia que s'usa pa pintar. ||Cómprame unes pintures pa facer el cuadru.

pinu. n.Planta conífera que da piñes. FAM. pinal, pinera. ||El pinu nun ye un árbol propiu d'Asturies.

pinu-a-o. ax. Que ta mui inclináu. SIN. cuestu-a-o, emprunu-a-o, pienzu-a-o, pindiu-a-o, ribayosu-a-o. ANT. llanu-a-o. ||jEstes cuestes tán bien pines.

pinza. 1. n.Utensiliu de metal con dos pieces xuníes per un llau que val p'agarrar coses. ||Picóme una abeya y tuvieron que sacame l'agruiyón con una pinza. 2. n.Muérganu que tienen dalgunos animales y que-yos val de defensa. ||Nos centollos, les pates que más carne tienen son de les pinces. FAM. pinzadura, pinzamientu, pinzar, pinzáu-ada-ao.

piñu. n.Conxuntu de persones o de coses amontonaes. SIN. carrapiellu, garapiellu, recimu. FAM. apiñar, apiñáu-ada-ao, piña, piñal, piñate. ||Comí un piñu d'uves mui grande.

piocampu. n.Xuegu onde los neños d'un bandu faen por agarrar a los d'otru. ||¿Xugamos al piocampu?

pioyera. 1. n.Sitiu onde hai munchos pioyos. ||Tien la cabeza fecha una pioyera. 2. n.Peñe coles púes a la xunta pa quitar les vives de los pioyos. SIN. llendrera. ||El maestru agarró la pioyera pa llimpia-y la cabeza a un rapacín. 3. n.Miseria, neceidá. ||Vi una casa que yera una pioyera. []VAR. piochera.

pioyina. n.Páxaru mui pequeñu coles lumes cubertes con rayines escures y rau curtiu. SIN. mosquiteru, zarrica. ||La pioyina fai los ñeros nos furacos de les sebes.

pioyu. n.Inseutu parásitu del home y de dellos animales que s'alimenta del so sangre. SIN. rucáncanu. VAR. piochu. FAM. despioyar, pioyar, pioyera, pioyina, pioyosu-a-o. ||Pa nun tener pioyos hai que tener el pelo llimpio.

pipa. 1. n.Recipiente de madera onde s'almacena vinu, sidra. FAM. pipote. ||Merqué una pipa sidra pa facer una espicha. 2. n.Utensiliu que s'usa pa fumar. ||jEl tabacu de pipa tien munchu arrecendor.

pirata. 1. n.Lladrón de los mares. SIN. corsariu-a. ||N'antigüedá taba'l Mediterraneu enllenu pirates. 2. n.Pillu, piraván. ||Yes un neñu mui pirata, ¿cuándo vas dexar de facer trataes?

pirindola. n.Peonza pequeña de madera o de plásticu con un rabín pa facela baillar. VAR. pirindola. ||Los neños xugaben cola pirindola nel recréu.

pirriar. v.Querer cualquier cosa con mucha intensidá. SIN. allampar, arranar, naguar, olivar. FAM. pirriadura, pirriamientu, pirriante, pirriáu-ada-ao. ||Pirriaba por tener un choche grande.

pisar. 1. v.Poner el pie sobre dalgún sitiu. ||Pisó'l xuguete y estrozólu. 2. v.Calcar col pie o con un instrumentu en dalgún sitiu o en dalguna cosa desfaciéndola. SIN. esfarrapar, estrapallar. ||Na seronda pisamos la manzana pa facer la sidra. 3. v.Falsiar los cimiento o la base d'un edificie. SIN. fundir. ||Al pisar la casa enllenáronse de fendedures les parés. [] FAM. pisada, pisáu-ada-ao, pisonadora, pisotiar.

piscina. n.Estanque d'agua pa bañase, nalar o facer dellos deportes acuáticos. ||Pel iviernu voi a la piscina climatizada de Roces.

pistola. n.Arma curtia de fueu que se manexa con una mano sola. FAM. pistoleru-a, pistoletazu, pistolu. ||Tenía en casa una pistola qu'alcontró de cuando la guerra.

pisu. 1. n.Caúna de les plantes d'una casa. ||Esa casa tien cinco pisos. 2. n.Caúna de les viviendes d'un edificiu. ||Compró un pisu en Mieres y dientro poco va vivir p'allá. 3. n.Suela'l calzáu. ||Fixo un furacu nel pisu les sandalies. 4. n.Suelu, pavimentu d'un cuartu. ||Echó-y cera al pisu y agora brilla muncho.

pita-u. n.Ave terrestre poco esnalodora, cuerpu gordu y esnales, pates y picu curtíos. SIN. gallu, gallina. FAM. pitaciega, pitada, piteríu, piteru. ||Tien dos mil pites na granxa.

pitaciega. 1. n.Xuegu nel qu'un xugador, colos güeyos atapaos, busca a los otros. ||Lluis diba de pitaciega y paecía un sonámbulu. 2. n.Flor del gamón. SIN. pitoxa. ||Dexa la pitaciega y agarra'l lloréu.

pitada. 1. n.Conxuntu de pitinos que se saquen d'una vez. SIN. nialada, ñerada, pollada, pollerada. ||La mio pita sacó siete pitinos d'un pitada. 2.Soníu que se produz al tocar muncha xente a la vez los sos pitos. ||Metiéron-y una pitada al ministru por nun cumplir lo pautao.

pitar. 1. v.Facer sonal el pitu. ||L'arbitru pitó-y penalti al porteru. 2. v.Protestar a daquién pa dici-y que nun tamos d'acuerdu. ||Metanes l'actuación del cantante pitáronlu ensin parar. SIN. xiblar. FAM. pitada, pitáu-ada-ao, pitíu, pitu.

piteru. n.Lluegar onde se críen y viven les pites. SIN. capaz, caponeiru, gallineru, polleiru. ||Les pites taben escondíes en piteru.

piteru-a. n.Persona que trata en pites. ||Zarró'l tratu col piteru y vendió-y toles pites.

pitu. 1. n.Cigarru. ||Siempre fumo un pitu dempués de comer y dame muncha tose. 2. n.Instrumentu que se fai sonar soplándolu. SIN. xiblatu. ||El guardian tocó-yos el pitu pa que frenaren.

pixín. n.Pexe marín comestible que nun tien escames y que ye prietu pel llombu y blancu pela barriga. SIN. pexapu. ||N'Asturies emplégase muncho'l pixín pa facer sopa.

piyama. n.Prenda que se pon pa dormir. ||Regaláron-y un piyama de colorinos.